mánadagur 3. juni 2019síða 31

31 Mánadagur 6. januar 2014 · Nr. 2 Sosialurin Mánadagur 3. juni 2019 · Nr. 63 Hugskot og viðmerkingar – send sms til 225000 KLUMMAN Tróndur sigur sína hugsan... Takk fyri, Lars! Lars Muller hevur nú dømt fyri seinastu ferð í føroyskum fótbólti. Hann er valdur til ársins dómara ikki færri enn níggju ferðir. Sjey av teimum ferðunum upp í slag. Eg havi verið í tí støðu, at gera samrøðu við hann næstan hvørja ferð til Fótbóltsgalla tiltakið hjá Miðlahúsinum. Seinastu tvey árini hevur hann verið trekur at vátta luttøku til árið eftir. Tí kemur tað ikki púra óvart á, at Lars Muller nú leggur floytuna á hillina. Hann er í mínum hugaheimi ein dómari, sum er ein leiðari, heldur enn ein dómari við dómarabókini í hondini. Hann hevur serligar eginleikar at samskifta og taka tempraturin av eini støðu. Tað er ikki uttan orsøk, at spælararnir og venjararnir í føroyskum fótbólti sjey ferðir upp í slag hava valt hann til ársins dómara. Hann ger eisini mistøk og helst hava tey verið fleiri seinastu tvey árini, men tú ert ongantíð í iva um, at hann hevur eginleikarnar at takla støðuna. Tí fær hann eisini mangan frípass, tá hann rakar skeivt. Tað er eitt sindur sum við fótbólti. Tað er ikki altíð tað at tú tapur, sum er avgerandi, men meiri hvussu tú tapur. Tað er eisini sjáldan, at eg havi staðið við mikrofonini og følt at Lars Muller ikki hevur tamarhald á støðuni. Tað merkir tú mangan undir og eftir dystin, men tað er sjáldan tá Lars Muller hevur verið dómari. Tá snýr tað seg ikki um smálutir í einum nærdysti, men heldur um heildarmetingina. Hon hevur mangan nógv at siga. Føroyskur fótbóltur verður nú okkara besta dómara – eftir mínum tykki – fyri uttan. Tað merkir ikki, at onkur annar ikki kann lyfta arvin. Eitt nýtt ættarlið er á veg og teir passar væl til UEFA dómaran, men vónandi hava teir eisini nakað av tí, sum flestu av okkara góðu gomlu dómarum hava. Tekkið at liva millum spælarar og skilja fótbóltin! trondur@sosialurin.fo Landsliðið: Tróndur Arge Mánadagin verður av álvara sett hol á fyrireikingarnar til EM- undankappingardystirnar móti Spania og Norra, sum verða á Tórs­ vølli fríggjadagin 7. juni, og mána­ dagin 10. juni. Fyri lítlari viku síðani kunngjørdi Lars Olsen, landsliðsvenjari før­ oyska hópin til komandi dystir, men venjarin verður nú noyddur at síggja burtur frá Jákupi Ludvig Thom­sen, ið hevur sína dagligu gongd í íslendska FH. Jákup er skadd­ur, og hevur tí givið avboð. Í staðin hevur landsliðsvenjarin sent boð eftir Patriki Johannesen úr KÍ. Tvøramaðurin er við at koma í málform. Millum annað skoraði hann tvær ferðir í yvirtíðini móti AB í gjár. Landsliðið møtir inn til venjing í dag. Fyrsta venjingin verður klokk­ an 17. Týsdagin og mikudagin venur landsliðið tvær ferðir um dagin, meðan seinasta almenna venjingin verður hósdagin á Tórsvølli. Landsdysturin móti Spania verður fríggjakvøldið á Tórsvølli. U21 spælir hósdagin Tað er ikki bara A-landsliðið, sum skal spæla í hesum umfarinum. U21-lands­liðið skal eisini í eldin móti Kasak­stan. Heta er fyrsti dysturin í hesi EM- undankappingini. Eli Hentze og Hegga Samuelsen hava út­tikið liðið, sum skal á vøllin á Svanga­ skarði. Hetta er fyrsti dysturin hjá hes­um nýggja árganginum, sum tó telur fleiri spælarar, ið hava spælt á U21-landsliðnum fyrr. Spælarar sum Jákup B. Andreasen og Adrian Justinussen teljast millum pro­ filarnir í føroysku kappingini og hava eisini royndir á U21-lands­ liðnum. Millum teir nýggju eru Lukas Grenaa Giessing, Magnus Holm Jacob­sen, Stefan Radosavljevic og Steffan Løkin, sum allir vóru partur av U17-landsliðnum, ið var til EM-endaspælið í Kroatia í 2017. U21 EM-undan­kapp­ingar­ dyst­urin millum Føroyar og Kasakstan verður á Svangaskarði á Toftum hós­dagin 6. juni klokkan 17.00. Hini londini í bólkinum eru Monte­negro, Norðurmakedónia, Ísrael og Spania. trondur@sosialurin.fo Patrik Johannesen avloysir Jákup Ludvig Patrik Johannesen úr KÍ er boðsendur til landsdystirnar móti Spania og Norra. Patrik avloysir Jákup L. Thomsen, sum er skaddur Hópurin hjá A-landsliðnum: Teitur Matras Gestsson, HB Karstin Hansen, Skála Kristian Joensen, KÍ Atli Gregersen, Víkingur Odmar Færø, Hamarkameratene (NOR) Viljormur Davidsen, Vejle BK (DAN) Magnus Egilsson, HB Gilli Rólantsson Sørensen, SK Brann (NOR) Andrias Høgnason Eriksen, B36 Heini Vatnsdal, Fremad Amager (DAN) Rene Shaki Joensen, Grindavík (ÍSL) Hallur Hansson, AC Horsens (DAN) Brandur Hendriksson Olsen, FH Hafnarfjørður (ÍSL) Rógvi Baldvinsson, Bryne BK (NOR) Kaj Leo í Bartalsstovu, Valur (ÍSL) Árni Frederiksberg, B36 Sølvi Vatnhamar, Víkingur Meinhard Egilsson Olsen, Kristiansund BK (NOR) Jákup Biskopstø Andreasen, KÍ Klæmint Andrasson Olsen, NSÍ Patrik Johannesen, KÍ Jóannes Bjartalíð, KÍ Hópurin hjá U21- landsliðnum Silas Eyðsteinsson, 07 Vestur Rói Zachariassen, EB/Streymur Victor Emil Boje Henriksen, Hvidovre IF (DAN) Ari Olsen, Skála Bjarni Petersen, B36 Daniel Johansen, HB Pætur Hentze, NSÍ Hugin Samuelsen, B36 Ólavur Niclassen, KÍ Janus Svabo Samuelsen, Skála Jákup B. Andreasen, KÍ Lukas Grenaa Giessing, FC Midtjylland (DAN) Petur Knudsen, NSÍ Magnus Holm Jacobsen, B36 Stefan Radosavljevic, TB Pætur Petersen, HB Mads B. Mikkelsen, Vendsyssel FF (DAN) Gilli Samuelsen, B36 Adrian Justinussen, HB Steffan Løkin, EB/Streymur