mikudagur 5. juni 2019síða 38

Mikudagur 5. juni 2019 · Nr. 64 38 Sosialurin Hugskot og viðmerkingar – send sms til 225000 Tróndur Arge Vit skulu heilt aftur til 90 ini fyri at finna landsdystir móti Spania og Norra, men hetta er fyrstu ferð, at vit møta Norra í EM ella HM kapping. Seinast Spania var í Føroyar var í 1996. Tá vunnu teir 6-2 á Svanga­skarði. Todi Jónsson og Uni Arge skoraðu føroysku málini, meðan Jens Kristian Han­sen skoraði málið í 3-1 ósigrinum í Gijón árið eftir. -Spania er í heimsflokki, tá tað snýr seg um bóltførleika og at spæla bólt. Teir hava bóltin meginpartin av tíðini, men higartil hava teir bara skorað tvey mál í hvøjrum dysti. Tað kundi givið ábendingar um, at teir ikki eru so raskir at skjóta mál í løtuni. Lat okkum vóna, at tað eisini verður so á Tórsvølli, sigur Lars Olsen. Vit hava havt tríggjar span­i­ ól­ar í føroyskum fótbólti. Í 2016 blivu Carlos Quintana Herrero og Pedro Tarancon Anton fyrs­tu sponsku spælararnir í føroyskum fótbólti, sum vit vita um. Pedro Tarancon Anton, sum samrøða eisini er við aðrastaðni í blaðnum, býr enn í Føroyum og spælir við B68. Í fjør fekk Víkingur eisini spanska miðverjan Dennis Nieblas Moreno, men hann spældi bara í eitt hálvt ár. Ongin føroyskur spælari hevur gjørt um seg í sponskum fótbólti. Tá er sambandið sterk­ ari við Norra, sum vit møta mánakvøldið. Gilli drillar norðmenn Gilli Rólantsson Sørensen spæl­ir til dagligt við norska felag­num Brann Bergen. Hann verður javnan argaður av norsku liðfeløgunum, tá tað kemur til landsliðsfótbólt. Tað var tí í skemti, at tvøramaðurin skrivaði orðini “Vi kommer til å knuse dere, Noreg” á sosiala miðli­num Twitter. - Eg spæli jú í Norra, so tað var bara fyri at arbeiða upp á teir. Eg fór akkurát í ein flúg­ vara, og tá eg opnaði Twitter aftur var ein ørgrynna av boð­ um. Eg havi ikki sæð nakað líkn­andi fyrr, sigur Gilli við eyð­kendu suður­oyar­dia­lekt­ ini. Hann hevði ikki meir enn tendr­að telefonina, tá hon fór at ringja. - Eg bleiv uppringdur av fleiri miðlum. Eg svaraði tveim­ um av teimum, og tað fór kring alt landið. Fleiri fólk hava eisini skrivað til mín í øðini. Eg haldi ikki tey skiltu, at eg bara skrivaði tað í skemti, sigur Gilli Rólantsson. Hann sigur at liðfelagirnir nú bara ganga og arga hann. - Teir skemta við hvussu nógv Norra fer at vinna, men tað motiverar meg bara. Eg angri hatta ikki, men tað var í skemti og tað mugu fólk tola, sigur føroyski lands­liðs­ spælarin í norskum fótbólti. Hetta verður fyrsti dysturin í altjóða kapping móti Norra. Sterkt samband til Norra Sambandið millum føroyskan og norskan fótbólt hevur verið um­skiftiligt. Fyrst í 90 unum spældi føroyska landsliðið tveir al­mennar venjingardystir moti Noreg, har vit í 1992 taptu 2-0 í Oslo, og síðani taptu vit heili 7-0 á Toftum í 1993. Undan hesum spældi før­ oyska landsliðið ein óalmennan venjingardyst í 1991, har vit taptu 3-1. Kurt Mørkøre skoraði føroyska málið. Hann er ein av fleiri før­ oyskum spælarum, sum hava spælt í norskum fótbólti. Av øðrum kunnu nevnast Jóannes Jakob­sen, Kári Reynheim, Julian Johnsson, Todi Jónsson, Hans Fróði Hansen, Atli Daniel­ sen, Símun Samuelsen og Rógvi Jacobsen. Vit hava eisini spælt móti norskari mótstøðu í Evropa. Her hevur Tromsø eina serliga søgu. Í 1995 tapti HB heili 10-0 í Tromsø í Intertoto Cup. Føroyskur fótbóltur fekk sína “hevn” í 2014, tá Víkingur sló Trom­sø úr Europa League kapp­ingini við samantaldum 2-1 sigri. Hartil megnaði Vík­ ingur at spælt 0-0 á útivølli móti Rosenborg árið eftir. Tá hevði norska stórfelagið eina 2-0 leiðslu frá fyrra dystinum. Afturi í 2009 spældi NSÍ eisini móti Rosenborg, men tapti greitt samanlagt. Í løtuni eru fimm føroyingar í norskum fótbólti. Gilli Sør­ en­sen er í Brann Bergen og Meinhard E. Olsen er í Kristian­ sund. Í næstbestu deildini eru Ári Mohr Jónsson í Sandnes Ulf og Odmar Færø í HamKam, meðan Rógvi Baldvinsson er í Bryne í triðbestu deildini. Eitt skifti fyri kortum vóru vit frammanfyri Norra á FIFA- styrkilistanum, men gestirnir hava eisini fingið sær ein Lars. Lars Lagerbäck! -Tú sær framgongdina, sum Norra hevur. Lars Lagerbäck hevur lagt teimum lag á og nú er Norra eitt væl betri lið. Teir hava betri spælara á øllum plássum, men eg vóni at vit kunnu arga teir. Í mun til Spania, so passar spælistílurin okkum nógv betri, sigur Lars Olsen. Andrias og Jákup eru nýggir Tveir mans hava fingið lands­ liðsboð á fyrsta sinni. Teir eru Andrias H. Eriksen úr B36 og Jákup B. Andreasen úr KÍ. Um Andrias H. Eriksen sigur Lars Olsen: -Teir dystirnar eg havi sæð, hevur hann spælt væl. Hann spælir sum miðverji, men eg havi hann eisini í tonkunum sum høgri bakkur, sigur Lars Olsen Eisini liðskiparin hjá KÍ, Jákup B. Andreasen, er nýggjur í hópinum. Hann er bara 20 ára gamal og hevur tí framvegis aldur at spæla á U21-landsliðnum, sum hós­dag­ in 6. juni spælir móti Kasak­ stan á Svangaskarði. Eftir U21-lands­liðsdystin kem­ur klaks­víkingurin í A-lands­liðs­ hópin. - Tað er týdningarmikið, at hann fær royndir í altjóða fót­ bólti í U21-landsdystunum. Tí vil eg gjarna, at hann spælir við U21-landsliðnum. Jákup hevur staðið seg væl á verjukenda miðvøllinum hjá KÍ, og tað er júst har vit leita eftir einum FÓTBÓLTUR Lars Olsen skal til at blanda kortini av nýggjum, tá spaniólar og norðmenn koma til Føroya. Fríggjakvøldið spæla vit móti Spania og mánakvøldið er mótstøðan grannarnir úr Norra Upptakt: NÚ KOMA SPANIÓLAR AFTUR TIL FØROYA