mánadagur 8. juli 2019síða 16

Mánadagur 8. juli 2019 · Nr. 77 16 Sosialurin Hugskot og viðmerkingar – send sms til 225000 Heri Simonsen Ummælini av fyriskipanini av setanini av oyggjaleikunum leygar­kvøldið eru ikki góð millum føroyingar, ið eru til oyggja­leikirnar í Gibraltar: - Tað hevur bara verið ein verri setan enn hendan, og tað var tá oyggjaleikirnir vóru settir á Rhodos í 2007, sigur ein sum hevur upp­livað nógvar oyggjaleikir. – Setanirnar eru altíð rotn­ar, sigur ein fyrr­ verandi oyggja­leika­luttakari. Hann greiðir frá, at hann var spurdur um hann ikki hevði keypt atgongumerki til setan­ ina, men tað kundi hann ikki droymt um, slær hann fast. Fótfeilir frá byrjan av Veðurfrøðingarnir høvdu ávarðað um nógvan vind úti á tí ikki liðugt bygda Europa Sports Complex leikvøllinum á suðurendanum av Gibraltar. Longu tá royndarsetanin var fór originala oyggjaleikaflaggið í luftina, og ein gløggur før­oy­ skur eygleiðari, ið hevur verið til fleiri oyggjaleikasetanir sá skjótt, at oyggjaleikaflaggið sum var brúkt til sjálva setan­ ina var eitt eykaflagg. Tað var um reppið, at eykaflaggið eisini fór á flog undir sjálvari setan­ini til onkur forbarmaði seg yvir oyggjaleikaflaggið og fekk rullað tað saman. Tað var nógvur vindur úti á Europa Sports Complex leikvøllinum, serliga hjá teimum sum sótu ovarliga framvið leikvøllinum. Tá kuldin byrjaði at gera um seg rýmdu fleiri áskoðarar, og enntá ítróttarfólk byrjaðu eisini at rýma. Inni í miðbýnum í Gibraltar er góða gamla Victoria Stadium, og tað kann undra ein stórliga hví fyri­ reik­ararnir ikki heldur høvdu setanina har, og hetta má staðfestast at verða ein fót­ feilur frá byrjan av. Óskipaður innmarsjur Løtan tá ítróttarfólkini marsjer­ aðu inn hevur altíð verið ein tignarlig løta á undanfarnum oyggjaleikum, men hesaferð valdu fyrireikararnir at lata oyggjaleikahópar marsjera inn á økið bæði frá høgru og frá vinstru síðu av leikvøllinum, og tað tyktist í løtum kaotiskt. Áður hevur tað verið meir tign­ arligt, har liðini hava mar­sjerað inn eitt og eitt, og so eru tey presenteraði fyri áskoðaraf­ jøldini. Øll ítróttar­fólkini vóru noydd at sita niðri í øllum vindi­num, og tað sást á fleiri av teimum, at tey vóru køld, og fleiri tóku til rýmingar. Flagg­ber­arnir høvdu eisini sítt hoyggj við at halda fløggunum. Eitt hernaðarligt hornorkestur sett saman av tveimum her­nað­ ar­deildum í Gibraltar spældi nógv løg meðan tey marsjeraðu aftur og fram. Hornorkestrið var væl fyri, men leikluturin hjá orkestrinum bleiv yvir­ spældur, og gleðin um at hoyra horntónleik dalaði rættiliga skjótt hjá fleiri áskoðarum. Um Føroyar fara at hýsa oyggja­ leikunum í 2029 er, ið hvussu er nógv sum vit kunnu læra av setanini farna leygarkvøld um hvussu ein ikki skal gera til eina setan. Tað góða við setanini var tó, at myndamaður okkara, Hans Kristian Eyðunsson Han­ sen tók nógvar góðar myndir, og nakrar av teimum kunnu njótast her. Oyggjaleikir: OYGGJALEIKIR Av ávum vit ikki skilja løgdu fyriskipararnir oyggjaleikasetanina til ein ikki liðugtgjørdan leikvøll heldur enn at hava setanina á Victoria leikvøllinum í miðbýnum í Gibraltar EIN MINNI VÆL FYRI­SKIPAÐ OYGGJA­LEIKASETAN