hósdagur 18. juli 2019síða 25

FRÍGGJADAGUR 19. JULI 2019 SOSIALURIN 82 25 Komandi partur Tað er framvegis nógv at fáa og nógv er at gera fleiri hvalir so rotnir, at tá spikið var skorið av teimum, var tvøst og kroppur tveitt fyri borð. 23. december kom ein maður til skaða. Hann kom fyri eina beinsag og var sagaður í andlitið. Tað var tó ikki farligt. Arbeiðið gongur ongan veg. 24. december var arbeiðið steðgað kl. 4,30. Tá fingu vit frí til morgunin eftir kl. 8. Tíðliga um morgunin komu tveir hvalabátar "Am 1" og "Am 6" frá Cape Town. Teir høvdu nakað av posti við sær til útlendingarnar. Tveir hvalir vóru arbeiddir okkara vakt, tað var alt. Um kvøldið kl. 8 vóru vit bjóðaðir fram í messuna, har fingu fekk hvør maður eina jólagávu. Pakkarnir vóru frá einum hollendskum kvinnufelag, sum sendir út jólagávur til allar hollendskar sjómenn og útlendingar í hollendskari sjótænastu. 25. december, fyrsti jóladagur, var arbeiðið byrjað sum vanligt kl. 8. Um náttina høvdu vit mist fýra hvalir, sum høvdu hingið aftan í skipinum. Veðrið var heldur ónossligt við kavaroki, men stilli. Seinnapartin var óveður, væl av vindi og ringur sjógvur, og tað gekk illa at taka hvalirnar inn, av tí sjógvurin kom skolandi inn gjøgnum reyvina á skipinum. Tríggir mans komu til skaða í dag. Richard Nybo úr Heysti var skorin í hondina. Eitt stórt spikstykki, sum skuldi koyrast í pottin, slitnaði niður yvir tveir menn. Palle Frederiksen úr Sandavági fekk skaða í beinið og ein ungur hollendari misti vitið. Hann var tó frægari aftur um kvøldið. Ein ringur jóladagur fyri teir og ónossligur fyri okkum allar. Tá náttarvaktin hevði loyst av fóru Martin Tórgarð og stýrimaðurin, Hendriksen, at gera fast á ein hval fyri at taka hann inn. Tá kom eitt óløgið og skolaði teir báðar um koll. Teir blivu báðir stúkuvátir. Tað var ein heldur váttlig byrjan av arbeiðinum hjá teimum báðum. Arbeiðið gongur spakuliga av tí at tað er so ringt veður. Jóladøgverðin var lodnar hønur og brend suppa, ein øl og ein snaps... 26. december var fínasta veður. Kl. 10 um morgunin kom kavarok og seinnapartin var ódnarveður. Tað vóru fáir hvalir at arbeiða í dag. 27. december var gott veður. Allir bátarnir fingu hval í dag, so tað stóð á at halda dekkið klárt í dag. 28. december var gott veður. Í dag kom ein hvalur, sum var 94 føtur langur. Tað er tann størsti sum enn er komin. Ein sandingur skar seg í beinið í dag. Tað var heldur illa skorið. Sunnudagin 29. december var lítið at gera. Bátarnir fingu ongan hval. Á okkara vakt komu bara tríggir. 30. desember var arbeitt upp á at klæða veirstroppar við manilla. Kl. 3 komu fýra hvalir, og tað var okkara arbeiði fyri dagin. 31. december var arbeitt til kl. 4,30 seinnapartin. Tá fingu vit frí eins og jólaaftan. Um kvøldið sóu vit ljósbíløt í messuni. Har var óføra stuttligt. Nú koma vit til 1947 1. januar varð arbeitt allan dagin bæði í døgurða- og kaffitíðini. Veðrið var av tí besta. 2. januar var nógv av arbeiði á dekkinum. Í dag fóru vit um teir fyrstu 100 hvalirnar. "Am 1" hevur fingið 8 hvalir, "Am 2" - 25 hvalir, "Am 3" - 26 hvalir, "Am 4" - 27 hvalir, "Am 5" - 14 hvalir, "Am 6" - 3 hvalir, tilsamans 103 hvalir. 3. januar var ónossligt at arbeiða á dekkinum. Tað var bæði vindur og kavarok og hartil kalt. 4. januar var nógv at gera á dekkinum. Um náttina var ein lemmari, t.v.s. ein sum limaði hvalirnar sundur, skorin í hondina. Tað var stórur skurður. Í dag skuldu vágamaðurin Palli Frederiksen leggjast inn á hospitalið umborð. Fótablaðið var knúst av spikstykkinum, hann fekk oman yvir seg. Tá teir skuldu skera eitt kjaftbein úr í dag, slitnaði krókurin úr veirinum, og beinið datt niður aftur. Tveir menn lógu undir, men hvørgin fekk skaða. Í dag var heilt gott veður. 5. januar var arbeitt sum vanligt á dekkinum. Veðrið var av tí besta. Timburmaður, Poul Hansen úr Tórshavn, datt oman í dag, soleiðis at knæið fór úr lið. Ein ringur sunnudagur fyri hann. 6. januar var einki gjørt fyrrapartin á afturdekkinum uttan at reinsa og spula tað. Seinnapartin var nógv av arbeiði. Veðrið er tað allar besta. 7. januar gekk arbeiðið sum vanligt. Tó var fleiri ferðir støðgir í vegna tess, at veirar og spøl gingu fyri. Veðrið er heilt gott. 8. januar var lítið gjørt á dekkinum av tí orsøk, at veirar slitnaðu. og spøl brotnaðu. Veðrið er støðugt av tí besta. Ein afrikanari, sum er flensari, datt í dag og fekk skaða í armin. 9. januar var gott veður fyrrapartin, men seinnapartin bleiv bæði vindur og kavarok. Ein vágamaður, Herlon Jacobsen, datt í dag og fekk skaða í knæið. Tórolvur bleiv ringur í hálsinum og mátti fara í koyggjuna. "Am. 7" og "Am. 8" komu í dag kl. 4 frá Cape Town. Tá teir komu - "Am. 7" sleipaði "Am. 8" - slitnaðu tveir hvalir frá skipinum. "Am. 8" slepti "Am. 7" og fór eftir hvalunum. Hvørgin báturin var komin til skipið aftur, tá ið vaktarskiftið var kl. 8. 10. januar kl. 8 um morgunin kom "Am. 7" á borðið at fáa sær útgerð umborð. Vit vóru lidnir við hann kl. 4 um dagin. Tá kom "Am. 8" at borði at fáa sær sína útgerð, hann var ikki liðugur okkara vakt. "Am. 7" fór frá, og vit tóku tann hvalin, hann hevði, uppá dekkið og flensaðu hann. Tað var tann einasti hvalurin, sum var arbeiddur á afturdekkinum okkara vakt í dag. 11. januar var reint dekk, tá vit komu upp um morgunin. Kl. 11 kom "Am. 4" við einum bláhvali. Tað var tann einasti hvalurin, sum var arbeiddur okkara vakt. Annars var arbeitt uppá at beklæða veirar og annað í dag. Í dag høvdu vit ein tíma til døgurða, og vit fingu frí kl. 7½. Sunnudagin 12. januar fingu vit frí allan dagin. Dagin fyri var byrjað at sigla longur inn í ísin. Tað var siglt allan dag. 13. januar var siglt allan dagin. Einki var at gera. Veðrið var av tí besta. Vit sóu nógvan ís í dag, ongan í gjár. 14. januar var veðrið av tí allarbesta. Kl. 7 um morgunin kom "Am. 7" og "Am. 8" við hvør sínum fýra spermasethvalum og tóku hvør sín til fríholt, meðan teir tóku sær línurnar og aðra útgerð umborð. Tríggir aðrir hvalir komu í dag. Teir vóru allir tiknir inn á dekkið, og so var farið aftur at sigla longur inn í ísin. Teir rokast á dekkinum. Her síggjast Palli Frederiksen, Miðvágur, og Richard Nybo, Hestur Ísfjøll vóru eisini á leiðini Hvørjir munnu hesir vera? Tann sum veit kann ringja til tlf. 285769 ella senda teldupost: olijacobsen@olivant.fo