mikudagur 5. juni 2019síða 30

Mikudagur 5. juni 2019 · Nr. 64 30 Sosialurin Hugskot og viðmerkingar – send sms til 225000 Sundalagsstevnan SUNDALAGS­STEVNAN STYTT TIL EIN DAG Sundalagsstevna verður í Hvalvík leygardagin 8. juni. Stevnan er stytt til bara ein dag, og alt tiltakið er savnað um kappróðurin og tiltøk í stevnutjaldinum niðri við bátahylin í Hvalvík Frants Jensen frants@sosialurin.fo – Vit hava í ár valt at hava stevnuna ein dag. Tað er so nógv annað at fara til, og fólk hava ikki tíð at nýta fleiri dagar til stevnur, sigur Jan Eldevig, formaður í Hvalvík Streymnesar Róðrarfelag. Hann vísir á, at ístaðin fyri at hava stevnuna fleiri dagar og ymsastaðni í bygdunum, sum tað hevur verið fyrr, so er alt savnað til ein dag og á einum staði, nevniliga við báta­hylin í Hvalvík. – Vit hava áður havt tivoli við skúlaøkið, men tað er so nógv arbeiði av tí, og tað gevur einki, so vit hava frávalt tað. Vit halda eisini, at tað riggar bet­ur at hava alt savnað á einum stað, og so hava ymisk tilboð har, sigur Jan Eldevig. Høvuðsinntøkukelda Sundalagsstevna er triðja hvørt ár í Hvalvík. Stevnan skift­ir at vera í Kollafirði, Hós­ vík og Hvalvík. Hóast tað kanska er langt ímillum, so er tað tó ikki longri síðani enn sein­asta vikuskifti at stórt tiltak var í Hvalvík, tá ið báta­ hugni var har. Tá var tað Báta­ felagið, ið skipaði fyri. Sundalagsstevnan hevur tó stóran týdning fyri Hvalvík Streymnesar Róðrarfelag. – Kappróðurin er okkara høvuðsinntøkukelda. Tí vóna vit altíð, at tað koma nógv fólk, sigur Jan Eldevig. Seinnu árini hevur tað vísti seg, at tað eru mest fólk í Sundalagnum, ið koma á stevnu. Frá Kollafirði og norð­ ur til Tjørnuvíkar eins og fólk eystarumegin Sundalagið. Tríggjar manningar Kappróðurin fyllir nokk so fitt í Hvalvík og Streymnesi, og í ár eru tríggir bátar hjá róðrar­ felagnum við í kappróðrinum. Tað er Nísan, sum er fimm­ mannafar hjá dreingjum í barna­róðri, Báran, sum er fimm­mannafar hjá gentum, og Hvess­ingur, sum er seks­ manna­far hjá monnum. Hvessingur hevur ofta verið frammalaga, og á norðoya­ stevnu, vann Hvessingur. Tað gekk ikki eins væl hjá hinum bát­unum hjá Hvalvík Streym­ nes­ar Róðrarfelag. – Tað er ikki altíð, at vit hava tríggjar manningar. Ofta hava tað bara verið tvær manningar. Men fara vit aftur í 1990-ini so høvdu vit vanliga tríggjar mann­ingar, sigur Jan Eldevig. Hugnaligur stevnudagur Lagt er upp til ein hugnaligan stevnudag í Hvalvík við kappróðri og øðrum tiltøkum. Tjald verður við kajøkið, og har vera flestu tiltøkini. Talan er bæði um loppumarknað, mótasýning, livandi tónleik, matsøla, horntónleik, harm­ oniku­spæl, hitapottar, hólm­ gongu, lutaseðlasøla, stevnu­ røða, undirhald og annað. Eisi­ni vera tiltøk fyri børn. Skúlin við Streymin liðugur um eitt ár Skúlin við Streymin verður tikin í nýtslu við skúlaársbyrjan eftir summarfrítíðina 2020. Ítróttarhøllin, ið er bygd við síðuna av, verður eisini liðug samstundis Frants Jensen frants@sosialurin.fo – Ætlanin var, at skúlin skuldi vera liðugur 1. januar 2020. Men vegna keðiligt veður og ymiskt eykaarbeiði, er tíðar­ freistin seinkað í fýra mánaðir til 1. mai 2020. Skúlin verður tikin í nýtslu eftir summar­frí­ tíðina í 2020, sigur Heðin Zach­ ariasen, borgarstjóri í Sunda kommunu. Skúlin kostar 100 milliónir krónur. Samlaða tilboðið upp á gerð av skúlanum, sum komm­ unan tók av, ljóðaði upp á 88 milliónir krónur. Harafturat verður roknað við sjey milli­ón­ um krónum til innbúgv og umleið fimm prosentum til óvænt­aðar útreiðslur. Tað er Brim arkitektar, ið hava teknað. – Eg vænti, at endaligi prís­ ur­in fer at vera har á leið, sigur borgarstjórin. Rúmar øllum næmingunum í kommununi Talan er um ein stóran skúla, sum umframt vanlig flokshøli og felagshøli, eisini hevur svimji­høll og fimleikarahøll, umframt ítróttarhøll knýtta at. Harumframt verður eisini eitt bókasavn fyri skúlan og fyri kommununa, køkur, mat­ stað og annað. Góðar umstøður vera eisini fyri tón­ leiki, og musikkskúlin fer eis­ ini at nýta hølini í skúl­anum. – Skúlin fer at hava góðar umstøður og fer at hava møgu­ leika at rúma øllum næm­ing­ un­um í kommununi, sigur Heð­in Zachariasen. Allar bygdirnar í komm­un­ uni senda sínar næmingar til skúlan við Streymin. Inn­skúl­ ing­in verður tó framvegis í Hósvík og Hvalvík. Samstarv er eisini við Eiðis kommunu um eldru næmingarnar. Tað var undanfarna býráð, sum samtykti at fara í gongd við at gera skúlan. Farið varð í gongd at byggja á sumri í 2017. Jan Eldevig, formaður í Hvalvík Streymnesar Róðrarfelag Skúlin við Streymin og ítróttarhøllin við síðuna av