mánadagur 22. juli 2019síða 20

Mánadagur 22. juli 2019 · Nr. 83 20 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Gundadalur Tað er at kalla púra kvirt í B36-húsinum. Stóri pinnur er ikki komin runt tíggjar ferðir, tá vónin um víðari luttøku í Evropa er sløkt. Gestirnir úr Belfast, sum vunnu fyrra dyst­ in 2-0, koma á odda við óblein­ leiðis frísparki úr bara fimm metrum. Andrias H. Eriksen er óans­ in og kemur undir trýst, tá hann skal trilla bóltin aftur til Hans Jørgensen í málinum. Aftur­leggingin liggur illa og hevur kós móti málinum. Hans Jørgen­sen tveitur seg niður og má brúka hondina. Tað gevur eitt óbeinleiðis fríspark, sum Jordan Forsythe smekkar í net­ takið. 1-0 til gestirnar og nú skal B36 fram at skjóta fýra mál! - Hetta er ein katastrofa, ella tað er hvørt fall ikki gott nokk. Eg haldi at vit gera eina roynd í dag. Til tíðir riggar tað, men tá tú gevur teimum eina slíka gávu tíðliga í dystinum verður tor­ført, sigur Jákup á Borg, venjari hjá B36. Fleiri broytingar Heimaliðið er uttan Alex Mellem­gaard, Benjamin Heine­ sen og Michal Przybylski, sum byrjaðu í Norðurírlandi, og Brian Jakobsen, sum kom inn í tí dystinum. Inn koma Bjarni Peter­sen, Stefan Radosavljevic og Hugin Samuelsen. Stefan Radosavljevic spælir sín fyrsta dyst fyri B36 frá byrjan, Bjarni Petersen kemur inn í miðverjuna, meðan Erling Dávids­son verður fluttur út á vinstra bakk. Hugin Samuelsen byrjar á vinstra vongi, har Jákup á Borg, venjari hjá B36, hevur eina ætlan um at hann skal vinna luftdystirnar, tá B36 spæl­ir upp. Fyrsta málið hjá Crusaders FC tykist skelka B36. Spælir gongur seint og er uttan hug­ flog. Hugin Samuelsen hevur tað trupult á vinstra vongi, meðan Lukasz Cieslewicz hev­ ur torført við at hótta verjuna hjá gestunum. Tá 28 minuttir eru farnir kemur mønustingurin. Paul Heatly rekur í vinstru síðu og roynir seg við skoti. Bólturin fer millum beinini á einum verju­spælara og endar júst røttu megin stongina. Í yvir ein hálvan tíma er B36 við undirlutan og kemur ikki til meiri enn tí einu royndina á mál. B36 vaknar Í leypi av fyrra hálvleiki broytir B36 ætlan. At byrja við ætlar B36 at spegla spælistílin hjá Crusaders og spæla beinleiðis og kropsliga fótbólt. Tá riggar betri, tá Magnus H. Jacobsen, Stefan Radosavljevic og Lukasz Ciesle­wicz fáa fatur á bóltinum. -Vit ætlaðu at byrja við at spæla ein sindur kropsligt og spæla við longum bóltum fram til Hugin. Tað riggaði ikki, men so sóu vit, at tá Stefan, Lukasz og Magnus fóru at spæla bólt, runnu hinir aftaná. Tað riggaði væl, sigur Jákup á Borg og legg­ur afturat: -Vit spæla væl í pørtum av fyrra hálvleiki, men koma til ov fáar kjansir. Í seinna hálvleiki koma vit til størri kjansir. Vit skora ikki upp á teir, meðan hin­ir eru kyniskir og skora, sig­ur Jákup á Borg. Eisini skifta Árni Frederiks­ berg og Hugin Samuelsen síðu. Við sínum vinstra beini sleppur Árni til fleiri innlegg í vinstru. Tað gevur avkast stutt seinni. Tíggu minuttir fyri hálvleik leggur hann innfyri, eftir skjótt og væl spælt álop. Málverjin kem­ur út og fær hondina á, men bólturin endar við at raka Hug­in Samuelsen, ið minkar um munin. Seinni hálvleikur er seks minutt­ir gamal, tá Stefan Rado­ sav­ljevic verður spældur leysur í vinstru. Komin á baklinjuna hygg­ur hann upp og spælir Lukasz Cieslewicz, ið javnar til 2-2. Nú manglar B36 trý mál fyri at koma víðari. -Um vit fingu eitt mál afturat, so hevði verið áhuga­ vert at sæð reaktiónina hjá teim­um. Eg visti væl, at tað fór at verða torført, men tað var stuttligt at vit fingu stuðul frá áskoðarunum og eina løtu kemur ferð á spælið og vit spæla við yvirskoti og sjálvs­ álitið. Júst soleiðis, sum eg vil hava tað, sigur Jákup á Borg. Crusaders punkterar góða lagið Tað stendur við í eitt stórt korter. B36 hevur bóltin og hótt­ir norðurírska málið, sum er nærmast B36-húsinum í sein­na hálvleiki. Í fleiri før­um er Lukasz Cieslewicz á bóltinum frammfyri B36-húsinum og tað dámar áskoðarunum. Men við eitt er alt við tað sama. Paul Heatly, vinstri vong­ urin hjá Crusaders FC, stingur av, meðan meginparturin av lið­num hjá B36 hevur verið í álopi. Hann blívur leysur og skorar til 3-2, sum eisini verður úrslitið. Innskiftu Michal Przybylski og Hannes Agnarsson fáa eisin lív í dystin seinastu løtuna og skapa ein gyltan møguleikan, men skotið fer uppum. -Tað var so jaligt og festiligt í f jør. Hetta er ikki tilsvarandi skuff­andi, men tað er líka við. Eitt er at vit ikki koma víðari og sleppa at spæla handan stuttliga dystin í Onglandi, men vit tosaðu eisini í hálvleikinum um at bidraga til føroyskan fót­bólt í Evropa, sigur Jákup á Borg. Tað verður nú Crusaders, sum skal møta enska felagnum Wolverhampton, sum á fyrsta sinni luttekur í Evropa. B36 fær 1,8 milliónir krónur fyri luttøkuna í Evropa í ár. Góða summarið í fjør gav áleið seks milliónir krónur. trondur@sosialurin.fo Fótbóltur Dysturin hesa vikuna... Europa League: JÁKUP Á BORG UM DYSTIN: -Tað er tíðliga, at vit mugu tuna okkum inn til at vit ikki koma víðari, men vit vilja gjarna hava eitt stig ella ein sigur í hesum dystinum. Eg føli ikki, at teir eru so góðir at vit ikki kunnu stjæla ein sigur. Teir eru kropsliga sterkir, men tá vit fóru at spæla bólt høvdu teir trupult við at fylgja við okkum. Ein brølari longu aftaná tveir minuttir sendi B36 í gólvið. Heldur ikki eydnaðist at vinna føroyskum fótbólti eitt stig, eftir at hava skorað tvær ferðir – og tað er venjarin hjá B36 keddur um BRØLARI KOSTAÐI DÝRT – B36 ER ÚTI