mánadagur 15. juli 2019síða 16

Mánadagur 15. juli 2019 · Nr. 80 16 Sosialurin Hugskot og viðmerkingar – send sms til 225000 Triathlon: Súsanna Skylv Sørensen setti alt upp á pláss í triathlon hjá kvinnum – Fólk á Gibraltar vóru hugtikin av góðskuni hjá føroysku jarnkvinnuni, men mesta uppmerksemi fekk Hávard Vatnhamar, sum rann, súkklaði og ikki minst svam við bert einum armi JARNVKVINNAN OG JARNVILJIN Tað er tíðliga sunnumorgun og fyrsta kappingin í oyggja­ leikum er farin í gongd. Fyrstu føroysku áskoðararnir hava leitað sær á strondina, har triath­lon kappingin byrjar við havsvimjing. Veðrið er hampi­ligt, ikki alt ov heitt, og sjógv­urin tykist at vera ov kaldur. Men hetta er kortini eitt stríð. Fyrsti parturin av kappingin snýr seg um at svimja hálvanannan kilo­ met­ur. Tað liggur væl fyri hjá før­oyingunum, hóast at teir flestu eru royndast á næsta parti­num, sum er súkkling. Tað ið áskoðararnir fáa sæð av havsvimjingini, liggja øll eygu beint á einum føroyingi. Hávard Vatnhamar, ið ætlar sær til Para-olýmpisku leikir­ nar í Tokyo í 2020, svimur við sínum eina armi. Allir mynda­ menn gera sítt ítasta at fáa mynd­ir av føroyinginum við jarn­viljanum, ið svimur tein­ in upp á góðar 33 minuttir, frammanfyri nógvar aðrar, áðrenn hann sleppur upp á land til súkkluna. Hjá kvinnum er Súsanna Skylv næst úr sjógvinum, og setur seg á súkkluna í góðari støðu. Hon telist eisini millum favorittarnar áðrenn kapp­ ingina. Hon er í hesum tíðum fremsti triathlon-íðkari í Føroyum, og gevur sær eisini stundir at leggja lag á hjá oyggjaleikaliðnum hjá monn­ um. Í súkklingini er hon stavn um stavn við eina úr Guernsey heilt frammi í oddinum og tá ið súkk­lingin er av, skal renningin avgera alt. Her er Súsanna Skylv, sum seinni um dagin skal luttaka í súkkling, skjótast av øllum. Hálvan annan minutt áðrenn kappingarneytan úr Guern­s­ey kemur Súsanna Skylv um endaligu mállinjuna, tveir tímar, 31 minuttir og 27 sekund eftir at hon legði til brots klokkan 8.40. Føroysku áskoðararnir fagna henni tá ið hon púra einsa­møll kemur inn á sein­ astu metrarnar. Onkur hevur Merkið við, ið verður latið føroysku jarnkvinnuni at veittra við tá ið hon fer um mál­ strikuna. Hjá monnum kemur Hávard Vatn­hamar inn tveir tímar og 44 minuttir eftir at hann leyp á sjógv klokkan átta um morgun­in, og hann fær hin størsta fagnaðin - ikki bara frá føroyingum, men øllum á Gibraltar henda morgunin. Klokkan er trý korter til ellivu sunnu­morgun fyrsta dagin í oyggjaleikum, og Føroyar hava vunnið sítt fyrsta gull, og Hávard hevur vunnið øll hjørt­ ini. sjurdur@sosialurin.fo Seinastu ferðirnar á oyggja­ leikum hava Føroyar luttikið í kurva­bólti og tennis. Sigrarnir hava lata bíðað eftir sær, men har er avgjørt framgongd at hóma. Kurvabóltslandsliðið fekk eitt frambrot við fyrsta sigri­num og flottum spæli, með­an føroysku tennis­leikar­ ar­nir eisini sóu framgongd. Kurvabóltur fekk fitt av umtalu á hesum oyggjaleikum frá føroyskum miðlum. Með­an aðrar ítrottargreinar savn­aðu saman heiðursmerki, spældu Føroyar sína triðju kurva­ bólts­kapping á Oyggjaleikum. Málið var ikki heiðursmerki, men kortini púra greitt: Fyrsti sigurin skuldi í hús. Og tað mundi eydnast í fyrstu royndini. Ímóti Jersey vundu føroyingarnir burtur úr mótstøðuni, soleiðis sum før­ oy­ingarnir sjálvir vóru vanir at vera viðfarnir á oyggjaleikum. Men heilt ímóti dystarenda fær Jersey vent dystinum, og vón­ brotnir føroyingar mugu síggja fyrsta sigurin gleppa. Hetta hendur aftur tríggjar dagar seinni. Har er javnleikur við lítlari løtu eftir, men tvey brots­køst hjá Isle of Wight fara í kurv­ina. Føroyingarnir hava spælt væl, men bólturin vil sera illa niður í kurvina henda dagin, og føroyingarnir kenna seg gandaðar og ørkymlaðir um at fyrsti sigurin ikki vil til Før­oya. Men í dystinum um tey tvey niðastu plássini bragdar. Áland verður styrkismett væl lægri enn øll onnur – eisini Før­oyar – og uttan stórvegis trupul­leikar kemur sigurin so. Ein ovurstórur lætti, ið nú skal nýtast til at leggja fleiri løg á føroyskan kurvabólt. Føroyskt tennis er á veg upp aftur Føroyska tennislandliðið hesa­ ferð er mannað av Pæturi M. Dahl, Jón Brekku, Annfinni Gaard og Pablo Marin, ið eisini er landsliðsvenjari. Í mun til kurva­bólt hevur føroyska tennis­landsliðið sigrar at vísa á. Tað rakk eitt nú til eina fjórð­ingsfinalu seinast, men hesa­ferð mugu føroyingarnir oftast fegnast um vunnin spøl ella sett. Millum annað javna Anfinn Gaard og Pablo Merin til 1-1 í settum ímóti Gibralt­ar í tvímansleiki, men javn­brót­ andi settið verður tapt. Enn tættari við er Pætur Dahl í so­nevndu plate-kappingini, ið er ein b-kapping fyri teir, ið ikki eru komnir víðari í meginkappingini, men hann tapur sera tepran dyst ímóti mótstøðumanni úr Ynis Mon. Tað røkkur ikki til sigur hesa­ ferð, men hópurin er fram­vegis bjartskygdur. Um­støður­nar til tennis í Føroyum batna, millum annað við at tennisvøllurin í Havn er endurnýggjaður, og vónirnar um at gera tað betri um tvey ár liva væl hjá teimum fýra føroysku tennis­leikar­un­ um tá ið farið verður heim av Gibral­tar. Kurvabólturin fekk fyrsta sigurin