hósdagur 25. juli 2019síða 18

FRÍGGJADAGUR 26. JULI 2019 SOSIALURIN 85 18 PÆTUR HJALMAR EVENSSON 14. juli fóru fimm ungar kvinnur úr Føroyum til eysturevropeiska landið, Moldova, fyri at gera hjálpararbeiði fyri fátækar barna­familjur. Ferðin var partur av árligu toymisferðunum “TiM” (Tannáringar í Missión), sum trú­boðarafelgsskapurin OM Før­oyar skipar fyri. Við á ferðini til Moldova vóru Kristina Foldbo úr Leirvík, Tor­ bjørg Gregersen og Ritva Bárðar­ dóttir úr Gøtu, Annika Williams­ dóttir úr Kollafirði og Mona Østerø av Velbastað. Tær koma aftur til Føroya í dag 26. juli, og tær hava sjálvar rindað fyri egna ferð og uppihald. - Eg brenni fyri hesum Leiðarin á ársins ferð var 22 ára gamla leirvíkingurin, Kristina Fold­bo, sum nú hevur verið í Mol­dova og gjørt hjálparaarbeiði fimm ferðir. - Mær hevur altíð dámt væl at ferðast og at uppliva ymiskar mentanir. Mær dámar sera væl leg­ur og túrar, har eg komi at kenna nógv nýggj fólk úr øðrum lond­um. Tað er spennandi at upp­liva eina nýggja mentan og læra eitt nýtt mál, sigur Kristina Fold­bo. Men høvuðsendamálið við ferð­unum, sum OM Føroyar skip­ar fyri, er kritsiligi boð­skap­ ur­in og at røkka út til menniskju, sum kanska enn ikki hava hoyrt boð­skapin. - Eg vildi gjarna sleppa við í ár sum leiðari, tí eg brenni fyri missiónsarbeiði og ynski, at onnur ung í Føroyum fáa eyguni upp fyri, hvør tørvurin í heimi­ num er at hoyra um Jesus, sigur Kristina Foldbo. Langomman tók stokkarnar fram Áðrenn tær fimm fóru avstað, pakk­aðu tær nógv bundin klæði niður, sum tær vildu geva fólki í Moldova. Hugskotið at taka bundin klæði við fekk Kristina eitt annað ár, tá hon fór til Mol­ dova. Hon spurdi sína nú 87 ára gomlu langommu, um hon ikki hevði onkur ullint klæði, hon kundi kundi taka við. - Áðrenn hálvtalað var orð, hevði hon bundi mær ymiskt at taka við. Men eisini hevði hon tos­að við systir sína í Havn og tvær systrar av Sandi og sagt frá um bundnu klæðini. Hesar eru allar eisini líka óførar at binda, og áðrenn eg visti av, hevði eg fult kuffert av bundnum klæðum, greiðir Kristina Foldbo frá. Og soleiðis var eisini í ár. - Hesar systrarnar hava allar aft­ur hesaferð bundið uppí eitt fult kuffert av troyggjum, hos­ um, húgvum og øðrum til børn­ ini í Moldova. Hetta hava tær gjørt við gleði, og eg eri eisini glað um at bera børnunum hesi heima­bundnu klæðini. Onkur av hinum luttakarunum hevði eisini bundin klæði við. Takksemi og gleðin var rørandi Ungu føroysku kvinnurnar hava seinastu tvær dagarnar bítt nógv av klæðunum út til fá­tækar familjur út í bygdunum. - Tað var hugvekjandi at síggja takksemið og gleðina um hetta, sum vit síggja sum eina sjálv­fylgju, men kann hava sera stóran týdning fyri heilsu og lívs­góðsku ein kaldan vetur, sigur Kristina Foldbo og vísir á týdn­ingin av góðum klæðum har. - Um veturin kann gerast sera kalt, og í flestu førum eru hús­ini ikki útgjørd til kuldan. Vit kun­ nu hugsa, hvussu kalt tað er at sova í einum illa bjálvaðum hús­ um uttan hitaskipan, tá ið tað eru minus 10 stig úti. Tá koma ullint klæði sera væl við. At geva og fáa bundnu klæð­ ini var mikið rørandi fyri báðar partar. - Í fleiri førum hava tey ver­ ið ordiliga rørd, tá vit hava giv­ ið teimum klæðini. Ein dag­in sóu vit ein lítlan drong í einari troyggju, vit høvdu givið hon­ um dagin áðrenn. Hetta var sera rørandi fyri okkum, sigur Kristina Foldbo. Alt byrjaði á TeenStreet Unga leirvíkskvinnan hoyrdi um trúboðarafelagsskapin OM Før­oyar í 2012, tá hon fyrstu ferð fór á altjóðu kristnu tann­ár­inga­ leguna, TeenStreet. - Hetta var ein sera spennandi og gevandi lega. Tá hon var liðug, setti eg mær beinanvegin fyri, at eg skuldi aftur árið eftir, fortelur Kritina Foldbo. Og málið rakk hon, tí í 2013 fór hon aftur á TeenStreet. - Tá eg ein dagin sat og hugdi á Facebook, kom eg fram á eitt upp­slag hjá OM um, at tey manglaðu tannáringar at melda seg til "TiM Moldova". Uttan at vita nakað um landið og túrin, var eg beinanvegin avgjørd, at eg vildi luttaka. Ein lívsbroytandi túrur Sama árið fór Kristina til Mol­ dova við hinum tann­ár­ing­unum í TiM. - Tað var ein lívsbroytandi túr­ur, sigur hon og greiðir víðari frá: - Vit hjálptu til á eini barnalegu við yvir 200 børnum og vitjaðu fleiri fátækar familjur. Tað var syrgi­ligt at síggja, at fleiri einans høvdu moldgólv í húsunum. Nógv børn gingu uttan skógvar, og fleiri børn búðu hjá ommum ella púra einsamøll, tí foreldrini arbeiddu uttanlands. - Kenni meg heima í Moldova Eftir TiM túrin í 2013, var Kris­ tina Foldbo sannførd um, at hon vildi avstað aftur árið eftir. - Mítt hjarta lá eftir í Moldova, og tað hevur tað gjørt síðani. Hvørja ferð eg komi til Moldova, kenni eg meg heima, sigur Kristina Foldbo. - Í 2014 komu vit til somu bygd­ina, sum vit vóru í árið fyri, og nógv av børnunum kendu meg aftur. Hetta var ein góð uppliving, og aftur ein fan­ tastiska gevandi túrur. Í 2017 fór eg aftur til “Love Moldova”, sum er nøkunlunda tað sama sum TiM. Munurin er tó, at aldurs­ markið er 18 ár, og at tað tá eru fólk úr ymiskum londum, greiðir Kristina frá. Í fjør var hon til eitt missións- og lærusveinaprogramm í 5 mán­aðir, har luttakararnir skiftu ímillum at vera í Moldova og Rumenia. Og í ár var hon so við sum leiðari fyri fyrstu ferð. Ungir trúboðarar: - Tað var hugvekjandi at síggja takksemið og gleðina um nakað, sum vit í Føroyum síggja sum eina sjálvfylgju, sigur 22 ára gamla Kristina Foldbo, sum júst er afturkomin frá einari missiónsferð í Moldova saman við fýra øðrum ungum kvinnum Felagsmynd av teimum fimm ungu føroysku kvinnunum, ið hava verið í Moldova og gjørt hjálpararbeiði. Kristina Foldbo er uttast til høgru TIL MOLDOVA VIÐ BUNDNUM KLÆÐUM TIL BØRN