mánadagur 27. mai 2019síða 20

Mánadagur 27. mai 2019 · Nr. 60 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Gundadalur, Tórshavn Tað eru spældir 15 minuttir í Gundadali, tá Árni Frederiks­ berg leggur bóltin innfyri úr høgru. Hann hevur longu frammanundan lagt árstals­ felagið á odda úr áleið somu støðu. Hesa ferð siktar hann eftir einum viðspælara, sum hevur leitað sær inn í brots­ teig­in. Mitt frammanfyri málið kem­ur ein nakað lágvaksin spælari rennandi og setur høvdið á bóltin, sum endar í máli­num við handari stong. Tað er í so máta einki óvanligt at hóma við málinum, men tað er ikki fyrr spælarar og áskoðarar síggja, at tað er maðurin við 3-talinum á rygginum, sum hevur stútað bóltin í málið. Átta ár síðani seinast 32 ára gamli Jónas Þór Næs hevur spælt 115 dystir í vaksna­ manna fótbólti uttan at hava skorað eitt mál. Hartil hevur hann 56 dystir á landsliðnum, sum heldur ikki hava givið mál. Vit skulu heili átta ár aftur, fyri at finna Jónas Þór Næs á máltalvuni. Tað var 15. mai í 2011, tá hann í yvirtíðini minkaði um munin fyri Val í dysti móti Fylkir í íslendsku kapp­ingini. -Sjálvt um eg eri lítil, so skoraði eg eisini við høvdinum tá, sigur Jónas Þór Næs við ein­ um brosi við FM1. Høgri bakkurin segði eisini, at Jákup á Borg, venjari hjá B36, gjarna vil hava bakkarnar fram við. Tí fór hann eisini fram við, sjálvt um tað ikki hevur verið hansara lutur so oftani. Hartil fær Árni Frederiksberg eisini rós fyri innleggið. -Árni hevur sagt, at hann skal hjálpa mær. Tað gjørdi hann har við einum góðum inn­leggi. Eg veit ikki heilt hvussu eg fekk skallað handan bóltin í málið. Spælararnir hava longu sagt við meg, at teir fara at gera eina t-shirt har tað stendur, at teir spældu við tá eg skoraði, fortelur Jónas Þór Næs skemtiliga frá eftir dystin. Umskiftilig grannauppgerð Sjálvur dysturin er ikki so nógv at reypa av. Leikferðin er lág í mun til toppdystirnar, og hug­burðurin hjá gestunum av Argjum er ikki serliga stríðshugaður. B36 er uttan bæði Eli F. Nielsen og Magnus H. Jacobsen, ið báðir hava leik­ bann, og Brian Jakobsen situr á bonkinum við trupulleikum í lærkrikanum, meðan Erling Dávids­son er við aftur frá byrjan. Argjamenn eru uttan Rógva Poulsen, ið er saknaður sum bindilið millum miðjuna og álopið. Dysturin kemur ongantíð ordiliga í gongd, tí B36 er á odda 2-0 longu aftaná eitt korter. Stutt seinni má Benjamin Heine­sen út við skaða, eftir eina lívliga byrjan. Eisini argja­menn skifta, fyri at verja betri fyri Árna Frederiksberg, sum spældi væl í fyrra hálv­ leiki. Broytingarnar og støð­ an í dystinum ger, at tað blív­ ur ongantíð undirhaldandi og spennandi. Argjamenn mugu hava styrk og broyta hugburð Tað er afturgangandi fyri spæl­ ið hjá argjamonnum, at teir ikki fáa nakað burturúr, tá tað stendur á. Teir spæla væl, tá teir hava bóltin í uppspælinum, men nærkast teir málinum, so kemur minni burturúr. Hartil stendur verjan seg illa. Tað er lítil samanhangur millum ketur­nar og tú hómar ikki, at spælararnir vilja tað nokk og vilja stríðast fyri hvørjum øðrum. Tað má ein hug­burðs­broyt­ ing til hjá serliga eldru spælar­ unum á liðnum, sum ikki taka ábyrgd. Tað er ongin útstráling og ongin leiðari á liðnum. -Í dag gera vit fleiri kollek­ tivar feilir. Vit gera ikki tað, sum vit hava avtalað at gera undan dystinum. Eitt nú vita vit, at B36 spælir langar diagonal­ ar bóltar til vengurnar. Árni Frederiksberg brúkar nógv vinstra bein, men vit fáa ikki steðga tí, sigur Sorin Anghel, venj­ari hjá AB. Hann letur illa at fyrra hálv­ leiki, men heldur at seinni hálv­ leikur er betri. -Vit spæla betri í sein­na hálv­leiki. Vit fáa málið og hava ein møguleika at minka niður í 3-2. Um vit skora tá, so kanska vit hava ein dyst, sigur Sorin Anghel. Venjarin hjá AB hevur í farnu viku verið í Danmark og hugt eftir trimum spælarum, ið hann kundi hugsað sær at fing­ ið til seinnu hálvu. -Eg havi hugt eftir trimum spælar­um, sum eg haldi vit kunnu brúka, men eg kann ikki siga hvørjir teir eru. Tað er ikki bara upp til mín nú, men eisini leiðsluna í felagnum um hetta er áhugavert, sigur Sorin Anghel. B36 á veg upp – AB niður B36 hevur nú vunnið fýra sigrar upp í slag, og hevur fyribils lagt seg á annað plássið, undan dyst­unum í kvøld. Komandi tveir dystirnir eru móti ÍF og TB á útivølli. -Vit fara sjálvandi á vøllin fyri at vinna teir dystirnar. Tað gera vit altíð, men vit hava eitt nú spælt móti TB hevur í Gunda­dali fyri kortum. Tað var ikki nakar lættur dystur, so vit vita eisini at tað verður torført, sigur Jónas Þór Næs. AB hevur hinvegin avbera torførar dystir. Komandi um­ førini bjóða upp á útidystir móti KÍ og NSÍ. -Vit spæla við tí sum vit hava og vit trúgva upp á okkum sjálvur. Hví skulu vit ikki kunna fáa stig í hasum dyst­unum, spyr Sorin Anghel. Turru tølini siga, at AB hevur ikki vunnið í teimum seinastu níggju dystunum í lands­kappingini. Av teimum eru átta taptir. B36 er komið fyri seg í topp­stríðnum, meðan argja­ menn mugu heima at ransaka seg sjálvar, tí hugburðurin í Gundadali í gjár var undir alt lág­mark. Serliga tá hugsað verður um, at talan er um eina granna­uppgerð og AB liggur niðast á stigatalvuni. trondur@sosialurin.fo Fótbóltur Dysturin hesa vikuna... B36 – AB 4-1: JÓNAS UM FYRSTA MÁLIÐ: -Árni Frederiksberg hevur sagt, at hann skal hjálpa mær. Tað gjørdi hann har við einum góðum innleggi. Eg veit ikki heilt hvussu eg fekk skallað handan bóltin í málið. Spælararnir hava longu sagt við meg, at teir fara at gera eina t-shirt har tað stendur, at teir spældu við tá eg skoraði, fortelur Jónas Þór Næs Í dysti nummar 116 eydnaðist tað Jónasi Þór Næs at skjóta sítt fyrsta mál í vaksnamanna fótbólti í Føroyum. Tað hendi í 4-1 sigrinum á argjamonnum sunnudagin. Gestirnir vístu vánaligan hugburð og broytingar mugu til, um liðið skal yvirliva FYRSTA MÁLIÐ Í FØROYSKUM FÓTBÓLTI HJÁ JÓNASI ÞÓR NÆS