hósdagur 11. juli 2019síða 30

FRÍGGJADAGUR 12. JULI 2019 SOSIALURIN 79 30 SJÚRÐUR HILDARSON HOYDAL – GIBRALTAR T á ið Vikuskiftis­sosial­ urin fer til prentingar er næstseinasti dagur á oyggjaleikunum 2019 hálvrunnin. Tær fyrstu grein­ arnar hava gjørt seg lidnar, meðan aðrar enn jagstra bæði heiðursmerki og annan heiður. Føroysku svimjararnir eru í øllum 12 finalum hósdagin, og áðrenn blaðið fer til prentingar er bert at gita hvussu ovurstórt heiðursmerkjatalið fer at verða. Longu nú hava Føroyar fingið 22 heiðursmerki í svimjing – 12 úr gulli, tvey úr silvuri og átta úr bronsu. Svimjararnir úr hinum tjóð­ unum munnu kanska ræðast tá ið Vár Erlingsdóttir Eidesgaard ger seg til reiðar at fara í hylin, men eru eisini hugtikin av framúr avrikinum hjá føroysku gullgentuni, ið hevur svomið seg til fimm gullmerki og trý bronsumerki higartil. Kurvabóltsleikararnir fegnast um fyrsta sigurin Meðan aðrar greinar, sum eitt nú svimjing, hava verið fagnaðar fyri sínar mongu sigrar, hava før­oysku kurvabóltsleikararnir jagstrað sítt egna úrslit. Hetta er triðju ferð at Føroyar luttaka í kurvabólti á oyggjaleikum og áðrenn fimta og seinasta dystin á Gibraltar høvdu Føroyar ongantíð roynt at vunnið ein lands­dyst. Men stóra altjóða ítrottar­ grein­in hevur ment seg í Før­ oyum, og bæði sunnudagin ímóti Jersey og mikudagin ímóti Wight-oynni var sigurin á føroyskum hondum áðrenn seinastu løturnar. Í báðum førum mundi tað tykjast sum før­oy­ingarnir ikki vóru nóg vanir at avgera dystin, men hes­ um vóru eingir truppuleikar av hósdagin ímóti Álandi. Áland var mett sum væl veik­asta liðið í kappingini, og tað var eisini sjón fyri søgn, tá ið Føroyar settu seg á dystin frá fyrsta bríksli. Allir føroyingarnir sluppu at royna seg, og bæði teir royndu og teir heilt ungu sluppu at kenna hvussu tað er at vinna ein landsdyst. Dysturin endaði 76-35 til Før­ oyar og føroysku venjararnir og leikararnir vóru bæði fegnir og eitt sindur lættaðir um at hava vunnið fyrsta landsdystin. Hetta er ein varði á ferðini at menna før­oyskan kurvabólt tók royndi leik­arin, Magnus Jakobsen og venjarin, John Norðbúð Thom­sen, til. At kunna royna seg á oyggj­aleikum ímóti øðrum tjóð­um geva royndir, ið eru so stórar at tær ikki kunnu vigast, sigur venjarin. Tað er einki at ivast í, at Kurva­bóltsføroyar fara at minn­ast hesar oyggjaleikir við stórari gleði og sum ein varða í søguni tá ið Føroyar endaðu sum nummar tíggju av 11 tjóðum á Gibraltar í 2019. Judoføroyar tóku av møguleikanum við heiðursmerkjum Judo er alt ov ofta við sviðusoð á oyggja­leikunum. Tignarliga stríðs­ítrottargreinin verður ofta frá­vald til oyggjaleikirnar til fyri­mun fyri aðrar greinar. Í ár verður kappast í judo á oyggja­leikum fyri fyrstu ferð í tíggju ár, og nógv bendir á, at tað kunnu gang eins nógv ár til næstu ferð. So tað snúði seg hjá judo­kun­ um úr Føroyum um at taka av á Gibraltar, og so varð sanniliga tikið av. Fimm gull, tvey silvur og sjey bronsumerkini taka før­ oysku stríðsfólkini við heim av Gibraltar. Tað eru væl bestu heiðurs­merkjaúrslitini av øllum. Og heiðursmerkini í judo eru komin tvørtur um aldur og kyn. Superveteranurin og judo­legendan, Búgvi Poulsen, vann vektbólkin undir 81 kilo um­framt at hann vann av­ gerandi dystin í liðkappingini, tá ið Føroyar fingu sítt fimta og seinasta gullmerki hesaferð. Í liðkappingini hevði 19-ára gamli Bárður Hentze Lenvig frammanundan vunnið sín dyst eins og hann vann gull í ein­staklingakappingini undir 66 kilo. Harafturat komu tvær k v i n n u r eisini á heiðurs­ merkja­skammulin. Sanna Nolsøe Djur­huus vann silvur í bólkinum undir 78 kilo, meðan Maiken Eivinns­dóttir Bringsberg vann sær bronsu í bólkinum undir 52 kilo og Silja Johannesen eisini vann sær bronsu fyri kvinnur undir 63 kilo. Fjórða før­oyska judokvinnan, Hansa Tor­ gerð Ellingsgaard vann seg ikki burtur úr innleiðandi dystunum, men saman við hinum trimum umboðaði hon før­oyskt kvinnujudo, og tað sigur formaðurin í føroyska judo­sam­bandinum, Judo Føroyar, seg verða sera glaðan ÍTRÓTTUR Oyggjaleikir: GULL OG ANNAR HEIÐUR - ALLAR GREINAR FÁA OKKURT BURTURÚR Oyggjaleikirnir eru farnir inn í seinasta skeiðið. Næsta samdøgrið verða seinastu heiðrarnir latnir, og nakrar greinir hava longu gjørt seg lidnar. Hósdag fyrrapart endaði judolandsliðið hjá monnum við enn einum gullmerki, meðan kurvabóltslandsliðið vann sín fyrsta sigur nakrantíð. Gleðin var ikki at fara skeivur av. Fyri báðar greinarnar var úrslitið ein stórur varði