hósdagur 4. juli 2019síða 28

SOSIALURIN OYGGJALEIKIR 12 1939 6. JULI - 12. JULI 2019 SVIMJINGIN PLAGAR AT GERA EITT HÁL SVIMJING: - OYGGJALEIKIR ERU NAKAÐ SERLIGT. MAN VIL VERULIGA GER ALT SUM LIÐ FYRI AT VINNA SO NÓGV HEIÐURSMERKIR TIL FØROYAR SUM TILBER, SIGUR EIN AV SVIMJARUNUM, SIGNHILD JOENSEN. Pætur Albinus Svimjingin plagar at vera ein av stóru heiðurs­ merkja­slúkunum hjá Føroyum á oyggjaleikunum. Á seinastu oyggjaleikum, sum var í Gotlandi í 2017, vann svimjingin 35 av teimum 87 heiðurs­ merkjunum, sum Føroyar vunnu á leikunum. Onnur ár hevur svimjingin vunnið meira enn helvtina av heiðursmerkjunum hjá Føroyum, og tað røkist aftur í ár fyri, at svimjingin fer at gera eitt hál. Við eru hesaferð 13 stinnir føroyskir svimjarar. Ein av teimum, sum hevur vunnið fleiri heið­ urs­merki til Føroya, nærri nágreiniliga 13 - fimm gull, fýra silvur og fýra bronsur - er 18 ára gamla Signhild Joensen úr svimjifelagnum Ægir í Klaksvík. Hon svimur javnan í stórum altjóða kappingum so sum HM, men henni dámar væl at koma til oyggja­leikirnar. - Oyggjaleikirnir eru nakað serligt. Á oyggja­leikunum eru altíð nógvir áskoðarar og stemningurin er ein heilt annar. Tað ger at man veruliga ger alt sum eitt lið fyri at vinna so nógv heiðursmerkir til Føroyar sum tilber, sigur Signhild. Signhild hevur verið á oyggjaleikunum tvær ferðir áður, á Jersey í 2015 og í Gotlandi í 2017, og fimm ferðir hevur hon sett oyggjaleikamet. Tað hevur verið í 100 og 200 metrum rygg. Hesaferð luttekur hon í 50, 100 og 200 metrum rygg umframt 100 metrum firvald. FER EFTIR METUM Hjá Signhild Joensen vera oyggjaleikirnir start­ skotið til eina mánaðarlanga svimjiferð út í heim. Eftir oyggjaleikirnar fer hon beinleiðis til Gwangju í Suðurkorea at luttaka í HM, og haðani fer hon beinleiðis víðari til Tokyo í Japan at luttaka í World Cup. Signhild sigur, at tað fyri hennara viðkomandi verður eitt langt summar við svimjing, men at hon hevur vant væl og nógv fyri at formurin skal vera góður til oyggjaleikirnar og restina av summ­ar­ in­um. - Málið hjá mær er fyrst og fremst at svimja skjótari enn eg nakrantíð havi gjørt, og so verður spenn­andi at síggja hvat tað røkkur til, sigur Signhild og leggur afturat at málið tískil eisini er at seta føroysk met. Føroyski hópurin hevur vant dúgliga og fyri­ reikað seg væl til oyggjaleikirnar. - Svimjarnir hava undanfarin ár verið væl fyri tá oyggjarleikirnar eru, so eg vóni at formurin verður góður og at vit øll fara at klára okkum væl, sigur Signhild Joensen. Nógv nýggj andlit eru í føroyska hópinum, og nærum helvtin av hópinum eru við á sínum fyrstu oyggjaleikum. Tey eru Bartal Eidesgaard, Jóhan Dam, Elisabeth Erlendsdóttir, Eyðrið Mortensen, Barbara Debes og Rebekka Trygvadóttir. Í Gibraltar verður svomið í einum uttandura svimjilhyli. Hetta var ikki upprunaliga ætlanin, men ein avleiðing av at takið ikki verður liðugt bygt til tíðina. HÓPURIN MENN Alvi Hjelm Bartal E. Eidesgaard Jóhan Dam Óli Mortensen Pál Joensen Rókur Trygvason Róland Toftum KVINNUR Barbara Debes Elisabeth Erlendsdóttir Eyðrið Mortensen Rebekka Trygvadóttir Signhild Joensen Vár E. Eidesgaard VENJARAR Juan Jaime Arroyo Toledo Panagiotis Christou