mánadagur 15. juli 2019síða 17

17 Mánadagur 6. januar 2014 · Nr. 2 Sosialurin Mánadagur 15. juli 2019 · Nr. 80 Hugskot og viðmerkingar – send sms til 225000 Sjúrður Hildarson Hoydal Judo er ein av teimum ítrottargreinum, ið liggja eitt sindur undir vatnskorpuni úr sjónarhorninum hjá vanliga føroyinginum. Vit vita at tað verður íðkað, og at fleiri hava góðar førleikar, men vit síggja tað sjáldan. Tað hevur heilt vist hjálpt at fáa judo undan vatnskorpuni, at stóri FM-dagurin saman við badminton og borðtennis verður miðlaður sera væl, við millum annað beinleiðis sjónvarpi. Men hvussu føroyingar standa seg í altjóða judokappingum vita helst bert tey, ið longu eru innan judoheimin í Føroyum. Tí var tað kærkomið at síggja føroysku áskoðararnar fylkjast inni á einum hernaðarøki á Gibraltar, har judokappingarnar fóru fram, og tað var ein øgiligur fagnaður fyri føroysku judokunum. Summar íðkarar mintust áskoðararnir frá tíggju árum síðani, tá ið judo seinast var við á oyggjaleikum, og onkur á Gibraltar mundi kanska minnast ein ávísan føroying. Búgvi Poulsen, ið vann gull á leikunum á Gibraltar í 1995, gjørdi ikki mætari enn at endurtaka bragdið 24 ár seinni. Serliga ansvekjandi var, at gullmerkið í ár kom í sera sterka vektbólkinum fyri íðkarar undir 81 kilo. Men tað vóru ikki bara superveteranar og legendur, ið savnaðu gull inn til Føroya. 19 ára gamli Bárður Hentze Lenvig vann fyrsta føroyska gullmerkið, tá ið hann vann á øllum í vektbólkinum undir 66 kilo, og skjótt gjørdust heiðursmerkini fleiri. Bæði menn og kvinnur vunnu sær fleiri heiðursmerki, og tað, ið føroyingarnir á Gibraltar tosaðu mest um í samband við judo var, at Jógvan Páll Kristiansen ikki vann gull hjá monnum undir 73 kilo. Hann var kolldømdur í finaluni fyri at hava hildið skeivt tríggjar ferðir. Hesum vóru hvørki íðkarin sjálvur, føroysku liðfelagarnir ella áskoðarar samdir í. Tað var við ringum tannabiti at føroyingurin mátti fáa silvurið um hálsin, og hann lovaði at hann skuldi vinna tað inn aftur í liðkappingini. Liðkappingin var eisini greitt vunnin. Jógvan Páll Kristiansen átti sín lut í gullinum, tá ið lykladysturin ímóti Álandi varð vunnin 3-0. Hin størsti kappingarneytin var Menorca, sum óvæntað mátti lúta fyri Saaremaa, ið stóð ímóti Føroyum í finaluni. Bárður Hentze Lenvig vann fyrsta dystin, á sama manni sum í finaluni í einstaklingakappingini. Síðani fekk Jógvan Páll Kristiansen ein ókeypis sigur, tí at Saaremaa bert hevði fýra íðkarar á liðnum, og ikki høvdu nakran mann í hesum vektbólki. Sostatt væntaði bert ein sigur afturat, og tað var føroyska judoímyndin, Búgvi Poulsen, ið skuldi royna seg. Eftir lítlari løtu kendi føroyingurin seg eitt sindur í trupulleikum og royndi nakað vælkent. -Hatta er kastið hjá Búgva, lat úr Sonnu Nolsøe Djurhuus, júst sum hann hevði sett fótin í kroppin á mótstøðumanninum, og tveitt hann afturum seg. Saaremaamaðurin lendi dygst á rygginum, og Føroyar høvdu vunnið fimta judogullið á Gibraltar – Búgvi Poulsen hevði vunnið sítt sætta í søguni. -Hatta er tað eg geri tá ið eg ikki veit hvat eg skal gera, flennir Búgvi Poulsen um sítt ‘Tomoe Nage’ kast, ið eyðkennir hann og aftur hevur vunnið honum gullið. Fyri okkum áskoðarar er tað eitt sera hugtakandi og vakurt kast, ið bara ber enn fleiri boð um at at judo er ein fantastiskur ítrottur fyri áskoðarar. Eftir oyggjaleikirnar er niðurstøðan greið: Vit vilja hava meira judo á oyggjaleikum! sjurdur@sosialurin.fo Heiðursmerki á Gibraltar Menn + 100 kilo: Gull – Edvard Sigurdson Johannesen Menn 100 kilo: Gull – Petur Sigurd Johannesen Menn 66 kilo: Gull – Bárður Hentze Lenvig Menn 66 kilo: Bronsa – Dánjal á Krákusteini Menn 73 kilo: Silvur – Jógvan Páll Kristiansen Menn 73 kilo: Bronsa – Gunnar Magnussen Menn 81 kilo: Gull – Búgvi Poulsen Menn 90 kilo: Bronsa - Sigmundur Johannesen Menn opin bólkur: Bronsa - Petur Sigurð Johannesen Menn opin bólkur: Bronsa – Edvard Sigurdson Johannesen Menn – liðkapping: Gull – Føroyar Kvinnur 53 kilo: Bronsa – Maiken Eivinnsdóttir Bringsberg Kvinnur 63 kilo: Bronsa – Silja Johannesen Kvinnur 78 kilo: Silvur – Sanna Nolsøe Djurhuus Judo: Fyri fyrstu ferð í tíggju ár, og seinastu ferð í bræði – sluppu føroysku judokurnar at vísa seg fram fyri bæði føroyingum og øðrum tjóðum á oyggjaleikum. Mangur fjeppari og møguliga komandi íðkari man vera føddur eftir at hava verið hugtikin av føroysku stríðsfólkunum, ið komu heim við ørgrynnu av heiðursmerkjum VIT VILJA HAVA MEIRA JUDO! OYGGJALEIKIR