týsdagur 23. juli 2019síða 12

juli 12 Ólavsøkan 2019 Dagfinn Olsen - Myndir: Álvur Haraldsen/privat Flest øll hava eina mynd av ólav­ søkuni, og hjá mongum eru kendu reið­fólkini helst ein ímynd av ólav­ søkuni og ólavsøkusetanini. Ein teirra, sum á hestbaki hevur verið við til skrúðgongu og setan av ólav­søkuni í mong ár, er Brandur í Dali, formaður Ríðisambandi Føroya, og fyrrverandi formaður í Føroya Ríð­ingarfelag. Brandur í Dali hevur í eini 30 ár verið á hestbaki á ólavsøku. - Omma og abbi mín áttu ross, og sum 10 ára gamal fekk eg sjálvur eitt ross, so eg havi so at siga altíð havt við ross at gera. Gamaní kom ein lítil steðg­ur í, tá eg var tannáringur, men eg byrjaði aftur tá eg var um 20 ára aldur, og havi verið við á ólavsøku nær­um á hvørjum ári síðani, greiður Brand­ur í Dali frá. Reiðfólk byrjaðu skrúðgonguna - Tað vóru reiðfólk, ið byrjaðu við skrúð­gonguni til ólavsøkusetanina. Tað var í 1942, og beinanvegin var tað við hvítari skjúrtu og slipsi. Vit reið­fólk hava eina kenslu av, at hetta er nakað, ið skal haldast í hevd. Í seksti- og sjeytiárunum komu onnur ítrótta­fólk uppí gonguna, greiðir Brand­ur í Dali frá. - Í samband við ólavsøkuna hevur prát hevur verið um at fáa rossini burt­ur, men vit kenna tað soleiðis, at onn­ur eru komin uppí eina gongu, sum vit byrjaðu av fyrstantíð, sigur Brandur í Dali. Serstøk kensla - Fyri meg byrjar ólavsøkan, tá vit byrja gonguna uppi við kom­munu­ skúlan, nú Finsen, og tað er ein serstøk kensla at uppliva gonguna, setanina og ólavsøkuna av hestbaki. Eg havi verið nógv við í nevndararbeiði, og havi tí verið frammaliga í gonguni. Fólk flyta seg og virða rossini, men bert væl vand ross eru við í gonguni, og trupulleikar hava ongantíð verið. Nú er krav, at reiðfólk hava hjálm, og tað er eisini í lagi, tí á tann hátt eru reiðfólkini eisini góðar fyrimyndir, metir Brandur í Dali. - Eg fái ikki altíð so nógv við av røðu­ni, tá ólavsøkan verður sett. Ofta má eg lurta eftir røðuni seinni, tí undir setanini havi eg úr at gera við at halda rossinum, sigur Brandur í Dali. Brandur í Dali metir, at ávísur munur er á ólavsøku og ymsu festi­ val­unum. - Ólavsøkan er familju- og mentanarhátíð, í mun til festi­val­ar­ nar, sigur Brandur í Dali, og leggur aftur­at, at kanska broytist henda kenslan eisini, so hvørt ein eldist. Kappríðing á ólavsøku í nærum 100 ár Eftir setanina við skrúðgongu, er tíð­ in tó ikki komin at seta rossini inn. - Seinni á degnum, eftir setanina, er kappríðingin á skránni, og tá hon er av, kann mín ólavsøka veruliga byrja. Men tað hendir seg, at ein tá er ov móður til at halda ólavsøku, sig­ur Brandur í Dali. ÓLAVSØKA Á HESTBAKI Ólavsøkan er familju- og mentanarhátíð, metir eitt av reiðfólkunum, ið er í fremstu røð, tá skrúðgonga er á ólavsøku. Brandur í Dali hevur í eini 30 ár verið á hestbaki á Ólavsøku, og minnir á, tá fólk tosa um at fáa rossini burtur tá ólavsøka er, at reiðfólk byrjaðu ólavsøkuskrúðgonguna og at seinni eru onnur komin uppí