mikudagur 29. mai 2019síða 32

VINNUBLAÐIÐ HJÁ MIÐLAHÚSINUM 8 mai 2019 31 - KAFFIHÚS ER EITT SOSIALT UPPLIVILSI, HAR FÓLK HITTAST OG DEILA HUGSKOT. HER KANST TÚ HITTA FÓLK, TÚ IKKI VÆNTAR, AT TÚ FERT AT HITTA, SIGUR MIMMY VÁGSHEYG, EIGARI AV KAFFIHÚSINUM FRÍÐU Í KLAKSVÍK Pætur Hjalmar Evensson pature@sosialurin.fo Á Nólsoyar Pálsgøtu í Klaksvík er litríka og hugnaliga kaffihúsið Fríða, sum er fyrsta kafé av sínum slag í Norðuroyggjum. Fyri seks árum síðani lat hendan heimliga kaféin upp, sum má sigast at hava lagt lunnar undir kafémentanina, sum er í Klaksvík í dag. Eigarin er klaksvíkskvinnan Mimmy Vágs­heyg, sum vildi royna okkurt nýtt við egn­ari kafé aftaná at hava verið í kafé- og matstovuvinnuni í fleiri ár. Hon fekk bjóðað eitt høli á Nólsoyar Pálsgøtu nummar 7 beint við Biskupsstøð, har Nólsoyar Páll búleikaðist sum bóndi í 1800. Við hesum søguliga ele­ ment­inum í huga var konseptið sjálvsagt, og hon uppkallaði kaféina eftir báti Nólsoyar Páls, Roynd­ini Fríðu. - Nólsoyar Páll ferðaðist í Evropa um ta tíð­ ina, tá kaffi- og tehús byrjaðu at vinda uppá seg. Hann man ivaleyst hava vitjað á kaffi­ hús­um í Evropa og fingið nøkur góð hugskot og íblástur. Vit vita, at Nólsoyar Páll og kona hans­ara Marin Malena brúktu koppastell og øl­gløs, og eg haldi, at tey bæði og Royndin Fríða hóskaðu seg væl sum tema til kaffihúsið, greiðir Mimmy Vágsheyg frá. So nógvar lokalar rávørur sum gjørligt Ein týdningarmikil partur av virkseminum í Fríðu er at gagnnýta tað, sum er í nærum­ hvørv­inum. - Vit royna at hava so lokalar rávørur sum møguligt. Sjálvsagt borðreiða vit eisini við høsn­arunga og fleski, men tað ger einki, tí tað pass­ar eisini væl til konseptið. Royndin Fríða hevði jú sum endamál at inn- og útflyta, sigur Mimmy Vágsheyg. Matskráin í Fríðu er fjølbroytt og kann skifta frá degi til dags. Teimum dámar væl at brúka rávørur, sum vit ikki vanliga síggja í kaféum. - Borgarar hava eitt eigarafornemmilsi Tað eru ikki bara rávørurnar, sum koma úr nærumhvørvinum - eisini tingini inni í kaffi­ húsinum. Tá Mimmy innrættaði Fríðu, brúkti hon nevniliga ein heilt serligan máta at fáa lív og samleika í staðið. - Vit vildu inndraga so nógv frá lokala sam­ felagnum sum gjørligt; bæði av tingum, gløs­ Fríða kaffihús: Kaffistovan sum er myndað av lokalumhvørvinum Her situr Mimmy Vágsheyg inni í Fríðu kaffihúsi