mikudagur 29. mai 2019síða 33

VINNUBLAÐIÐ HJÁ MIÐLAHÚSINUM 9 Mai 2019 31 um, vørum og øðrum. Tað hevði sera stóran týdning fyri okkum, at fólk kundu taka lut í inn­rætt­ingini uppá tann mátan, at vit end­urnýttu gomul ting hjá klaksvíkingum. Tað kundi vera ein púta, sum onkur hevði gjørt, ella eitt pent glas ella ein krukka, sum onkur hevði átt, sigur hon og greiðir frá, hvussu hetta ávirkaði. - Tá vit lótu upp, komu fleiri inn og fegnaðust um at síggja síni egnu gomlu ting. Nógvir klaks­ víkingar fingu kanska við hesum eitt lítið sindur av stoltleika og eigarafornemmilsi av kaféini, sigur Mimmy Vágsheyg. - Ringt at venja klaksvíkingar við latté Sum mentanin var fyrr í Klaksvík, fór mann heim til sín sjálvs ella onkran annan at fáa sær ein kaffimunn í arbeiðssteðginum. Har var heilt ein­ falt eingin kafémentan, tí har vóru ongar kaféir. Men síðan Fríða lat upp, eru fleiri aðrar kaféir eisini komnar til, og hetta metir Mimmy hava stóran týdning. - Tað var nokkso ringt at venja klaksvíkingar við at gjalda 35 krónur fyri ein caffe latté, tá teir vóru vanir við at drekka svart kaffi heima hjá ommu síni, sigur hon. - Tað hjálpti nógv upp á kafémentanina, tá aðrar kaféir byrjaðu at lata upp so við og við. Um vit enn høvdu verið einsamøll, so hevði tað verið tungt hjá lokala klaksvíkinginum at trivist á kaféum, vænti eg. Tað hevur stóran týdning fyri eina livandi kafémentan, at mann hevur fleiri støð at velja ímillum. - Kafémentanin er komin fyri at vera Kaffistovueigarin vísir á munin millum søluna av kaffi gjøgnum árini sum eina mynd av broytta hugburðinum hjá klaksvíkingum. - Filturkaffi var langt á odda fyrstu árini. Men um vit hyggja eftir tí í dag, so selja vit nógv meira kaffi latté og cappucino enn filturkaffi. Tað er ein ábending um, at klaksvíkingar hava góðtikið og vant seg við, at teir kunnu fara út at gjalda meira fyri kaffi og harvið eisini seta størri krøv til góðskuna á bæði kaffi og te, sigur hon og staðfestir: - Kafémentanin í Klaksvík er komin fyri at vera. Nógv ferðafólk vitja Men tað eru verri enn so bara klaksvíkingar, sum ganga á kafé í Norðuroyggjum. Ferðafólk eru sum øllum kunnugt røsk at ganga á kafé, og tað er altavgerandi fyri ferðavinnuna, mein­ar Mimmy. - Uttan eina kafé ella matstovu, so er inn­tøkan frá ferðafólkum sera avmarkað í ein­um býi. Mann tjenar ikki nógvar pengar, tá ferða­fólkini fara ein túr á fjall, men tá tey fara at keypa sær ein kaffimunn ella ein bita aftaná fjalltúrin, so kastar ferðavinnan pening av sær. Sosialu miðlarnir hava sera stóran týdning fyri virksemi hjá Fríðu. Á viðmælistænastuni TripAdvisor er Fríða tann best ummælda kaffi­ stov­an í Føroyum, og á Google er hugnaliga kaffi­stovan eisini væl við, og á Instagram hava tey fleiri enn 1000 fylgjarar. - Hetta hevur ført við sær, at ferðafólk, sum koma til Klaksvíkar, kenna til okkara kafé, áðr­enn tey koma. Nógv ynskja at bíleggja borð, áðrenn tey koma til landið, so Kaffihúsið Fríða er blivið eitt ferðavinnumál í økinum. Hetta kom óvæntað, og vit mugu minnast til, at vit ikki eru ein matstova. Kaffihúsið Fríða er ein kafé, og tað skal og má vera munur á hesum, sigur Mimmy. - Fólk hittast í kaffihúsum Tað er ein sannroynd, at kafélív er stimbrandi fyri trivnaðin í einum býi. Mimmy Vágsheyg vísir á, at mann følir eitt nógv størri fjølbroytni, tá mann fer út á kafé, og júst hetta gevur ein stór­býardám til upplivilsið. - Kaffihús er eitt sosialt upplivilsi, har fólk hittast, deila hugskot, njóta friðin ella spæla eitt spæl. Alt meðan tey njóta eina lítla máltíð. Tú kanst hitta fólk, tú ikki væntar, at tú fert at hitta. Í einum kaffihúsi fært tú nógv fleiri óvæntað inn­skot, sum tú ikki hevði væntað at fingið í mun til, tá tú er heima. Harðar umstøður Nettupp tí heldur Mimmy Vágsheyg tað hava so stóran týdning, at lítlar kaféir lata upp í smá­um bygdum kring alt landið. Men tað er ikki bara sum at siga tað at lata kafé upp. - Tær lítlu kaféirnar hava sera harðar um­støð­ur. Í mun til okkara grannalond er tað er dýr­ari at lata upp, tí talan er um nógv dýrari rá­ vørur og í flestu førum nógv hægri lønir, sigur Mimmy Vágsheyg og vísir á avbjóðingina við rá­vør­unum. - Summar tíðir loysir tað seg ikki at keypa rá­vøru í catering-stødd gjøgnum heilsølu, tí hon spillist, áðrenn hon verður brúkt. Tí keypir mann held­ur minni inn gjøgnum teir smærru handl­ar­nar, men so verður vøran upp aftur dýrari av tí sama, sigur Mimmy Vágsheyg. Hon greiðir frá, hvat krevst, fyri at føroysku kaféirnar kunnu klára at hava opið árið runt og vera kappingarførar í góðsku og tænastu. - Politikararnir burdu lækkað meirvirðis­gjaldið fyri matstovuvinnuna javnt við okkara grannalond, har kaféir rinda um 12 prosent í MVG. Fáar kaféir yvirliva leingi; serliga um tær ligga uttan fyri Havnina. - Vit eru ikki bara ein kafé Tí hevur tað verið umráðandi fyri yvirlivilsið hjá Fríðu kaffihúsi, at tey hava málrættað nakrar vørur beinleiðis til ferðabólkar og ferða­ skriv­stovur. - Í dag eru vit ikki bara ein kafé, sum selur mat og drekka; í dag selja vit eitt upplivilsi. Vit siga søgur um Nólsoyar Páll, Marin Malenu, Royndina Fríðu, okkara lokalu útvegarar og Klaksvíkina sum heild, sigur Mimmy Vágsheyg.