mánadagur 24. juni 2019síða 13

13 Mánadagur 6. januar 2014 · Nr. 2 Sosialurin Mánadagur 24. juni 2019 · Nr. 71 Hugskot og viðmerkingar – send sms til 225000 TENNIS Tennisvøllirnir í Gundadali hava fingið nýtt undirlag, og aðrar umvælingar komandi tíðina skulu vera við til at skapa møguleikar fyri nýggjum og góðum tíðum í føroyskum tennis Pætur Albinus Leygardagin var hátíðarhald við tennisvøllirnar í Gundadali, har spildurnýggja undirlagið á vøllunum varð hátíðarhildið á einari almennari samkomu, har eitt nú Annika Olsen, borgar­ stjóri í Tórhsavnar kommunu, helt røðu. Eitt nýtt undirlag ljóðar kanska ikki av nógvum, men júst í tennis hevur hetta sera stór­an týdning og skapar rík­ ar møgu­leikar fyri føroyskt tenn­is, sum í næstum fær enn betri umstøður og eisini ætlar í gongd við eina heilt nýggja byrjan. Heilt nýtt Undirlagið, sum nú er tikið av tennis­vøllunum í Gundadali, varð lagt á í 1990, so sigast má, at tað væl og virðiliga hevði tænt fyri seg. Tað var slitið, og har­næst var tað eisini gjørt úr til­fari, ið ikki er væl egnað til tennis. Gamla undirlagið var nevni­ liga úr gummi, og hetta merkti eitt nú at bólturin stakk ónat­ úr­liga høgt og at vøllurin var hættis­liga hálur so skjótt eitt sindur av regni kom á hann. Nýggja undirlagið er úr graslíki, og hetta hóskar væl betur til tennis - og serliga til tað váttliga føroyska veður­lag­ ið. Nú er spælandi á vøllunum hóast tað hevur regnað. Fimm tons av sandi eru á hvørjum vølli, og tað hjálpir til við at súgva vætuna niður í vøllin með­an yvirflatan framvegis er støðug og trygg at renna á. Bólt­urin hoppar nú eisini javnt óansæð um tað er vátt ella turt. Pætur M. Dahl, royndur tennisspælari og verandi føroyameistari, greiðir frá, at tennisspælararnir í Før­oy­um nú fáa heilt nýggjar dimen­sión­ ir í spælið. - Ferðin og floymið í spæli­ num gerst hægri. Tað merkir at tú ikki skalt sláa so hart og ikki hava so langt sving fyri at fáa bóltin yvir um aftur. Á gamla undir­lagnum mátti tú skapa alla ferðina sjálvur, meðan tú á graslíki í størri mun kann brúka ferðina í slagnum hjá mótstøðuleikaranum, greiðir Pætur frá. Eisini aðrir munir vera í spælinum. Eitt heilt vanligt slag so sum teir sokallaðu stopp-bóltarnir (stutt slag við undirskrúvu, red.) kann nú gerast við vanliga upp­støkki­ num og vanliga úrslitinum, sum gjarna skal vera at mót­ støðu­leikarin ikki nær fram til netið eftir bóltinum. Fyrr stakk bólturin alt ov høgt, og tá var ikki eins torført hjá mót­ støðuleikaranum at náa fram til bóltin. Á nýggja graslíkinum ber eisini til at tilætlað skoyta síðsta pettið eftir bóltinum, sum er ein sera nógv brúktur og vanligur máti hjá spælarum at brúka á teimum mongu grús­vøllunum kring heimin. Møguleikar Nýggja graslíkið ger eisini at tað ber til at spæla tennis í eitt longri tíðarskeið um árið. Higar­til hevur borið til at spæla tennis tríggjar til fýra mánaðir um sumrarnar, men við nýggja gras­líkinum, ið jú eisini er væl egnað at spæla á í regni, so ber nú til at spæla tennis eisini um várini og heystini. Hesar árstíðirnar kann myrkrið tó darva, men eftir ætlan skulu ljósmastrar setast upp við tennisvøllirnar í Gunda­dali, og við teimum kann árliga spælitíðin í tennis heilt upp í tvífaldast - frá teimum núverandi trimum- fýra mánaðunum heilt upp í sjey-átta mánaðir. Havnar Tennisfelag hevur eisini gjørt avtalu við Tórs­ havnar kommunu um at gera eitt felagshús við síðuna av vølli­num. Ætlanin er, at hetta verður gjørt skjótast gjørligt og í seinasta lagi í 2020. Í Tennissambandi Føroya fegnast tey sjálvsagt um bøttu um­støðurnar, og eitt fet á leiðini at gagnnýtta tær verður at skipa fyri venjaraskeiðum, ið skal vera við til at skapa eitt gott grundarlag fyri menning og ikki minst tilgongd av spælarum. Næst á skránni í føroyskum tennis eru oyggjaleikirnir í Gibralt­ar fyrst í juli. Í føroyska hópi­num eru Pætur M. Dahl, Jón Brekku, Annfinn Gaard og spælandi landsliðsvenjarin, argentinski Pablo Merin. albinus@sosialurin.fo Nýtt undirlag: TENNIS HEVUR FINGIÐ NÝGGJAR MØGULEIKAR