mikudagur 31. juli 2019síða 8

Mikudagur 31. juli 2019 · Nr. 86 8 Sosialurin Hugskot og viðmerkingar – send sms til 225000 TAÐ ER RÚMLIGARI AT BÚGVA Í FØROYUM OG VIRÐINI ERU BETUR BÝTT Tað staðfesti Aksel V. Johannesen, løg­ maður og sam­ gongu­leiðari, tá ið hann seinnapartin ólavsøkudag helt sína seinastu ólavsøkurøðu í hesum valskeiðnum. Árni Gregersen Sambært stýrisskipanarlógini, so skal løgmaður ó ólavsøku greiða tinginum frá støðuni í landinum og boða frá, hvørjar ætlanir samgongan hevur fyri komandi árið. Av tí, at løgtingsval verður 31. august, so bar tað sjálvandi ikki løgmanni til at siga ting­in­ um, hvat ein samgonga ætlar sær at gera komandi árið, tí enn kennir ongin, hvussu tingið verður sett saman eftir eitt val og hvør samgongan verð­ur. Tí brúkti løgmaður so at siga alla røðuna til at taka sam­an um tað, sum er hent hetta seinsta fýra ára skeiðið, meðan Javnaðarflokkurin, tjóð­veldi og Framsókn hava rátt fyri borgum. Væl nøgdur Grundleggjandi var sam­gongu­ leið­arin væl nøgdur við tað, sum er komið burturúr, hóast hann eisini vísti á, at fleiri mál eru eftir at loysa. Løgmaður segði, at tá ið seinasta løgtingsvalæ var fyri fýra árum síðani, tá var tað greitt, at føroysku veljararnir vildu hava, at ein nýggj kós var løgd. Fyrst og fremst skuldi kósin fáa valdið og virðini til fólkið aftur -Ta kósina hava vit hildið. Virðini koma nú nógv betur øllum føroyingum til góðar, heldur enn at savnast á fáum hondum.Samfelagið er vorðið meiri tíðarhóskandi, og fólka­ talið er vaksið skjótari, enn nak­ar hevði torað at droymt um, segði løgmaður. Hann fegnaðist eisini um, at hesaferð eru tað 1000 fólk fleiri, sum hava valrætt , enn tað vóru fyri fýra árum síðani.. Talið av veljarum setir met hesa ferð. Løgmaður vísir á, at tað eru fleiri orsøkir til, at fólk flyta til Føroyar heldur enn úr Føroy­ um. mIllum annað er ein or­ søk, at tað gongur væl í Føroy­ um fíggjarlig og tað er arbeiði til allar hendur. Hann legði eisini dent á, at Føroyar eru vorðnar eitt rúm­ ligari samfelag og nevndi millum annað, at hjúnabands­ lógin er broytt, so tvey av sama kyni kunnu giftast. Sjálvt um tað ikki eru so mong av sama kyni, sum verða gift í Føroyum, so er broytingin í lógini eitt signal um eitt meira opið samfelag, sum ungfólk vilja flyta heim til, helt løg­ maður. Bústaðarneyðin At fólkatalið veksur so skjótt, sum ongantíð fyrr, gevur sam­ felagnum nýggjar avbjóðingar. Eftirspurningurin eftir bú­ støð­um er størri enn nakrantíð og kanska serliga í miðstað­ arøkinum. Almennu Føroyar royna at byggja nakað og sett er út í kortið at byggja meira, men tað almenna megnar ikki hesa uppgávuna einsamalt. Privata vinnan má eisini hjálpa til. Hendan samgongsan hevur eis­ini broyt skattareglurnar, so tað betur fer at loysa seg at leiga hús út, sum fólk kanska eiga uttanfyri høvuðsstaðin Løgmaður hevur eisini í sein­astuni víst á, at okkurt má ger­ast, so ikki alt verður trunkað saman í miðstað­ar­øk­ in­um. Sum er, er torført at fáa lán at byggja nýggj hús á út­ oyggj og í smærru bygdunum, tí tað ber illa til at fáa lán frá peningastovnunum til slíka bygging. Hetta mugu vit gera nakað við, sigur løgmaður. Í røðu síni vísti løgmaður á fiskivinnunýskipanina, sum ikki virkar fult út enn, men sum er komin væl áleiðis. Hann vísti á skattalættan, sum var latin lágløntum, umframt at tað er vorðið liviligari hjá einstøkum uppihaldarum at búgva í Føroyum.