mikudagur 29. mai 2019síða 22

FRÍGGJADAGUR 31. MAI 2019 SOSIALURIN 62 22 TRÓNDUR ARGE U m vikuskiftið verð­ ur 12. umfar í Betri deildini hjá monn­ um. Bara í tí eina dystinum er spenningur á pappíri­num, meðan NSÍ, HB, B36 og KÍ eru stórfavorittar at vinna. Størsti spenningurin er óiva í Gøtu, har Víkingur tekur móti Skála. Liðini hittust í steypakappingini herfyri og tað endaði við javnleiki. NSÍ hevur gjørt reint borð á heimavølli og tekur móti TB leygardagin. Sunnudagin eru tríggir greiðir favorittar. HB fær vitjan av EB/Streymi, B36 er í Fuglafirði, meðan KÍ tekur móti AB í Klaksvík klokkan 15.30 sunnudagin. NSÍ-TB: Leygardagin klokkan 16.00 DÓMARI: EILER RASMUSSEN NSÍ hevur vunnið seks dystir upp í slag í landskappingini. Samstundis hevur NSÍ vunnið allar seks heimadystirnar í lands­ kappingini í ár. Tí er uppgávan stór hjá tvøramonnum, sum ikki hava vunnið á útivølli í ár. Turru tølini siga ein greiða sigur til heimaliðið, har Klæmint A. Olsen í minsta lagi kemur á máltalvuna. Liðskiparin hevur skorað ikki færri enn 13 mál í bara 11 dystum. Seinast liðini møttust vann NSí 3-0 við Stórá. Gestirnir tykjast tó leggja lítið í turr tøl og meiningar hjá øðrum. TB hevur havt eina umskiftiliga upptakt til hetta kappingarár, men við 1-0 sigrinum á ÍF sunnudagin, hevur TB slitið seg leyst av niðurflytingarstríðnum. TB hevur nú 12 stig og átta stig eru niður til niðurflytingarstrikuna. Zoran Pavlovic tykist hava tekkið á Tvøroyri, meðan nýggju spælararnir gera góðan mun. Spælarar sum Ivan Ivanovic og Luc Michael Jeggo trívast væl í TB-troyggjuni, meðan lokali U21-landsliðsspælarin, Stefan Radosavljevic, er blivin nýggja stjørnan í Suðuroynni. Tað er tó torført at koma uttan um ein sigur til heimaliðið í hesum dystinum. NSÍ hevur øll tølini í sín lut. SOSIALURIN TIPPAR: 3-0 Víkingur-Skála: Sunnudagin klokkan 15.00 DÓMARI: ALEX TROLEIS Hetta er mest spennandi dysturin á pappírinum. Hóast stigatalvan er farin at líkjast sær sjálvari aftur, so er munurin millum hesi bæði liðini ikki stórur. Tey hava júst spælt tvær hálvfinalur í kappingini um Løgmanssteypið. Her endaðu báðar við javnleiki, meðan landskappingardysturin endaði við 3-2 sigri til Víking á Skála. Ein annar mátistokkur er gongdin seinastu tíðina. Her er ein greiðir fyrimunur til heimaliðið. Víkingur hevur vunnið seks av teimum sjey seinastu dystunum í landskappingini. Einasti svipsarin var á heimavølli móti EB/Streymi. Hinvegin hevur Skála havt eitt torført tíðarskeið. Eftir frálíka sigurin í Gundadali móti HB í 7. umfari, hevur Skála tapt fýra dystir upp í slag. Her er tó vert at leggja afturat, at Skála í teimum dystunum hevur spælt móti fýra av fimm teimum stóru, umframt at liðið hevur spælt tvær hálvfinalur í kappingini í Løgmanssteypinum. Víkingarnir eru í løtuni sterkir í verjupartinum. Teir hava bara latið fimm mál inn í sjey dystum. Tí bendir nógv á ein tepran sigur til Víking. SOSIALURIN TIPPAR: 1-0 HB-EB/Streymur: Sunnudagin klokkan 15.00 DÓMARI: LARS MÚLLER Nú hevur HB ikki ráð at gera fleiri mistøk í hesum kappingarárinum. Eftir eitt gott tíðarskeið við eitt nú einum sigri á KÍ í landskappingini, so eru nú aftur átta stig upp til oddaliðið úr Klaksvík. Spælið var ikki sannførandi í Gøtu, tá HB mánakvøldið tapti 1-0 móti Víkingi. Tróndur Jensen hevur leikbann til dystin móti EB/ Streymi, men tað er ongin umbering fyri, at HB skal vinna greiðan sigur sunnudagin. Gestirnir úr Sundalagnum eru byrjaðir á nýggjum, men afturstigini hava verið fleiri. Fleiri av lyklaspælaranum sita uttanfyri við skaðum, meðan úrslitini á máltalvuni blíva verri og verri. 8-1 og 4-0. Glottin var 1-1 javnleikurin í Gøtu, men hann verður torførur at endurtaka í Gundadali. HB spælir í løtuni á einum hægri stigi enn fyrr í ár, men Ikki við: Jákup Pauli Breckmann (lærkrikin 4-6 vikur), Jógvan Jóannesarsson (knæið, 2-3 vikur), Heðin Stenberg (knæið, 5 vikur), Hørður Tórsson (akslaskaði, 2-3 vikur), Rógvi Poulsen (fóturin, restin av fyrru hálvu), Bárður Olsen (fipur, 4 vikur), Jobin Drangastein (hælsinan) Ikki við: Benjamin Heinesen (leikbann, 4 gul kort), Rói Mørk Hentze (knæskaði, 2-3 vikur), Róaldur Jakobsen (fótur, langtíðarskaddur), Hannes Agnarsson (lær, 3-4 vikur), Erlendur Magnusson (krossband, langtíðarskaddur) Ivasamir: Erling Jacobsen (lærkrikin), Símun Rógvi Hansen (knæ), Bjarni Petersen (lær) Við aftur: Eli F. Nielsen (eftir leikbann), Magnus H. Jacobsen (eftir leikbann) Ikki við: Andras Olsen (krossband, langtíðarskaddur), Jóhannes Hansen (krossband, langtíðarskaddur), Arnar Dam (knæ), Leif Niclasen (fótur, mánaðir), Tóki H. Johannesen (skinnabein), Magnus Jarnskor (leikbann), Niklas Kruse Ivasamir: Arnbjørn Hansen, Rói Zachariasen Við aftur: Gestur Bogason Dam Ikki við: Tróndur Jensen (leikbann), Brynjar Høldversson (fóturin, 4 vikur), Andreas Breimyr (2 vikur) Við aftur: Símun Samuelsen (leikbann) Ikki við: Ólavur Niclasen (hælurin), Óli Eyðsteinsson Poulsen (knæið) Ivasamir: Boris Dosljak (vøddaskaði), Simen Sandmæl (vøddaskaði) og Torbjørn Grytten (vøddaskaði) LIÐ TÍÐINDI B36 HB AB EB/STREYMUR KÍ ÍTRÓTTUR Upptakt 12. umfar: Fýra stórir og ein favorittur eru til 12. umfar í landskappingini, sum verður um vikuskiftið. NSÍ og TB spæla leygardagin, meðan hinir fýra dystirnir verða sunnudagin. Topp-fimm liðini eru øll favorittar at vinna TOPP- LIÐINI ERU FAVORITTAR