mánadagur 1. juli 2019síða 9

9 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 1. juli 2019 · Nr. 74 TÍÐINDI øll­um førum einki minkað her heima, tí teirra framførsla var utt­an iva hæddarpunktið á árs­ins Voxbotn - í øllum førum framm­an fyri pallinum. Bæði løgreglan og samaritt­ ar­nir boðaðu frá í gjár, at ong­ an­tíð fyrr hevur verið so nógv at gjørt við at taka sær av dýrandi fullum ungdómi. Hví so nógv full ung fólk vóru at síggja júst hesaferð er kann bara gitast um, men neyvan hava tey havt drekkilsi við inn á økið sjálvi. Eftirlitið við inn­ gongd­irnar var so strangt, at einaferð taldi eg sjey vaktir, ið stóðu á rað at kanna bæði task­ur, lummar og onnur op, har ein lummfløska ella ein øl hevði passað í. Tað var sum at koyra ígjøgnum eitt bilvask við sjey settum av bustum, men ivaleyst var hetta gjørt fyri at fáa fólk gjøgnum inn­ gong­ina skjótast gjørligt. Tíðin kom til Lost Fre­quen­ cies á stóra Power pallinum á mid­nátt, og tá gjørdist alt eitt sindur antiklimaktiskt. Hædd­ ar­punktið undir konsertini var, at onkur var klatraður upp í ein lyklapela og stóð har og dansaði, meðan ein vaktur av øllum alvi royndi at klatra upp eftir honum. Maðurin gjørdi tíbetur av at koma niður aftur. Eftir at hava lurtað og sungið við til Voxbotn All Stars, ið áttu lítlu pall beint framm­an undan Lost Fre­ quen­cies, var annars upplagt at fáa gongd í festina aftur, men konsertin kendist meira sum DJ show í Badmin­ton­høll­ ini anno 1999 enn nakað annað. Gamaní, fólk nikkaðu til tað kendasta, og summar av sam­ pl­ing­unum fingu fólk at syngja við, men Felix de Laet, sum er maðurin handan Lost Fre­quencies, fekk ongantíð rættiliga fatur í fjøldini, og úrs­ litið var hareftir. Hinvegin vóru tey í VSJ upp­løgd til eina knasandi kon­ sert, og Voxbotn fyrireik­ar­ar­ nir tóku uttan iva røttu avgerð at lata tey seta punktum fyri kvøldið. Sirmið bleiv stundum til regn út á náttina, men glaði og lívsjáttandi elektropoppurin úr Eysturoy setti futt í áskoð­ arafjøldina, og tá endað varð við landapláguni "Something Magical", dandaði og neva­ pump­aði allur Vágsbotnur sum hann var. Samanumtikið kann ikki sigast annað, enn at talan gjørd­ist um eitt heilt væl­ eydnað tiltak, og spennandi verð­ur at síggja, hvørjum borð­ reitt verður við í 2020.