mánadagur 3. juni 2019síða 18

Mánadagur 3. juni 2019 · Nr. 63 18 Sosialurin Hugskot og viðmerkingar – send sms til 225000 Tróndur Arge – Gundadalur Allir sum ein fara spælararnir yvir til dómarin eftir dystin. Ein sonn málveitsla í Gundadali endar við 6-4 sigri til HB móti EB/Streymi. Tú kundi næstan illtonkt spælarar fyri at skjóta við fýrverki, nú Lars Müller legg­ur floytuna á hillina. Hann hevur um nakar verið ímyndin av einum dómara, sum letur spælið og spælararnar ráða. Vilja til spæla fótbólt, so ger so væl! Eftir 14 ár av døming í bestu deildini er tíðin komin at gevast. Løgreglumaðurin skal av landinum at arbeiða og tað er seinasta skumpið, ger at floytan nú verður liggj­ andi á hillini saman við teim­ um níggju steypunum, ið Lars Müller hevur vunnið sum ársins dómari. Tað er ein kensluborin dómarin, ið gong­ ur av vøllinum fyri sein­astu ferð. Hann hevur fyrr hótt við at gevast, men nú vendist ikki aftur. -Ja, hetta er seinastu ferð, so tað er ikki løgið at tað bleiv kensluborið. Eg haldi at tíðin er komin nú. Eg havi følt tað sein­astu tíðina. Tað krevur ófati­liga nógv at vera við og døma. Eg búgvi í suðri og tað er nógv ferðing. Tað hevði ikki borið til, um eg hevði ein góða leiðara og góðar starvsfelagar á arbeiðsplássinum. Eg haldi at løtan er tann rætta. Eg skal av landinum í eitt hálvt ár og tað er landsliðssteðgur, sigur Lars Müller eftir dystin. Hann hevur sambært Faroe­ socc­er dømt 362 dystir, men nú verða ikki fleiri, hóast hann fyrr er so gott sum givin, tá hann hevur verið til Fót­bólts­ galla hjá Sosialinum og FM1. -Tey tiltøkini eru altíð eftir at kappingarárið er liðugt. Tá eru tey flestu troytt av fótbólti, men tað hevur verið ein tíð nú, har eg havi hugsað meiri um tað. Hetta krevur at tú er fult og hundrað prosent við. At tú ert motiveraður bæði til at venja og at verða klárur til dyst. Tann partin føli eg, at eg havi verið noyddur at stríðast harð­ari fyri seinastu tvey árini. Tí haldi eg, at løtan er tann rætta, sigur væl lýddi dómarin úr Suðri. Kláraði ikki at halda tráunum aftur -Tað var ótrúliga tungt at koma ígjøgnum tíggju teir seinastu minuttirnar. Tíðin gekk alt for skjótt og ein av diddunum hjá mær sigur, at nú hevur hon eisini upplivað pápa sín gráta. Eg havi ótrúliga heppin at vera við til hetta her, sigur Lars Müll­er og leggur afturat: -Sjálvandi fari eg at sakna hetta og tann felagsskapin, ið er millum dómararnar. Tú skal vera dómari fyri at skilja tað, eins og tú helst skal vera spælari fyri at skilja saman­ haldið har. Vit hava ein fant­ ast­iskan felagsskap og eina fantastiska leiðslu innanfyri døm­ingina, sum hevur flutt okk­um heilt langt fram, sigur løg­reglumaðurin við floytuni í hondini. Tað var heldur ikki ein heilt vanligt upphiting til dystin, tí dómarin visti at hetta var sein­ astu ferð. - Tað var onkur løta, har eg bara fór oman í hornið at stilla meg at hugsa eina løtu. Ein dag sum í dag reflekterar tú sjálvandi. Beint nú er tað bara ein vanligur dystur, sum eg havi dømt ein sunnudag. Nú skal eg nokk hava tað upp á frá­støðu og tað verður helst tóm­rúmið, sum kemur nú, ið eg fari at merkja. Eg havi fingið sagt farvæl við eina rúgvu av fólki. Tað verður nokk komandi tíð­ina, at eg fari at merkja, at okkurt manglar í, sigur Lars Müller eftir dystin. Ósemjur ein partur av spælinum Tað er sjáldan, at ein dómari sleppur uttan at skeld ella tvey í einum dysti. Hartil mun­ nu spælararnir oftast verða ósamdir, so leingi mót­støðu­lið­ ið fær dømingina í sín lut. -Tað hava eisini verið dagar, har eg havi formulerað upp­ søgnina í høvdinum, tí hetta tími eg ikki meir. Tað trúgvi eg at allir dómarar hava upplivað, sigur Lars Müller og leggur aftur­at: -Vit eru sjálvandi ósamdir til Lars Müller: Tað var ein hugtungur Lars Müller, sum í gjár blásti í floytuna fyri seinastu ferð. – Eg havi verið ótrúliga heldigur at vera við til hetta, sigur Lars Müller LØTAN ER RØTT AT GEVAST Tað hava eisini verið dagar, har eg havi formulerað uppsøgnina í høvdinum, tí hetta tími eg ikki meir. Tað trúgvi eg at allir dómarar hava upplivað FÓTBÓLTUR