mánadagur 24. juni 2019síða 12

Mánadagur 24. juni 2019 · Nr. 71 12 Sosialurin Hugskot og viðmerkingar – send sms til 225000 STUTT SØGD FÓTBÓLTUR Meinhard E. Olsen fekk sein­ astu fimm minuttirnar á vølli­num, tá ið Kristiansund í gjár tapti 1-0 á heimavølli ímóti Stabæk. Gestirnir av­ gjørdu dystin við einum brots­sparksmáli ein minutt fyri leiklok. Hin føroyingurin í norsku Eliteserien, Gilli Rólants­son, sat á beinkinum allan dystin tá ið liðhansara, Brann, vann 1-0 á heimavølli ímóti Lillestrøm. Brann er numm­ar fýra í deildini, meðan Kristian­sund er nummar átta. Í næstbestu norsku deildini fekk Odmar Færø aftur fulla spæli­tíð hjá HamKam, sum tapti 2-0 á útivølli ímóti KFUM Oslo. HamKam er nummar 12 av teimum 16 liðunum í deild­ ini, men tað er ógvuliga tætt og enn eru bara seks stig upp til uppflytingarspælið. Fimm stig eru niður til niður­flyt­ ingarspælið. Frá kappingarárinum 2020/2021 fer danska Superligan at fáa sjónbandahjálpina VAR. Tað hevur danska fót­ bólts­sambandið, DBU, avgjørt á nevndarfundi. Sambært danska TV2 var avgerðin ikki óvæntað av tí at bæði DBU, Divisionsforeningen og Spillerforeningen í eina tíð hava verið samd um at royna hesa skipanina, ið er ein sjón­ banda­hjálp til dómararnar í av­gerandi støðum so sum við málum, brotsspørkum og reyðum kortum. Næsta árið skal brúkast til at gera dómar­ar­nar tilreiðar at brúka skipanina, sum ikki er heilt bílig. Roknað verður við, at útreiðslurnar til dómararnar nú fara frá 25.000 - 30.000 krón­ um fyri hvønn dyst og heilt upp í tað tvífalda. Tað vera feløgini, ið skulu rinda hesar eykaútreiðslurnar - áleið eina hálva millión krónur afturat árliga. Hobro var einasta felagið, ið atkvøddi ímóti upp­ skotinum. FORMIL 1 Teir báðir Mercedes-koyr­ ar­arnir, Lewis Hamilton og Valtteri Bottas, vóru enn eina­ ferð fremstir tá ið koyrt varð kapp í Fraklandi í gjár. Fimm­ faldaði heimsmeistarin, Lewis Hamilton, fór triðju kapp­ ingina á rað fyrstur um mál­ strikuna, og hann er nú 36 stig frammanfyri liðfelagan, Valtteri Bottas, í samlaðu HM- støðuni. 21 ára gamla stór­ talent­ið hjá Ferrari, Charles Leclerc, bleiv nummar trý í Fraklandi í gjár. Í samlaðu HM- støðuni er hin Ferrari-koyrarin, Sebastian Vettel, nummar trý. Næsta kappkoyring verður í Eysturríki komandi sunnudag. RÍÐING Uttandurakapping 3 hevur verið á skrá hetta vikuskiftið. Kapp­ingin var sermerkt við at summi ross ikki vóru við, og at fleiri nýggir vinnarar vóru. Serliga áhugavert var at síggja nýggja hestin hjá Knút Lútzen, Kára frá Ásbrú. Hesin hesturin er fyri stuttum komin úr Íslandi og kappaðist nú fyri fyrstu ferð her á landi. Vónirnar vóru góð­ ar til hestin, sum skuldi eitast at vera sera góður, og ikki kann sigast annnað enn at hann livdi upp til vónirnar. Kári gjørdi slætt borð, vann har hann var við og serliga í skjóta tølti­ num í T1-finaluni vísti hann sannan karakter, og at hann er eitt ross vit skulu halda eyguni við framyvir. Umframt T1 vunnu Kári og Knút eisini fjór­ gongdina. Gylling og Klæmint T. Myllhamar høvdu eisini eina góða kapping. Tey vunnu skeið­kappingina mikudagin og krún­aðu eitt gott vikuskiftið við at vinna fimmgongdina. Aðrir vinnarar vóru: V5 ung: Elma Laksafoss á Anga. V5 vaksin: Óluva á Lofti á Kopar. T7 ung: Elma Laksafoss á Anga. T7 vaksin: Gunnar Justinussen á Byrnir. RÓGVING Føroyski Sverri Sandberg Niel­ sen vann í gjár World Cup í Poz­nan, Póllandi, tá ið hann í single-scullara sínum kom fyrst­ur á mál í sannførandi stíli. Hann var 2,14 sekund fram­manfyri Philip Pavukou úr Hvítarusslandi og 2,83 sekund frammanfyri Angel Four­nier Rodriguez av Kuba. Danska róðrarsambandið skriv­ar á facebook, at Sverri vísti styrki, ótrúligan teknikk og sálarligt yvirskot í finaluni, og at hetta er størsta úrslit í danskari rógving í tungvekt síðan 1995, tá ið Martin Haldbo og Lars Christensen vunnu gull. - Eg fylgdi í grundini bara somu uppskrift sum í hinum kapp­ingunum, har eg setti hinar undir trýst alt fyri eitt. Eg var yvirraskaður av hvussu lættliga tað gekk um miðteinin og hvussu stórt yvirskot eg hevði. Eg vildi ikki leggja alt ov stórt trýst á, men eg varnaðist at eg legði fjarstøðu til mót­ støðu­menninar hvørjaferð eg tók á. Ein fantastisk kensla at vinna gull, sigur Sverri Sand­ berg Nielsen við danska róðrar­ sambandið. Sverri vann World Cup: Besta úrslitið í útvið 25 ár Sverri Sandberg Nielsen fær stórt rós fyri World Cup-sigurin í Póllandi í gjár, har hann vann A-finaluna í sannførandi stíli Sverri Sandberg Nielsen kannar sær gullið