hósdagur 11. juli 2019síða 8

FRÍGGJADAGUR 12. JULI 2019 SOSIALURIN 79 8 ÁRNI GREGERSEN H esi seinastu fýra árini hevur fleiri ferð­ ir verið at hoyrt, at kemur Fólka­flokk­ urin í Tinganes, so verður lógin um vinnuligan fiskiskap sett í gildi aftur í staðin fyri nú­ galdandi lógina um fyrisiting av sjófeingi. Men so verður ikki. Hans Andrias Kelduberg, reiðari og valevni hjá Fólkaflokkinum til komandi løgtingsval, sigur, at hann hevur boðað flokkinum frá og fingið flokkin at taka undir við, at lógin um fyrisiting av sjófeingi ikki verður rullað aft­ur til gomlu lógina. -Sjálvt um vit halda, at nógv í nýggju lógini eigur at broytast, so gevur tað onga meining at tosa um at rulla alt aftur til gomlu lógina, sigur Hans Andrias Kelduberg. Hann sigur, at sjálvandi skuldu broytingar gerast í gomlu lóg­ini, og tað skal so eisini gerast í nýggju lógina. -Vit kunnu staðfesta, at tað er nógv, sum ikki riggar. Tað mugu vit broyta, so vit hava eina lóg, sum er líka fyri øll, heldur hann. Hann vísir millum annað á, at menni­ngarkvoturnar í roynd og veru er ein politisk útluting. Tað verður gjørt av einari nevnd. -Men eg havi skilt tað soleiðis, at talan er um eina nevnd, sum meira ella minni fær eina bund­ na uppgávu, sigur Hans Andrias Kelduberg. Hans Andrias Kelduberg hevur verið í fiskivinnuni í mong ár, bæði sum skipari og sum reiðari. -Eg haldi eg var fyrstu ferð í sjónvarpinum í kjaki við Jacob Vester­gaard um upp­sjóvar­ kvotu­rnar í 2007. Tá royndi eg at vísa á, at vit fingu alt ov lítlan part av uppsjóvarfiskinum, sum føroyska kvotu, sigur hann. Nógv er sjálvandi hent síðani tá, men reiðarin í Hósvík heldur, at tað er umráðandi, at tá ið vit arbeiða við fiskivinnuni – eins og við øðrum vinnum – so eiga vit at leggja okkum eftir einum stór­um avkasti. -Her hugsi eg ikki bert um a­v­ kast til vinnuna, men so sanni­ liga eisini til samfelagið, tí tað er hesum avkasti, samfelagið skal liv av, sigur hann. Rulla ikki aftur til gomlu skipanina Hóast nógvvar broytingar eiga at gerast í lógini um fyrisiting av sjófeingi, so fara vit ikki aftur til gomlu lógina um vinnuligan fiskiskap SAMRØÐA: Hans Andrias Kelduberg