mánadagur 5. august 2019síða 13

13 Mánadagur 6. januar 2014 · Nr. 2 Sosialurin Mánadagur 5. august 2019 · Nr. 88 Hugskot og viðmerkingar – send sms til 225000 Signhild svomið World Cup í Tokyo Signhild Joensen hevur luttikið á trimum teinum í World Cup-stevnu í japanska høvuðsstaðnum, Tokyo, og í Tbilisi í Georgia hava ungar hondbóltskvinnur vunnið stórsigur Pætur Albinus FORMIL 1 Lewis Hamilton (Mercedes) nærk­ast í hvørjum sínum sætta heimsmeistaraheiti eftir at hann í gjár vann sína átt­ andi kappkoyring hetta kapp­ ingarárið. Hesaferð varð koyrt í Ungarn. Max Ver­stapp­en (Red Bull) hevði eina løtu eina stóra leiðslu, men eitt pitstop hjá Lewis Hamilton, har hann fekk skjótari dekk á bilin, gav honum møguleikan at vinna seg tann hálva minuttin inn­ aftur á Max Verstappen. Hann yvirhálaði hann tá ið trý um­ før vóru eftir og fór fyrstur um málstrikuna. Danski Kevin Magnussen (Haas) bleiv nummar 13 og fekk einki stig. Lewis Hamilton er nú 62 stig fremstur í samlaðu HM-kapp­ ingini frammanfyri Merc­edes- liðfelagan, finska Valtteri Bott­ as. Einans sjey stig aftanfyri Bottas er Max Verstappen. Næsta kappkoyring verður í Belgia 1. september. HONDBÓLTUR Føroysku U17-genturnar lut­ taka í hesum døgum í EM-und­ ankapping í Tblisi í Georgia. Føroyar eru í bólki við Serbia, Ukraina, Grikkalandi og Bulg­ aria. Fyrsti dysturin var ímóti tí helst sterkasta landinum, Ser­bia, fyrradagin. Føroyar løgdu eitt góðtikið avrik eftir seg og taptu 30-26 eftir hálv­ leiksstøðuna 13-11 til Serbia. Føroyar vóru tætt við at javna í seinna hálvleiki, men tættari enn 16-17 komu tær ikki í hes­ um dystinum, har Jana Mittún varð kosin til dagsins føroyska leik­ara. Hon var eisini topp­ skjútti. Málskjúttarnir vóru: Jana Mittún 7, Elsa Egholm 5, Rannvá Olsen 4, Brynhild Páls­ dóttir 3, Lív Bentsdóttir Zach­ ariasen 3, Natasja Hammer 2, Maria Pálsdóttir Nólsoy 1 og Frida Holm Jacobsen 1. Annar dysturin varð spæld­ur í gjár, og tá gekk betur. Før­oyar vunnu greiðan 37-20-sigur á Bulgaria eftir at hava verið á odda 18-12 í hálvleikssteðginum. Tað var serliga síðstu 10 min­uttirnar, at føroysku gent­ur­nar øktu nógv. Hendan dystin varð Elsa Egholm kosin til besta føroyska leikara í dyst­inum. Føroysku málskjúttarnir vóru: Elsa Egholm 9, Jana Mit­tún 8, Lea Mortensen Mørk 6, Lív Bentsdóttir Zachariasen 4, Maria Pálsdóttir Nólsoy 3, Sára Sigrunardóttir 3, Brynhild Páls­dóttir 1, Frida Holm Jacob­ sen 1, Rannvá Olsen 1 og Her­ vør Niclasen 1. Triði dysturin byrjaði í morgun kl.11.00 ímóti Grikkalandi. Í dag og í morgin er for­ kunnug vitjan í Føroyum, her nakrir danskir heimsmeistarar luttaka á venjingarlegu, sum Hondbóltssamband Føroya skip­ar fyri. Umframt føroyska Jóhan á Plógv Hansen, so eru landsliðsleikararnir og lið­ felag­ar hansara í BSV, Nikolaj Øris Nielsen, Nikolaj Mark­us­sen og Jesper Nøddesbo, eisini við. Venjingarlegan er fyri aldursbólkarnar U10 til U16. Mikukvøldið kl.20.00 verður vinardystur ímillum Føroyar og Bjerringbro-Silkeborg í høll­ini á Hálsi í Havn. SÚKKLING Torkil Veyhe og liðfelagarnir á danska liðnum, Riwal Rea­dyn­ ez, hava frá hósdegnum fram til í gjár luttikið í fronsku kapp­ingini, Tour Alsace. Torkil var ein av seks súkklarum á liðnum í hesi kappingini, har hann hevði sum uppgávu at vera hjálpari hjá kapteyninum á liðnum, Andreas Kron. Kron bleiv nummar átta í samlaðu kappingini, og Riwal Readynez bleiv nummar 17 av teimum 25 liðunum. Torkil Veyhe var í útbroti á fyrsta teininum, men hann og hinir í útbrotinum vórðu fangaðir av feltinum tríggj­ar kilometrar áðrenn mál­ strikuna. SVIMJING Signhild Joensen hevur sein­ astu dagarnar svomið í World Cup-stevnu í japanska høvuðs­ staðnum, Tokyo. Hon luttók í ryggsvimjing - á 50, 100 og 200 metrum. Í fyrstu kappingini, sum var í 50 metrum, svam hon tíðina 30.26. Hetta rakk til eitt 22. pláss av teimum 27 lut­ tak­arunum. Í 100 metrum svam hon tíðina 1:04.14, sum gav eitt 20. pláss av 22 luttak­ar­ um. Í 200 metrum svam hon tíðina 2:19.20. Har bleiv hon numm­ar 11 av 12 svimjarum í inn­leiðandi kappingini.