mánadagur 15. juli 2019síða 18

Mánadagur 15. juli 2019 · Nr. 80 18 Sosialurin Hugskot og viðmerkingar – send sms til 225000 Sjúrður Hildarson Hoydal Føroyingum hava altíð dámt at spælt badminton. Úrslitini hava eisini verið sera góð á oyggja­leikum seinastu árini, men tað var kortini eitt lítið vón­brot at tað bert blivu til tvær bronsur á Gotlandi fyri tveim­um árum síðani. Stóra badmintonstjørnan í Før­oyum eitur Rannvá Djur­ huus Carlsson. Hóast hon hon hevur verið einaráðandi á bad­ mintonpallinum í so langa tíð, er hon bert 24 ára gomul, men telist longu nú sum ein hin royndasti íðkarin á føroyska lands­liðnum. Men badmintonstjørnan hevði ikki bestu fyri­reik­ing­ arnar til hesar leikir. Trupul­ leikar við knænum hava gjørt, at hon hevur heldur lagt dent á tvímansleik enn einmansleik, og á Gibraltar nevndi Rannvá Djur­huus Carlsson fyri Sosiali­ num at hetta var fyrsta stóra kapp­ing í einmansleiki hjá henni í eitt ár. Kortini vóru vónirnar góð­ ar til einmansleikin hjá bæði kvinnum og monnum. Hjá kvinnum var 20 ára gamla Gunnva Jacobsen ein, ið vísti seg sera væl fram, meðan 19 ára gamli Bartal Poulsen hjá monnum skuldi vísa seg enn meira fram. Bartal Poul­ sen flutti sum ungur til Dan­ markar fyri at gerast betri bad­ mintonspælari, og umframt flott badmintonspæl sást eisini at hann er í góðari venjing. Lagt var fyri við lið­kapp­ ingini, har Føroyar við øllum lut­takarum á vøllinum, spældi seg lættliga í hálvfinaluna. Hálv­finalan var ein óvanliga tepur og spennandi dystur ímóti Guernsey. Bartal Poulsen spældi bæði einmansleikin og tví­mansleikin hjá monnum, men í báðum førum endaði tað við teprum tapi eftir drúgvan dyst. Føroyar taptu hálv­finaluna 3-1 – Rannvá Djur­huus Carlsson vann ein­ mans­leikin hjá kvinnum, men tapti tvímansleikin saman við Gunnvu Jacobsen. Hóast bæði iðrandi og troytt eftir ósigurin í hálvfinaluni, megnaðu føroyingarnir at reisa seg í bronsudystinum ímóti Man. Nýggjasta størnuskotið í føroyskum badminton, Ad­ hya Nandi, ið fylti 15 ár tveir dag­ar seinni, vann sín dyst í ein­mansleiki. Tað gjørdi Bartal Poul­sen eisini, áðrenn hann saman við Niclasi Eysturoy av­gjørdi dystin í teprum tví­ mansleiki. Síðani var farið undir ein­ stak­lingakappingarnar, og her lá serliga væl fyri. Bar­tal Poul­ sen spældi seg í hálv­finaluna hjá monnum, meðan bæði Gunnva Jacobsen og Rannvá Djur­huus Carlsson komu í hálv­finaluna hjá kvinnum. Gunnva Jacobsen hevði vunn­ ið sera flottan dyst dagin framman­dundan, men undan hálv­finaluni gjørdist hon sjúk, og fekk ikki spælt. Í hinum báð­um dystunum taptu Bartal Poul­sen og Rannvá Djurhuus Carlsson bæði sínar dystir 2-0, so tað gjørdist ikki til finalu, men ístaðin til trý føroysk bronsu­merki. Kappingin var skipað so, at tað var ikki spælt bronsu­dystur, og báðir tapandi hálv­finalistarnir fingu bronsu í staðin. Enn eitt føroyskt bronsu­ merki kom seinni um dagin, tá ið Rannvá Djurhuus Carlsson og Niclas Eysturoy eisini spældu seg í hálvfinaluna, har tað ikki eydnaðist at basa Guern­sey, hóast tættan dyst. Yvirhøvur fegnaðust flest allir føroyingarnir um tey fimm bronsu­merkini, og føroysku leikar­ar­nir vóru eisini fúsir at takka fyri stuðulin. Allar dagarnar var ein framúr hýrur í bad­mintonhøllini, og føroysku fjepp­ar­arnir fingu eisini viður­ kenn­ing frá dómarunum, ið valdu at heiðra festliga før­ oyska heppikórinum fyri væl sýndan ítrottarligan atburð. OYGGJALEIKIR Badminton: Tær tvær bronsurnar á Gotlandi fyri tveimum árum síðani blivu til fimm á Gibraltar – Fýra vóru við fyri fyrstu ferð og bóru boð um bjarta framtíð fyri føroyskt badminton TEY UNGU VÍSTU SEG FRAM – TEY ROYNDU VUNNU BRONSUR Heiðursmerki í Badminton: Liðkapping: Bronsa Einmansleikur menn: Bronsa – Bartal Poulsen Einmansleikur kvinnur: Bronsa – Rannvá Djurhuus Carlsson Einmansleikur kvinnur: Bronsa – Gunnva Jacobsen Blandaður tvímansleikur: Bronsa – Rannvá Djurhuus Carlsson og Niclas Eysturoy