mánadagur 17. juni 2019síða 12

Mikudagur 17. juni 2019 · Nr. 68 12 Sosialurin Hugskot og viðmerkingar – send sms til 225000 Sjúrður Hildarson Hoydal Tað er ikki góður hýrur sum val­d­aði í Farum Arena eftir dystin hóskvøldið ímóti Monte­ negro. Við einum framúr verju- og málverjuavriki hava Før­oyar fyri aðru ferð hildið Monte­ negro niðri á 24 málum. Men neyvleikin í álopinum vantar henda dagin, og Føroyingarnir mugu ásanna at tað neyvan verða til fleiri stig, hóast at møgu­leikarnir avgjørt vóru til staðar ímóti bæði Ukraina og Monte­negro. Sum hesir báðir seinastu dystirnir fórust, sita før­oyingarnir vónbrotnir og droyma um hvat kundi verið um seinasta hepnið hevði verið við teimum. Eitt EM-endaspæl? Als Ikki ómøguligt. Men ístaðin verður einki úrslit at vísa á eftir eina undankapping. Bert eitt stig ímóti annaðhvørt Ukraina ella Montenegro hevði verið nóg mikið, tí at so høvdu Føroyar helst spælt seg í undan­kappingina til EM 2022. Men eisini her munnu teir vera ov stuttir. Men ein lítil vón birtist, tá ið úrs­litini úr hinum dystunum í undan­kappingini gerast greið. Belgia hevur tapt við 11 mál­ um ímóti Serbia, so í løtuni liggja liðini púrasta á jøvnum við einum stigi í part og sama málmuni. Og Belgia skal spæla á útivølli ímóti stóru kroatisku stjørn­unum. Nú er okkurt eyka at spæla fyri hjá Føroyum ímóti Danmark, men at fara eftir einum úrslitið ímóti Dan­ mark hevur víst seg at vera ein hin torførasta uppgávan í hondbólti seinastu árini. Men føroyska liðið fer at gera eina roynd. Leikarar og venjarar skúgva dystin ímillum Kroatia og Belgia úr huganum og hugsa heldur um hvussu best fer at koma burtur úr dystinum ímóti Dan­mark. “Alt undir tíggju mál á muni er ein sensatión” sigur landsliðsvenjarin við miðlar­ nar undan dystinum, men leikar­ar­nir fyrireika seg bert til eina støðu í senn, uttan atlit til úrslit. Jóhan leggur fyri Vónin er fyrst og fremst at fáa eina góða føroyska byrjan, men tað er føroyingurin á danska lands­liðnum, Jóhan á Plógv Han­sen, ið skorar fyrsta málið í dystinum. Í skjótálopinum hótta hann og danirnir hvørja ferð, meðan føroyingarnir í hin­ um endanum gera alt teir duga fyri at drýggja sær tíðina. Tað eydnast væl. Danir blíva órógvaðir av at Føroyar spæla við so nógvum toli og tað leikar javnt á fyrstu løtuna. Munurin er tvey mál, áðrenn danir taka sær um reiggj og renna før­ oy­ingarnar um koll, og so eru brád­liga sjey mál á mun Men føroyingarnir svara aftur við trimum málum á rað, og tann munurin heldur sær restina av hálvleikinum. Mill­ um annað orsakað av einum beinleiðis fríkasti, ið Kjartan Johansen setur í netið. Stríðsviljin gevur úrslit at enda Í seinna hálvleiki endurtekur søgan seg. Danir hava hug at økja, men føroyingarnir hava hug at svara aftur hvat teir eru mentir. Munurin økist gaman í, men als ikki so skjótt sum í fyrra dystinum ímillum liðin bæði, har tað endaði við 18 málum á muni. Føroysku áskoð­ararnir frætta, at Belgia heldur munin tættari í Kroatia, so tað stríðið tykist tapt. Nú snýr tað seg um at enda á besta hátt fyri at hava eina góða kenslu at byggja omaná, tá ið næstu kappingarnar eru á skránni. Men eitt nú Jóhan á Plógv Han­sen fær møguleikan at spilla nakað av hesum, men hesum tekur hann ikki av. Fyrst bjargar Nicholas Satchwell brots­kasti og løtu seinni frem­ ur hann eina risastóra bjarg­ing tá ið føroyingurin á danska landsliðnum aftur slepp­ur fríur. Hesar bjargingar føra við sær at danir bert fáa eitt mál seinastu sjey minutt­ir­ nar. Føroyar minka niður í átta mál á muni og tá ið ein minutt­ur resta í, gerast før­ oysku áskoðararnir varugir við at Belgia er í trupulleikum. Kroatia hevur brádliga økt upp í átta mál, so nú ríður um snar­ ið í hesum stríði, ið tóktist tapt fyri løtu síðani. Rok á bonkinum Lasse Andersson hjá Danmark tykist at ætla sær at spilla spæl­ ið, tá ið hann høggur til úr fjar­ støðu. Men hepnið er við før­oy­ ingunum. Skotið fer oman­fyri, TAPTU DYSTIN - MEN VUNNU STRÍÐIÐ Føroyar eru aftanfyri við 9 málum tá ið slakir sjey minuttir resta í av útidystinum ímóti donsku Heimsmeistarunum. Men so taka føroyska verjan og Nicholas Satchwell fatur aftur. Danmark fær bert eitt mál afturat í dystinum, Føroyar fáa trý, og Í Kroatia økist munurin upp í níggju mál. Og so hava Føroyar yvirhálað Belgia, og spælt seg í næstu EM-undankappingina HONDBÓLTUR