mánadagur 22. juli 2019síða 23

23 Mánadagur 6. januar 2014 · Nr. 2 Sosialurin Mánadagur 22. juli 2019 · Nr. 83 Hugskot og viðmerkingar – send sms til 225000 KLUMMAN Tróndur sigur sína hugsan... Tað er hugtungt at síggja føroysk lið gera grov mistøk á evropesiska pallinum. Bæði HB og B36 hava verið í gávuhýri í summar og givið mál vekk. NSÍ tykist ikki hava tikið av møguleikanum móti Ballymena United úr Norðurírlandi. Ballymena bleiv so húðflogt av Malmø í umfarinum eftir, at ein situr við kensluni, at NSÍ skuldi havt gjørt tað betri. KÍ er í løtuni flaggskipið fyri føroysk lið í Evropa, eftir at hava vunnið á bæði Tre Fiori og FK Riteriai. Sermerkt fyri KÍ er, at liðið ikki er somu mistøkini. Tað vil altíð verða eitt kjak um spælistíl og inngangsvinkul til fótbólt – millum annað nógvu útlendingarnar – men í løtuni tykist KÍ okkara sterkasta vón í Evropa. Í fjør var tað B36, sum var flaggskipið, so tað skiftir millum feløgini. Tíverri eru vit nú komin í ta støðu, at vit missa fjórða Evropa- plássið frá 2021. Tað kemur at hava stóra ávirkan á føroyskan toppfótbólt. Orsøkin er, at føroyskur fótbóltur er yvirhálaður av Gibraltar og Kosovo. Tað hevur seinni árini verið ein fragd, at síggja føroysku liðini taka Evropa-fótbóltin í álvara. Tað hevur eisini gjørt, at vit enn eru kappingarfør um hetta fjórða plássið, sum vit fáa orsaka av góðu úrslitunum í Evropa. Men vit mugu eisini ásanna at føroyskur fótbóltur er komin til eitt vegamót. Vit verða yvirhálaði av øðrum tjóðum. Vit plagdu at verða besta av pinkutjóðunum, men í løtuni tykjast vit ikki menna okkum eins skjótt sum avbjóðarnir – eitt nú av Gibraltar. Vit síggja føroysk lið gera mistøk, sum ikki hoyra heima í Evropa. Hetta er als ikki fyri at lasta einstøku persónarnar, men um vit í felag skulu gera betri spælarar, so er eisini neyðugt at venjingin, menningin og ikki minst dystirnir í føroysku kappingini eru kappingarførir. Men tað letur upp fyri einum heilt øðrum kjaki – tí vit hava eisini eina avbjóðing í breiddini. Jú, tað er nógv at hugsa um í føroyskum fótbólti í løtuni! sjurdur@sosialurin.fo Tróndur Arge Sambært grein á heimasíðuni hjá UEFA, so ber nú til at rokna út hvussu nógvar pengar tey før­ oysku feløgini fáa frá evro­pesisku fótbóltssamgonguni, fyri lut­ tøkuna í Evropa í summar. HB og KÍ standa til at fáa nógv flest pengar, umframt at tey kunnu leggja afturat skuldu tey komið víðari enn eitt umfar. HB fær áleið seks milliónir krónur fyri at blíva meistari, og síðani spæla í 2. umfari í Europa League. HB spælir móti Lin­field í 2. umfari í Europa League og kann við samlaðum sigri vinna sær tvær milliónir krónur afturat. KÍ hevur vunnið seg víðari úr undan­umfarinum til 2. umfar í Europa League. Tað gevur saman­ lagt 5,4 milliónir krónur sambært tølunum hjá UEFA. KÍ spælir móti FC Luzern úr Sveis í 2. umfari í Europa League. Kemur KÍ víðari bíða eisini tvær milliónir krónur eisini í vinningi. B36 fekk væl av pengum í fjør, tá liðið vann seg víðari til 2. umfar í Europa League. Hesa ferð gekk min­ni væl og liðið fær “bara” pengar fyri 1. umfar í Europa League. Tað gevur 1,8 milliónir krónur. NSÍ fær 1,6 milliónir krónur, fyri at spæla í undanumfarinum til Europa League. Her tapti NSÍ fyri Bally­ mena United úr Norður­írlandi. Higartil eru komnar áleið 15 millión­ir krónur fyri luttøku í UEFA-kappingum í 2019. HB í viðgongd undan Linfield HB skal í morgin klokkan 16.45 spæla móti meistarunum úr Norður­íslandi, Linfield FC. Úr leguni hjá HB verður sagt, at allir mans uttan Andreas Breimyr eru tøkir. Norski miðvallarin er lang­ tíðar­skaddur. Bartal Wardum, Adrian Justinus­ sen, Ari M. Olsen og René Shaki Joensen sótu allir uttanfyri í seinna dystinum móti HJK Helsinki. Nú ljóð­ar, at allir kunnu spæla. Bartal War­dum er í kapping við Hørð Ask­ham um eitt pláss í miðverjuni, meðan Adrian Justinussen og Ari M. Olsen helst avloysa Pætur Peter­sen og Sebastian Pingel. Líkt kundi eisini verið til, at Brynjar Hlöðvers­son byrjar á miðjuni fyri Daniel Johnsen. Íslendski mið­vall­ arin er kropsliga sterkur og tað pass­ar helst væl til norðurírsku mót­støðuna. Júst fyri prentstart er greitt, at kemur HB víðari til 3. um­far í Europa League, so skal havnar­ menn møta antin Sutjeska úr Montenegro ella APOEL av Kýpros. trondur@sosialurin.fo 15 MILLIÓNIR FRÁ UEFA: HB OG KÍ FÁA FLESTAR PENGAR Føroyskur fótbóltur er yvirhálaður HB fær áleið seks milliónir krónur, meðan KÍ fær 5,4 milliónir krónur. Bæði kunnu vinna sær enn fleiri pengar, um tey koma víðari til 3. umfar í Europa League