týsdagur 18. juni 2019síða 18

JUNI 2019 2 6 KJARNUMÁL Seta løntakaran á breddan Í seinasta lagi 31. august verður løgtingsval. Í tí sambandi vil Starvsmannafelagið aftur varpa ljós á nøkur arbeiðsmarknaðarmál, sum hava týdning fyri løntakaran. Vit vóna at hesi kjarnumálini verða partur av valstríðnum, og at politisku flokkarnir taka tey til sín. Sum størsta fakfelagið á almenna arbeiðsmarknaðinum í Føroyum hevur Starvmannafelagið kosið sær 6 kjarnumál í valárinum 2019. Hetta eru mál, sum álitisfólkini og nevndin í Starvsmannafelagnum meta hava alstóran týdning bæði fyri samfelagið sum heild og fyri limir felagsins sum løntakarar.  Endamálið við hesum tiltaki er at varpa ljós á løntakaramál, sum hava týdning fyri allar limir í Starvsmannafelagnum, og ivaleyst fyri føroyskar løntakarar sum heild. Júst hvat tað góða samfelagið er, eru ógvuliga nógvar ymiskar meiningar um, eisini millum limir Starvsmannafelagsins. Tó eru allir limir Starvsmannafelagsins løntakarar, og øll í felagnum verða ávirkaði av hvørji rættindi og skyldur vit hava á arbeiðsmarknaðinum. Starvsmannafelagið heldur tað hava stóran týdning, at mál av arbeiðsmarknaðarligum slagi fáa pláss í komandi valstríðnum. Vón okkara er at flokkarnir fara at hugsa um og taka kjarnumálini til sín, og at málini fara at síggjast aftur í komandi valstríði, eins væl og í einum komandi samgonguskjali.  Felags fyri øll málini er, at hetta eru mál, sum hava ítøkiliga ávirkan á livikor løntakaranna í Føroyum. Tað eru mál, ið fremja tryggleika, fyribyrgja sálarligt trýst, og leggja dent á einstaka menniskjað og familjuna. Hetta eru mál, sum gera, at Føroyar standa seg betri í kappingini um arbeiðsmegi, og geva einstaka løntakaranum í Føroyum eitt betri lív við meira yvirskoti og innihaldi. Eg vil við hesum leggja dent á, at hetta er eitt partapolitiskt óheft átak. Starvsmannafelagið stuðlar ikki nøkrum ávísum flokki. Vit stuðla limum okkara og vilja arbeiða fyri, at teirra áhugamál verða raðfest. Fyri at gera hetta krevst, at vit eisini gera okkara ávirkan galdandi í politiska rúminum, serliga tá um ræður mál, sum partarnir á arbeiðsmarknaðinum ikki varða av einsamallir. Hettar er aðru ferð, at Starvsmannafelagið skipar fyri hesum tiltaki. Fyrru ferð var upp undir løgtingsvalið í 2015, og sóust fleiri av kjarnumálunm tá aftur í samgonguskjalinum, eins og fleiri síðani eru samtykt av løgtinginum. Við hesum tiltaki vónar Starvsmannafelagið at eggja limum sínum og borgarunum annars at nýta sín demokratiska atkvøðurætt. Valið er títt. Gott løgtingsval! Um innihaldið Allir flokkar, sum vóru stillaðir upp, tá evsta mark var fyri at lata tilfar inn, fingu møguleikan at taka støðu til kjarnumál Starvsmannafelagsins. Fólkaflokkurin hevur ikki svarað og er tískil ikki við. STARVSMANNAFELAGIÐ - STÓRT, BREITT OG STERKT Starvsmannafelagið er fakfelag hjá starvsfólkum, sum starvast hjá landi, kommunum, kommunalum felagsskapum og almennum partafeløgum. Felagið hevur umleið 2.000 limir. Endamál felagsins er á demokratiskum og javnstøðiligum grundarlagi støðugt at virka fyri betri arbeiðskorum. Millum limirnar finna vit omanfyri 300 ymisk starvsheiti, so á ein hátt er Starvsmannafelagið tað, sum grannalondini rópa eitt meginfakfelag (fakforbund). Tí siga vit ofta, at Starvsmannafelagið er eyðkent av at vera stórt, breitt og sterkt. ÚTGEVARI Starvsmannafelagið J. H. Schrøtersgøta 9 Postsmoga 165 110 Tórshavn Telefon 61 48 68 T-postur: starvsmannafelag@starvsmannafelag.fo Heimasíða: http://www.starvsmannafelag.fo SKRIVSTOVUTÌÐ: kl. 09:00 – 16:00 TELEFONTÍÐ: kl. 10:00 – 15:00, eingin telefonviðtala mikudag NEVND Súni Selfoss, formaður Bjørg Jacobsen, næstforkvinna Svend Åge Seloy, nevndarlimur Hilmar Augustinussen, nevndarlimur Noomi K. Rasmussen, nevndarlimur FELAGSSKRIVARI Anna D. Johannesen SAMSKIPARI Guðrið Joensen RÁÐGEVI Dánjal Højgaard TRYGGINGARRÁÐGEVI John Kjær, tlf. 218187 SOSIALRÁÐGEVI Leif Olsen, tlf. 316339 Starvsmannafelagið er limur í: Norðulendsku felagsskapunum NTR, NSO og Altjóða felagsskapinum PSI STARVSBLAÐIÐ Verður sent limum Starvsmannafelagsins ókeypis einferð um árið. LAGT TIL RÆTTIS Starvsmannafelagið Nevndin (ábyrgd) GRAFISKT SNIÐ OG LAYOUT Heidi í Dali Jacobsen, Sosialurin SAMSKIPAN OG HØVUNDI Regin Berg MYNDIR Tróndur Dalsgarð Jens Kristian Vang Dánjal Højgaard Súni Selfoss, Formaður í Starvsmannafelagnum Til ber at lesa grundgevingarnar hjá flokkunum í fullum líki á www.starvsmannafelag.fo Álitisfólkini í Starvsmannafelagnum fyrireika kjarnumálini fyri 2019 FORSÍÐUMYND Nevndin, umsitingin og álitisfólkini í Starvsmannafelagnum