mánadagur 3. juni 2019síða 24

Mánadagur 3. juni 2019 · Nr. 63 24 Sosialurin Hugskot og viðmerkingar – send sms til 225000 KAPPRÓÐUR Jóannes Hansen Veðrið skikkaði sær betri, enn tað alla vikuna varð spátt um, at tað fór at gera, tá ið tað var norðoyastevnuaftan og harvið fyrsti FM kappróðurin. Fyrsta stóra avbjóðingin var øðrvísi, enn hon plagar at vera hjá rógvarunum og foreldrum, nevndarlimum og øðrum stuðlum, sum trúliga ferðast kring landið við manningunum og bátunum, sum plagdu at vera í stórum lastbilum, men sum nú í flestu førum standa á elegantum vognum og eru serlig føroysk summarmynd. Kongaliga renningin bar við sær, at tað fyrrapartin og til eitt sindur eftir døgurða ikki bar til at koyra frá rundkoyringini við Norðoyatunnilin og út til økið á vestaraarmi, har kapp­ róðrarbátarnir standa, áðrenn teir vórðu flotaðir. Fleiri bátar vóru longu fríggja­kvøldið at síggja í Klaks­vík, sum var í sonnum stevnu­hýri, og leygardagin eydn­aðist tað heilt væl við kapp­róðrinum, bæði á landi og sjógvi, hóast starturin á 1000 metra málinum varð útsettur í ein hálvan tíma orsaka av tekn­ iskum órógvi. Róðrarlíkindini eru tengd at ætt, vindstyrki, aldu, hita og eisini avfalli og kanska mjørka. Um hann er útsynningur og vestan eru tað heilt góðar um­ støður at rógva kapp í Klaksvík, hóast summarið ikki av álvara hevur fingið høvdið fyri seg enn. Leygardagin var hann høgur í ættini, og so er tað kaldari og ofta avfall í Klaksvík. Hann var eysturhallur, og tað var einki avfall. Líkindini vóru hampiliga góð at rógva, og tað gekk væl at leggja bátarnar til startin, hóast fleiri róðursmenn og róðurs­kvinnur av góðum grund­um ikki eru í fullgóðari venj­ing. At tað er lutakast, sum á norð­oyastevnu ger av, hvar bátarnir liggja, ber við sær, at tað ofta er langt millum kapp­ingarneytarnar. Soleiðis er tað ikki í hinum FM kapp­ róðrunum. Leygardagin – hvítu­sunnu­aftan – verður kappast á sundalagsstevnu í Hval­vík. Tá fara bátarnir, sum vunnu á norðoyastevnu, at liggja í miðjuni, og teir bátarnir, sum vóru størstu avbjóðararnir í Klaksvík, fara at liggja borð um borð við vinnararnar á norðoyastevnu. Fyrsta róðurin – barna­ róðurin við gentum – vann Hulda av Tvøroyri. Firvaldur hevur seinni árini vunnið nógv í kappingunum millum 5-manna­før við gentum og kvinn­um, og nú sást nýtt ættar­ lið av gentum hjá Froðbiar Sókn­ar Róðrarfelag vinna. Kapp­ingin var sera spennandi við Ingibjørg hjá Havnar Róðr­ ar­felag. Gullið í høvuðsstaðnum Viðhvørt hevur tað verið so­ leiðis, at nógv teir flestu lut­ takararnir hava verið úr stóru og virknu feløgunum í høvuðsstaðnum, sum eisini hava vunnið nógv teir flestu sigrarnar. Tað er komið fyri, at bátar hjá Havnar Róðrarfelag hava vunnið allar róðrarnar á norð­oyastevnu. Leygardagin vóru Argja Róðrarfelag, Havnar Róðrar­ felag og Róðrarfelagið Knørr­ ur lutfalsliga væl um­boð­að. Havnar Róðrarfelag vann ongan róður, meðan Róðrar­ felag­ið Knørrur og Argja Róðr­ ar­felag vunnu hvør sín róður. 10-mannafarið hjá Róðrarfelagnum Knørri vann sera spennandi kapping. Havnarbáturin og Suðr­ ing­ur bjóðaðu av, og allir trígg­ir bátarnir royndu at stinga stavnin framum kapp­ ingarneytarnar. Í enda­spurti­ num lógu teir borð um borð, men royndu veteranarnir um­ borð á Orminum Langa vóru teir drúgvastu. Tað kann vera, at Ormurin Langi fer at endurvinna FM heitið, men gongdin í fína róðrinum í Klaksvík kundi verið ábending um, at tað verður spenningur, og at Suðringur og Havnarbáturin kanska eisini fara at smakka søta sigursrómin. Blikur hjá Argja Róðrarfelag vann kappinga millum 5-manna­før við gentum. Onkr­ ir aðrir bátar høvdu hug at bjóða seg fram í startinum, men tað varð kapping millum royndu manningarnar umborð á Drekanum hjá Havnar Róðrarfelag og umborð á Bliki hjá argjamonnum um sigur­in, og í endaspurtinum var mann­ ingin av Argjum tann drúgvara. Gullið í Sundalagnum Hvessingur hjá teimum í Hvalvík og Streymnesi hevur mangan verið drúgvur. Ofta plagdi tað at vera við kvinnu­ manning. Leygardagin var tað við monn­um, at Hvessingur vann sannførandi sigur. Talan er um rættuliga royndar rógvarar, sum avrikaðu so væl, at tað longu nú er ilt at síggja, hvør skal bjóða teimum av í FM stríðnum. Hvessingur verður upp­lagdur favorittur í heima­ sjógvi leygardagin. Gongurólvur hjá Havnar Róðr­arfelag og Herningur hjá Róðrarfelagnum Knørri høvdu hug í startinum at bjóða av, men tað var skjótt, at tað var greitt, at kappingin fór at vera um næstfremsta pláss­ið. Ta kappingina vann Gongu­ rólvur. Kappingin millum 5-manna­ Suðringar, høvuðsstaðurin, Sundalagið, Skálafjørðurin, Fuglafjørður og Klaksvík vunnu, tá ið fyrsti FM kappróðurin var á norðoyastevnu GULLIÐ FÓR UM ALT LANDIÐ