mánadagur 15. juli 2019síða 19

19 Mánadagur 6. januar 2014 · Nr. 2 Sosialurin Mánadagur 15. juli 2019 · Nr. 80 Hugskot og viðmerkingar – send sms til 225000 Sjúrður Hildarson Hoydal Vónirnar til heiðursmerki á Gibraltar vóru so sum so hjá frælsu ítrottarfólkunum. Okkurt heiðursmerki høvdu før­oy­ingarnir sett nasarnar eftir, men væntanirnar vóru ikki tær heilt stóru. 15 íðkarar vóru við á Gibralt­ ar, flestu teirra ungir og kvikir. Serliga eru spurtteinarnir í renning í hesum árum sterkari um­boðaðir enn áður, har bæði kvinnur og menn eru sterk. Fyrr hava tað kanska heldur verið langteinar, ið hava eyðkent renning í Før­ oy­um. Á miðteinunum vóru kanska bestu vónirnar, tá ið Rebekka Fuglø skuldi verja síni heiðursmerki úr gullið og bronsu frá Gotlandi á 800 og 1500 metrum. 26 ára gamla rennistjørnan úr Føroyum, var á oyggja­leik­ um fyri sættu ferð, men hevði ikki havt bestu fyrireikingina til hesar leikir. Tí var hon eisini sera fegin um síni tvey silvur­ merki á 800 og 1500 metrum. Felags fyri báðar teinarnar var at hon gjørdist sera greitt nummar tvey; Langt fram­man­ fyri nummar trý og eisini nakað aftanfyri vinnaran av Man, ið greitt vann báðar kapp­ing­ar­nar. Sum skilst ætlar Rebekka Fuglø sær at renna longri teinar, og tað dugur hon eisini. Á Gibraltar vann hon sær bronsu á 5000 metrum. Á 800 metrum hin seinasta dagin á leikunum, hevði hon ein føroying afturat sær. 17 ára gamla Maria Biskupsstøð hevði runn­ið triðskjótastu tíðina í inn­leiðandi kappingini. Hon lá eisini á triðja plássið stutt undan avgerandi metrunum, men kom í harðari kapping inn á fimta plássi. Harða kappingin um hetta plássi kravdi hvíld, ið hon ikki fekk, tí løtu seinni skuldi hon luttaka í fýra ferðir 400 metra boðrenning saman við Aldu S. Lamhauge, Margit W. Fríðmundsdóttir og Oddvør Joseph­sen. Føroyingarnir vistu lítið um mót­støðuna. Tað var ikki til at siga hvussu vónirnar fóru at vera til eitt úrslit, men í øllum førum mátti føroyska metið á fýra minuttir og fimm sekund betrast um tað skuldi gerast til heiðurs­merki var sagt. Og so varð. Alda Lamhauge legði væl fyri, Margit Fríð­ munds­dóttir helt fram og Odd­vør Josephsen kundi seta Mariu Biskopstø ígongd á einum triðja plássi. Teir 800 metr­ar­nir sótu enn í beininum á unga rennaranum og eftir 200 metrum hevði hon minni ferða á enn tær aftanfyri seg. Men brádliga fekk hon sær meira ferð á, og á seinastu 100 metrunum økti hon aftur tá ið hon rann framvið før­oyska áskoðarageiranum og tryggj­ aðu Føroyum bronsuna. Tað var ætlanin at hon skuldi leggja minni fyri á teim­ um fyrst 200 metrunum, greid­ di Maria Biskopstø frá, og var fegin um at hon kundi gera framúr arbeiði hjá teimum trim­um frammanundan liðugt. Fyrr um dagin høvdu føroy­ingar eisini vunnið eitt bronsumerki. Rigmor Napoleons­dóttir Arge og Sarah Vallin, ið frammanundan hevði vunnið bronsu á 10.000 metrum, fingu hetta í lið­kapp­ing­ini í hálvmaraton. Tað tóktist ikki sum at tað fór at eydnast at fáa heiðursmerki burtur­úr, men tá ið rennarin úr Guern­s­ey á triðja plássi fall í hitanum, so tóku føroyingarnir av og runnu seg til bronsuna. Guttorm Sørensen úr venjara­toyminum greiddi frá, at hóast tað sjálvandi ikki er tespiligt at síggja rennarar líða sum hendan úr Guernsey gjørdi, so eru treytirnar so­ leið­is, og føroyingarnir kundu fegn­ast um enn eitt bronsu­ merki. Heldur fleiri enn væntað, sambært Guttormi Sørensen, ið tekur til, at tað var ‘stong inn’ hjá føroyingunum á Gibralt­ar. Fleiri avgerandi smá­lutir fullu føroyska vegin tá ið heiðursmerkini skuldu avgerast, og heiðurs­merkja­ hálið við tveimum silvurum og seks bronsum var betri enn tey flestu høvdu vónað. Og nøkur av bronsu­merkjun­ um vóru eisini nakað óvæntaði. Fyri fyrstu ferð nakrantíð kapp­aðist føroysk kvinna í hædd­ar­lopið á oyggjaleikum. Teresa Bláhamar hevur kveikt hesa grein aftur í Føroyum, og seinastu tvey árini hevur hon flutt føroyska metið frá 1,50 metrum til 1,61 metrum. Á Gibraltar leyp hon ein metur og 56 sentimetar og fek bronsu. Eisini í kúlustoyti er ein kvin­na farin at fáa lív í greinina aftur. Lýdia Simonsen hevur før­k­að føroyska metið longur og longur, og á Gibraltar settu hon aftur føroyskt met við 11,18 metrum. Hetta rakk til enn eitt bronsu­merki fyri Føroyar. OYGGJALEIKIR Frælsur ítrottur: Frælsu íðkararnir á Gibraltar og ikki minst venjarar eru sera væl nøgdir við føroyska heiðursmerkjahálið hesaferð. Ungir íðkarar á stuttum og miðteinum og tilkomnar legendur á langteinum fingu øll okkurt at vísa á hesaferð – Og so brutu føroyingar ígjøgnum í hæddarlopið og kúlustoyti BETRI ENN VÆNTAÐ Heiðursmerki í frælsum ítrotti á Gibraltar 800 metrar kvinnur: Silvur – Rebekka Fuglø 1500 metrar kvinnur: Silvur – Rebekka Fuglø 5000 metrar kvinnur: Bronsa – Rebekka Fuglø 4x400 metrar kvinnur: Bronsa – Alda S. Lamhauge, Margit W. Fríðmundsdóttir, Oddvør Josephsen og Maria Biskopstø 10.000 metrar kvinnur: Bronsa – Sarah Vallin Hálvt maraton kvinnur: Bronsa – Sarah Vallin og Rigmor Napoleonsdóttir Arge Hæddarlop kvinnur: Bronsa – Teresa Bláhamar Kúlustoyt kvinnur: Bronsa – Lýdia Simonsen