týsdagur 28. mai 2019síða 28

Mikudagur 29. mai 2019 · Nr. 61 28 Sosialurin Hugskot og viðmerkingar – send sms til 225000 FÓTBÓLTUR Tróndur Arge – FSF Húsið, Tórshavn. 22 nøvn standa á skerminum í FSF-húsinum, men ongin Gunn­ar Nielsen, ongin Sonni Ragn­ar Nattestad og ongin Jóan Símun Edmundsson. Trígg­ir spælarar, sum hava stóran týdning fyri føroyska lands­liðið. Tað eru góðir avloysarar í hópinum, men tað er ongin ivi um, at júst hasir tríggir høvdu byrjað inni til eina og hvørja tíð, um teir vóru klárir. Lands­liðs­ venjarin, Lars Olsen, greiddi á tíð­indafundi frá støðuni. -Eg bleiv skjótt greiðir yvir, at Gunnar Nielsen ikki fór at blíva klárur. Eg tosaði við hann dagin eftir, at hann breyt hond­ ina. Síðani ringdi eg til Jóan Sím­un Edmundsson, sum er byrj­aður at spæla aftur, men hann hevur pínu bæði áðrenn og aftaná hann hevur spælt. Eg havi valt ikki at taka hann við, tí eg vil ikki koma í somu støðu sum í Malta, tá hann má geva av­boð í minuttunum upp til dyst­ar­byrjan. Tað ynskir hann eisini sjálvur at sleppa undan, sigur Lars Olsen. Støðan er øðrvísi við Sonna Ragn­ar Nattestad, sum tykist hava trupult við at fella til í FC Fredericia. Her er talan um eitt bleinleiðis frával hjá lands­liðs­ venjaranum. -So er tað Sonni Ragnar. Hann hevur havt eitt misjavnt hálv­ár í Fredericia, har hann hev­ur havt fleiri snuddir. Tí hevur hann heldur ikki vant ordi­ligt. Av tí sama hevur hann heldur ikki fingið nokk at spæltíð, men eg sá um viku­ skiftið, at hann kom á vøllin. Vón­andi kann hann nú byrja at venja javnan, tí so er hann av­gjørt ein spælari, sum lands­ lið­ið kann brúka, sigur lands­ liðs­venjarin. Spurdur uppaftur, um talan er um eitt beinleiðis frával svar­aði hann: -Ja, eg havi valt hann frá, sigur Lars Olsen avgjørdur á máli­num. Andrias og Jákup eru nýggir Tveir mans hava fingið lands­liðs­ boð á fyrsta sinni. Teir eru Andrias H. Eriksen úr B36 og Jákup B. Andreasen úr KÍ. Um Andrias H. Eriksen sigur Lars Olsen: -Teir dystirnar eg havi sæð, hevur hann spælt væl. Hann spæl­ir sum miðverji, men eg havi hann eisini í tonkunum sum høgri bakk. Gilli Rólants­son kann blíva skaddur ella fáa kort. Tá er Andrias ein møgu­leiki, sigur Lars Olsen Um Jákup B. Andreasen sig­ ur landsliðsvenjarin: -Hann hevur framvegis aldur til U21-landsliðið. Tað er týdn­ingarmikið, at hann fær royndir í altjóða fótbólti í U21-landsdystunum. Tí vil eg gjarna, at hann spælir við U21-lands­liðnum. Jákup hevur stað­ið seg væl á verjukenda mið­vøllinum hjá KÍ, og tað er júst har vit leita eftir einum spælara. Tí er hetta ein góður møgu­leiki at hyggja nærri at hon­um. So kemur tíðin at vísa, um hann sær spælitíð eisini. Nýggjur málverji Tá Gunnar Nielsen ikki verður við, so skal nýggjur maður í hansara stað. Hetta er fyrsti undan­kappingardystur undir leiðslu av Lars Olsen, at Gunn­ ar Nielsen ikki stendur í mál. Spurningurin er so hvør kemur at verja føroyska málið. -Teitur M. Gestsson hevur verið við leingi og hevur sitið á bonkinum nógvum dystum. Hann h e v u r eisini spælt fleiri venj­ ingardystir. Tað sær kanska eisini út til, at hann er næstur í rekkjuni, men eg vil ikki binda meg, tí tað kann hen­da nógv til venjing. Tí er ongin orsøk til at siga hvør byrjar, tí so kundi eg tað sama kunngjørt liðið, sigur Lars Olsen. Lars ivast í samansetingini á miðjuni Avboðini ávirka sum so ikki mið­vøllin, men Lars Olsen leitar framvegis eftir eini saman­seting til miðvøllin. -Síðani Fróði Benjaminsen gavst, hava vit leitað eftir ein­ um verjukendum mið­vallara. Vit hava flutt eitt sindur runt við Halli Hansson og Bran­di Hendriksson. Faktist haldi eg, at seinnu dystirnar hevur Brandur luttikið meiri í spælinum, tá hann hevur spælt longu afturi á vøllinum. Tá koma hansara eginleikar sum spælfordeilari eisini til sín Landsliðsúttøka: Lars Olsen hevur úttikið teir 22 spælararnar, ið skulu spæla móti Spania og Norra á Tórsvølli ávikavist fríggjakvøldið 7. juni og mánakvøldið 10. juni. Tríggir profilar eru ikki við, meðan tveir nýggir mans hava fingið landsliðsboð á fyrsta sinni. Teir eru Andrias H. Eriksen úr B36 og Jákup B. Andreasen úr KÍ FLEIRI BROYTINGAR Á LANDSLIÐNUM FAKTA: FØROYAR – SPANIA fríggjadagin 7. juni klokkan 19:45 FØROYAR – NORRA Mánadagin 10. juni klokkan 19:45 MÁLVERJAR Teitur Matras Gestsson, HB Karstin Hansen, Skála Kristian Joensen, KÍ VERJUSPÆLARAR Atli Gregersen, Víkingur Odmar Færø, Hamarkameratene (NOR) Viljormur Davidsen, Vejle BK (DAN) Magnus Egilsson, HB Gilli Rólantsson Sørensen, SK Brann (NOR) Andrias Høgnason Eriksen, B36 MIÐVALLARAR Heini Vatnsdal, Fremad Amager (DAN) Rene Shaki Joensen, Grindavík (ÍSL) Hallur Hansson, AC Horsens (DAN) Brandur Hendriksson Olsen, FH Hafnarfjørður (ÍSL) Rógvi Baldvinsson, Bryne BK (NOR) Kaj Leo í Bartalsstovu, Valur (ÍSL) Árni Frederiksberg, B36 Sølvi Vatnhamar, Víkingur Meinhard Egilsson Olsen, Kristiansund BK (NOR) Jákup Biskopstø Andreasen, KÍ FRAMHERJAR Klæmint Andrasson Olsen, NSÍ Jákup Ludvig Thomsen, FH Hafnarfjørður (ÍSL) Jóannes Bjartalíð, KÍ