hósdagur 20. juni 2019síða 32

VINNUBLAÐIÐ HJÁ MIÐLAHÚSINUM 8 juni 2019 1 ALT ER VIÐ, TÁ IÐ NÝGGJA HILTON-HOTELLIÐ Í HAVN LETUR UPP NÆSTA SUMMAR Árni Gregersen Atlantic tók eina avgerð um at byggja nýtt hotell í Havn. Avgerðin var tikin fyrst og fremst, tí manglandi gistingarrúm setti eina forðing fyri vøkstrinum í ferðavinnuni. Samstundis tók Hotel Hafnia og Smyril Line eina tilsvarandi avgerð og byggir eitt hotell beint omanfyri SMS í Havn. Frammanundan hevði Gist & Vist tvey gistingarhús í býnum. Hotel Før­oyar verður út­bygt nú, so tað verður størsta hotell í býnum og ar­beitt verður eisini við at víðka um og um­ byggja hitt hotellið – gamla Sjó­mans­heimið í miðýnum í Havn. Tað vil siga, at tá ið alt hetta er gjørt, so økist talið av gistingar­møgu­leik­um munandi. Hilton hotellið liggu við Ringvegin í Havn við útsýni yvir Hoydalar, inn móti Skálafjørðinum og vestueftir. Talan er um eitt stórt hotell við 130 køm­ ur­um. Á øllum kømurum ber til at reiða upp aft­ur­ at, umframt at summi køm­ur hava eitt kamar afturat, har til ber at sova. Nøkur handicap-kømur eru og har er ein suita. Hilton Rættuliga tíðliga var avgjørt at fara í samstarv við altjóða Hilton-ketuna. Hilton hevur eitt net­ verk um allan heim og tað kann draga nøkur ferða­fólk hendanvegin. Men at fara uppí eina slíka ketu, setir eis­ini nøkur krøv – bæði til bygg­ingina og til tæn­ast­ una, sum Hilt­on veitir. - Ja, tey seta krøv, men tey seta sjálvandi hesi krøv tí tey hava so drúgvar royndir. Tað er ongin grund at gera mistøkini umaftur, sum eru gjørd fyrr, sigur Martin Restorff, stjóri. Krøvini eru so strong, at hóast hotellið ikki letur upp fyrr enn næsta summar, so standa tvey kømur longu klár á jotellinum – uppreidd og tað heila. - Tey vilja síggja, hvussu kømurini taka seg út, men tit sleppa ikki at síggja tey enn, leggur hann afturat. Hann fortelur, at fólk frá Hilton fylgja væl við og hyggja at hvørjari ein­astu detalju, áðrenn alt verður góð­kent. Tað er Húsavarðutænastan, sum stendur fyri byggiarbeiðnum og enn sær út til, at tíiðin verður hildin. Matstovuvirksemi Hotellið er sjálvandi fyrst og fremst bygt til útlendskar gestir, men tað er eisini meiningin, at føroyingar skulu koma á gátt. Hotellið fer eisini at hava mat­stovu­virksemi. -Vit ætla okkum ikki at kappast við tað, sum Gist & Vist ger, men vit fara at hava eina mat­stovu, sum helst skuldi lokka føroyyskar kundar á gott til lunch ella døgverða, sigur Martin Restorff. -Tað verður ein matastovu við dygdar­góð­ um­ mati uttan at vera eksperimenterandi, sigur hann. Hotellið er eisini gjørt til at hýsa ráðstenum í einum stórum Sali, umframt at har eru fimm funarhølir, sum eisini kunnu brúkast. Hotellið er so stórt, at har fara at arbeiða eini 35 fólk fast. Harafturat eru tað øll hini, sum syrgja fyri at hjálini mala alla tíðina. Tey eru sjálv­andi flest í h´sesongini. Hotellið sjálvt fer at síggja út sum ein glas­ bygningur við flagtekju. Eitt park­er­ings­pláss hoyrir til hvørt kamar á hotellinum. -Tað kann gott vera, at vit ikki enn skriva fólk upp til næsta summar, men vit hava longu hópin av fyrispurningum til 2021, so eg stúri ikki fyri, at vit fara at mangla gestir, sigur stjórin á nýggja hotellinum hjá Atlantic.S