leygardagur 4. desember 2004síða 49

Nr. 233 - 4. desember 2004 49 Bodil Finnsson Hanna Ryggshamar Margrith Thomsen Undirritaðu vilja gera eina viðmerking til hetta aktu- ella mál, tí vit halda, at tað er stórur tørvur á einum røktarheimi í sunnari helvt av Suðuroynni. Ì Vági er eitt eldrabýli til 12 fólk. Hetta eigur Vágs kommuna, og eru tað tí fyrst og fremst vágbingar, íð sleppa inn har at búgva. Eldrabýlið var ætlað til fólk, sum við eitt sindur av hjálp kundu klára seg sjálvi. Men av tí at tørvurin á røktarheimsplássum er stórur, eru tað fleiri røktar- krevjandi búfólk á eldra- býlinum og normeringin av starvsfólki er ikki til at nøkta henda tørv. Um vit høvdu eitt røktar- heim til hesi fólk, hevði pláss verið á eldrabýlinum til fleiri búfólk, sum eru betur fyri. Í Suðuroynni hava vit annars Ellis og Røktar- heimið á Tvøroyri, hetta er longur burtur frá okkara heimliga umhvørvi, og bíðitíðin er sera long at sleppa inn. Orsakað av hesum um- støðum eru tað nógv røktarkrevjandi eldri fólk, sum í dag búgva heima. Hetta er ofta tungt fyri tey avvarðandi, tí hetta er arbeiði alt samdøgrið, og hesi avvarðandi hava flest øll eisini eitt arbeiði, sum skal røkjast. So hóast tey fáa heimahjálp, er tað ofta ógvuliga tungt at fáa alt at bera til. Fyri ikki at tosa um tey eldru, sum ongan av- varðandi hava á staðnum, og so tey sum ongan eiga - tey eru ikki so fá. Hetta er ikki ein virðilig støða fyri okkara eldri, at tey skulu føla seg sum eina byrðu á ellisárum, tað hava tey ikki uppiborið aftaná eitt langt og strævi lív. Sjálvandi vilja øll verða búgvandi í egnum heimi sum longst, men ert tú óhjálpin, so letur hetta seg ikki altíð gera. Tí skal vera møguligt at velja, tað kanst tú ikki í dag, tí bíðitíðin er so long at sleppa inn á stovn at búgva. Sjálvt um heimarøktin verður útbygd, so er sam- døgrið framvegis 24 tímar fyri tann einstaka, sum hevur tørv á hjálp bæði nátt og dag. Tí vil tað altíð verða brúk fyri røktar- heimum. Um spart verður í játtanini til heimarøktina, er eisini skjótt at tæn- astustøðið lækkar. Tí skal spurnartekin ikki verða sett við, um vit hava ráð at byggja røktarheim, og hvør skal gjalda. Hetta skulu vit í felag megna. Fyri bygging av røktar- heimum rinda land og kommuna hvør sína helvt av íløguni, meðan landi einsamalt rindar fyri raksturin. Í Suðuroynni er onki tilboð til minnisveik, so um ein deild til minnisveik verður gjørd á røktarheim- inum, varð eisini hetta átrokandi mál loyst. Okkara áheitan á polit- ikkarnar er at finna eina loysn á hesum málið ong- antíð ov skjótt, so byrjað kann verða at byggja. VIÐMERKINGAR Viðvíkjandi bygging av røktarheimi í Vági Tøkk Í samband við kommunuvalið í Fuglafjarðar kommunu tann 9. november, vilja vit, ið valdir vóru á lista A og lista B, veita okkara veljarum eina hjartans tøkk fyri tann dygga stuðul tit veitti okkum. Eisini vilja vit takka øllum hinum valevnunum á lista A og B fyri at tey vildu stilla upp. Teimum 50 stillarunum takka vit fyri álitið tit vístu okkum valevnum. Blíðar heilsanir Listi A - Dánjal Vang, Eyðun á Lakjuni og Jann Toftegaard Listi B - Sigurð S. Simonsen og Jón Nolsøe Olsen