hósdagur 4. juli 2019síða 38

SOSIALURIN OYGGJALEIKIR 22 1939 6. JULI - 12. JULI 2019 G IBRALTAR ER PARTUR AV TVEIMUM JAMES BOND FILMUM Gibraltar hevur tann stóra heiður og æru, at lítla landið hevur á tveimum sinnum verið partur av filmum í heimskendu filmsrøðini um bretska njósnaran, James Bond. Í 1967 var ein partur av filminum "You only live twice" við Sean Connery í høvuðsleiklutinum tikin upp í Gibraltar. 20 ár seinni var ein partur av filminum "The Living Daylight" við Timothy Dalton í høvuðsleiklutinum tikin upp í Gibraltar. B ARA 29 KM AV VEGI ERU Í GIBRALTAR Gibraltar er millum heimsins minstu lond, og hóast vit í Føroyum ikki halda okkum hava nakað serligt av veganeti í Føroyum samanborið við okkara grannalond, so er veganetið í Føroyum stórt um vit samanmeta tað við veganetið í Gibraltar. Samlaða veganetið í Gibraltar er bara 29 kilometrar. Tað eru bara oyggjarbólkarnir, Tuvalu og Kokosoyggjarnar, ið hava eitt veganet sum er minni enn veganetið í Gibraltar. J OHN LENNON BLEIV GIFTUR Í GIBRALTAR Kendi tónlistarmaðurin og sangskrivarin, John Lennon sum var ein av oddamonnunum í legendariska orkestrinum, The Beatles bleiv giftur við Yoko Ono í Gibraltar. Hetta var fyri hálvari øld síðani, 20. mars í 1969. John Lennon og Yoko Ono ætlaðu at blíva gift í Fraklandi, men tey funnu ongan sum vildi gifta tey í Fraklandi, og tí ferðaðust tey allan vegin til Gibraltar fyri at blíva gift. V ILLAR APUR LIVA Í GIBRALTAR Eitt helit serligt við Gibraltar er, at Gibraltar er einasta staðið í øllum Evropa har villar apur liva. Aðrastaðni í Evropa eru apur altíð partur av einum djóragarði. Tað eru umleið 300 villar apur, ið liva í Gibraltar. Ferðafólk verða mint á at ansa serliga væl eftir tá tey fara at hyggja eftir apunum. Apurnar eru kringar og eru skjótar at taka mat úr ryggsekkum hjá ferðafólkum um ein ikki ansar eftir verður sagt.