mikudagur 15. mai 2019síða 18

HÓSDAGUR 16. MAI 2019 SOSIALURIN 56 18 Gøtutróndur og autisma: - Tað hevur verið eitt einastandandi ævintýr, sum bara er vaksið fyri hvørt ár, siga fyriskipararnir av tatoveringsfestivalinum FO Tatt Fest, sum verður um vikuskiftið. Í ár verður ein málningur av Tróndi í Gøtu seldur á uppboðssølu, og allur peningurin fer óskerdur til Autismufelagið FLEIRI HUNDRAÐ VILJA TIL FØROYA AT TATOVERA PÆTUR HJALMAR EVENSSON U m vikuskiftið verður árligi tatoverings­ festi­val­urin FO Tatt Fest hildin í Sjón­ leikara­húsinum í Havn fyri áttandu ferð. Tað eru íslendsku Fjöl­nir Geir Bragason og Palli Sch Thorsteinsson, ið skipa fyri, og tilsamans koma 16 tatovørar úr øllum heiminum til Føroya at tato­vera. Tveir eru føroyskir, meðan hinir tatovørarnir koma frá lond­um sum Íslandi, Argentina, Ong­landi og Russlandi. - Vit mugu siga nei við tatovørar FO Tatt Fest er sum vera man vaksið nógv seinastu árini, og festi­valurin er sera høgur í metum millum tatovørar kring allan knøttin. - Í byrjanini var tað eingin av útlendsku tatovørunum, sum kendu til Føroya. Nú verða vit uppringdir frá tatovørum úr øllum heiminum, sum so gjarna vilja koma her. Men vit mugu siga nei, tí tað er ikki pláss, for­ telur Fjölnir Geir Bragason. - Vit hava ein bíðilista á yvir 400 tatovørar, leggur Palli Sch Thor­steinsson aftrat. Teir bestu tatovørarnir Nú festivalurin er so væl um­ tóktur, kunnu fyrireikararnir loyva sær at velja og vraka. - Tað er ikki nokk bara at vera ein góður tatovørur. Tú mást eisini vera ein góður og fittur per­són­ur. Í øllum økjum eru ymsar týpur, og vit vilja bara bjóða føroyska fólkinum tað allar besta av tí besta, sigur Palli Sch Thorsteinsson. Lítil og persónligur festivalur Á teimum stóru tato­festi­val­ unum úti í heimi er talið av tatovørum trýsiffrað. Tað er slett ikki tað sama sum hugna­ ligi og sjarmerandi festi­val­urin við 16 tatovørum í Sjón­leikara­ húsinum. Nettupp hetta er styrk­in hjá FO Tatt Fest. - Hetta er eitt sera serligt til­ tak, sum er lítið og persónligt. Vit skipa altíð fyri túrum og ansa væl uppá tey. Tað hevur verið eitt einastandandi ævin­týr, og tað er bara vaksið í vavi fyri hvørt ár, sigur Fjölnir Geir Bragason og greiðir víðari frá góða orðinum. - Tá tatovørarnir koma her, lata teir væl at og tosa um okkara festival við aðrar tato­ vør­ar úti í heimi. Uppá hendan mátan hevur orðið spreitt seg, og tað er jú eyka áhugavert fyri út­ lendingar, at hesin festivalurin er mitt í ongamannalandi í ein­ um stað, sum næstan eingin veit er til, sigur Fjölnir. Palli Sch Thorsteinsson vísir á, at um mann fer til ein tatovør uttan­lands, eru útlitini stór fyri, at tatovørurin hevur hoyrt um FO Tatt Fest. - Í mun til teir stóru festi­val­ar­ nar er tað undranarvert, at tann føroyski bara hevur 16 tatovørar. Hetta er minsti tatofestivalur í minsta høvuðsstaði í heiminum, sigur hann. Stuðla autismu við málningi av Gøtutróndi Tað serliga í ár í mun til undan­ farin ár er, at í ár verður ein for­ kunnugur málningur seldur til hægst bjóðandi. Málningurin er av Tróndi í Gøtu, sum vit kenna frá føroyingasøgu. Tað er russiski listamaðurin og tato­ vør­urin Nick Morte, ið hevur gjørt málningin, sum er 80x100 sentimetrar stórur. Til tatoofestivalin verða tríggj­ar ymsar heiðurslønir latn­ ar tatovørunum. Teir tato­vør­ ar­nir, ið fáa hesar heiðurslønir, fáa eitt prent av málninginum. Men tann originali málningurin verður settur á uppboðssølu. Hetta er til eitt gott endamál, sum liggur teimum báðum fyri­ reikarunum nær. - Allir pengarnir fara óskerdir til Autismufelagið í Føroyum. Vit hava báðir tilknýti til hetta felagið, tí gubbadóttir okkara í Før­oyum hevur autismu, og tað sama hevur abbasonur Fjølnir í Íslandi, sigur Palli. - Tað hevur stóran týdning fyri okkum at stuðla teimum og øðrum, sum hava autismu. Vit vilja fegnir lata hesar peng­ ar­nar til frama fyri tað góða enda­málið, sigur Fjölnir. Teir fara at royna at seta eina tal­gilda uppboðssølu í verk so tað verður møguleiki fyri at bjóða dulnevnt, um mann nú ikki tímir at leggja sítt navn al­ ment til. - Tróndur í Gøtu ein hetja Teir báðir Fjølnir og Palli eru sera hugtiknir av Tróndi í Gøtu, og tí fingu teir Nick Morte, sum teim­um eisini dáma væl, at mála ein málning av føroyska vík­ingi­ num. - Tróndur í Gøtu er ein hetja og okkum dámar hann sera væl. Eg haldi, hann er ein av teim­um kulastu víkingunum nakran­tíð. Hann stóð við sítt og bardist sín dyst, líka sum vit øll hava okkurt at stríðast við. Á máln­ inginum síggja vit hann á veg í kríggj, meðan hann heldur í einari morgunfrúu, og skjøldrið aftanfyri súmboliserar lívsins ring­rás, greiðir ein hugtikin Fjöln­ir Geir Bragason frá. PATURE@SOSIALURIN.FO