mikudagur 31. juli 2019síða 30

Mikudagur 31. juli 2019 · Nr. 86 30 Sosialurin Hugskot og viðmerkingar – send sms til 225000 Tróndur Arge Tilsamans ellivu mál vórðu skoraði í teimum fýra dystinum í 16. umfari í Betri Deildini hjá monn­um, sum blivu spældir um ólav­søkuna. Fimti dysturin í 16. umfari, sum er millum NSÍ og KÍ, er orsaka Europa League lut­tøku hjá klaksvíkingum, út­ settur til 18. september. Stóri vinnarin bleiv B36, ið vann 2-1 á Víkingi. Skála knúgvaði ÍF í evstu løtu, meðan EB/Streymur javnaði í yvirtíðini móti AB. Greiðasti vinn­arin var HB, sum vann 3-0 á TB. HB-TB 3-0 HB valdi at framskunda dystin á ólavsøku frá ólavsøkudag til 27. juli, tí liðið í annaðkvøld skal spæla móti Linfield FC í Europa League. Dysturin verður á Windsor Park í Belfast í Norður­írlandi. Heimaliðið gjørdi bara fáar broytingar í mun til fyrra dyst­ in móti Linfield, sum endaði við javnleiki 2-2. Ein av broytingunum var, at Dan í Soyla aftur var við frá byrjan. Tað var eisini kviki sandoyingurin, ið fekk hol tá 53. minuttir vóru spældir. Und­ an hesum hevði TB verið væl við í dystinum, men tað var heima­liðið, sum hevði flestu mál­møgu­leikarnar. Seinni fekk HB brotsspark, eftir at Símun Samuelsen bleiv feldur. Adrian Justinussen skoraði trygt. Móti dystarenda stútaði Bartal Wardum eisini bóltin í málið til 3-0. HB var samanlagt betri og vann uppiborið, men TB kundi havt fingið mál og gjørt dystin væl meiri spennandi, men bólt­ ur­in vildi ikki inn. Heldur ikki hesa ferð kom René Shaki Joensen á vøllin. Arbeitt verður við at fáa hann kláran til dystin móti Linfield FC í annaðkvøld. Skála-ÍF 2-1 Tað stóð nógv á seinastu løtu­ na, tá Skála trýsti fyri at vinna á ÍF. Longu aftaná eitt korter legði Pætur Dam Jacobsen heima­lið­ið á odda, eftir horna­ spark í høgru síðu. Stutt seinni javnaði Dávid Langgaard fyri gestirnar, eftir at Holgar Dur­ huus rann hálvan vøllin við bólti­num í høgru síðu. Avgerandi málið kom fimm minuttir fyri tíð, tá Ronni Møller-Iversen í aðru atløgu fekk skot á í brotsteiginum. Skála hevur við sigrinum enn eina ferð prógvað, at liðið er sterkari enn tey veikastu í deild­ini, men enn er langt upp til fimm tey stóru. Fuglfirðingar hava leitað eftir styrki í alt summar, men tað hevur ikki eydnast at leggja nakran profil afturat hópinum. AB-EB/Streymur 1-1 Tað var rokaligt eftir dystar­ enda á Argjum. EB/Streymur javn­aði í evstu løtu eftir um­ strítt brotsspark, ið varð bríksl­ að hóast bóltin ikki var nær við. Tað byrjaði annars væl hjá argjamonnum, tá Lukas Giess­ ing í sínum fyrsta dysti fyri AB skoraði upp á beinleiðis frí­ spark. Eisini her var ónøgd við døm­ingina, tí argjamenn fingu fyrst fyri­mun í støðu, men eftir at mál­verjin bjargaði fingu argja­menn fríspark. AB hevði munin í fyrra hálv­leiki og hevði størstu mál­ møgu­leikarnar í einum meira jøvn­um seinna hálvleiki. Tað byrjaði at blíva rokaligt, tá inn­ skifti Magnus Janskor fekk beinleiðis reytt kort, tá hann tveitti seg í eina alt ov vanda­ mikla takling. Við tíggju monnum megn­ aðu gestirnir at koma til nakrar vanda­miklar støður, men tað skuldi eitt umstrítt brots­ spark til, áðrenn málið kom. Bólturin skuldi sendast inn­ fyri, men fór væl uppum spælar­arnar. Inni í brots­ t e i g i ­n u m fór Rógvi E. Niel­ sen umkoll og dómarin bríks­laði fyri b r o ts­s p a r k i . Rógvi E. Niel­sen brendi í fyrstu atløgu, men setti returin í netið til 1-1. Eitt týdningarmikið stig hjá sunda­ lagsmonnum, sum halda frástøðuna niður til AB og ÍF. B36-Víkingur 2-1 Stóri vinnarin á ólavsøku bleiv B36, ið vann 2-1 á oddaliðnum Víkingi. Heimaliði var omaná í fyrra hálvleiki og kom á odda tá 42 minuttir vóru spældir. Árni Frederiksberg eigur málið, men frísparkið verður líka av­ rætt­að av Atla Gregersen. Tað er noterað sum sjálvmál á dómara­seðlinum, men tað ilt at fáa eyga á hví so skal verða? Við hetta lag, so verða tað nógv sjálv­mál! Víkingur svaraði aftur og skoraði í yvirtíðini í fyrra hálv­ leiki. Avgerandi løtan kom 12 minuttir fyri tíð, tá Alex Mellem­g­aard stútaði bóltin í mál eftir fríspark úr áleið somu støðu, sum Árni Frederiksberg skoraði upp á í fyrra hálvleiki. Sigurin merkir, at tað er tætt og spennandi í oddinum í før­oyskum fótbólti nú seinna hálva er farin í gongd. trondur@sosialurin.fo FÓTBÓLTUR Tað var spenningur í trimum av teimum fýra ólavsøkudystunum, sum vóri leygardagin og sunnudagin. Stóri vinnarin bleiv B36, ið vann á oddaliðnum Víkingi 16. umfar: B36 ER STÓRI VINNARIN