mánadagur 5. august 2019síða 23

23 Mánadagur 6. januar 2014 · Nr. 2 Sosialurin Mánadagur 5. august 2019 · Nr. 88 Hugskot og viðmerkingar – send sms til 225000 KLUMMAN Tróndur sigur sína hugsan... Tey øru brotsspørkini og sjálvmálini Tað eru tvær støður, sum eg havi fest meg við í føroyskum fótbólti seinastu vikurnar.Tann fyrra er brotssparkið, sum EB/Streymur fekk á Argjum, hin er 1-0 málið hjá B36 á ólavsøku. Døming hevur og fer altíð at verða ein kjakpunkt í fótbólti. Tað eru nakrar støður, har tú altíð kanst kjakast um tað er brot ella ikki, síðani eru tað mátin dómarin velur at leiða dystin – og so eru tað hesar hendingarnar, ið bara dómarin sær. Rúni Gaardbo hevur eins og aðrir mangan verið umtalaður vegna sínar dømingar. Hann hevur eins og øll onnur nakrar styrkir og nakar veikleikar. Eg haldi oftani at hann dømur fínt, tí spælararnir vita, at teir verða revsaðir fyri sín brot. Men á Argjum ger hann eitt, sum eg haldi skal lúkast úr døming sum heild. Tá 95 minuttir eru farnir kemur eitt frípsark innfyri. Tað er 1-0 til AB og EB/Streymur trýstur fyri at fáa mál. Innleggið er alt ov høgt og ongin er í nær námind at fáa bóltin, men Rúni Gaardbo bríkslar fyri brotssparki, sum nú er útfalsavgerandi. Sjónbandanmyndir og viðmerkingar frá umtalaðu persónunum benda á, at talan í besta føri hevur verið um ein ágrýtnan verjuspælara, ið hevur havt armarnar úti. Mín trupulleiki við støðuni er, at um dómarin velur at døma slíkt í 95. minutti, so má hann eisini døma allar hinar ferðirnar slíkar støður koma fyri - ikki bara í yvirtíðini. Eg hevði skilt tað, um tað var í stríði um bóltin, um brotið var serliga grovt, ella at dómarin hevði átalað spælararnar beint áðrenn. Men bara at velja eitt brotsspark í 95. minutti út av fleiri støðum tænir ikki fótbóltinum. Nú eri eg uppvaksin á Argjum og motiv er skjótt at skjóta mær í skógvarnar, men eg átalaði júst somu hending í 2015, tá AB fekk líknandi brotsspark yvirtíðini móti B36 í Gundadali. Tað er ríkiliga torført at vera dómari, og helst gera vit í miðlunum tað heldur ikki lættari, tá vit í heilum átala dømingar. Í hesum førinum haldi eg tó, at ongin vinnari er – serliga ikki fótbólturin. Nú er eisini komin inflatión í sjálvmálini. Árni Frederiksberg skorar púra greitt upp á fríspark móti Víkingi á ólavsøku, men Atli Gregersen fær akkurát høvdið á og órógar málverjan, so bó Málið er noterað sum sjálvmál, men eg haldi at til eina og hvørja tíð, so má ivin koma áleypandi spælaranum til góðar. Tað er Árni, sum skjýtur og rakar málið. Eg hevði skilt tað, um bólturin greitt var á veg út til málspark, men at ein verjuspælari snittar bóltin er ikki sjálvmál – tí so verður sjálvmál skjótt toppskjútti! trondur@sosialurin.fo John Petersen, landsliðsvenjarin hjá kvinnum, hevur kunngjørt hvørjar 20 skulu dystast við Wales og Hvítarusslandi. Øll fimm feløgini í bestu deildini eru umboðaði Tróndur Arge Kvinnulandsliðið hevur í dag havt tíðindafund í hølinum hjá Fótbóltssambandinum í samband við EM-undankappingardystirnar móti Wales og Hvítarusslandi. John Petersen, landsliðsvenjarin hjá kvinnum, hevur kunngjørt hvørjar 20 eru úttiknar til hópin. Talan er um fýra útisetar og 16 spælarar í heimligu kappingini. Øll liðini í Betri deildini er umboðaði. HB hevur flest spælarar við fimm. Fyrsta uppgávan er hósdagin 29. august klokkan 17 á Tórsvølli móti Wales. 3. september spæla Føroyar í Hvítarusslandi. Hini londini í bólkinum eru Norra og Norðurírland. Týsdagin 8. oktober spæla Føroyar og Norra á Tórsvølli. Føroyska liðið spælir tríggjar dystir í ár, og fimm dystir í 2020. trondur@sosialurin.fo ØLL FELØGINI Í BESTU DEILDINI UMBOÐAÐI Kvinnullandsliðið: Hópurin: Málverjar: Monika Biskopstø, AaB (Danmark) Anna S. Hansen, EBS/Skála Verjuleikarar: Marita á Fríðriksmørk, ÍF/Víkingur/B68 Annika Ragna Christiansen, ÍF/Víkingur/ B68 Lív Arge Poulsen, Sundby (Danmark) Rebekka Eschen Danielsen, Hinna IF (Norra) Rakul V Magnusen, (EBS/Skála) Katrina Akursmørk, KÍ Miðvallarar: Eyðvør Klakstein, KÍ Evy á Lakjuni, KÍ Olga Kristina Hansen, B36 Ansy Sevdal Jacobsen, EBS/Skála Ásla Johannesen, FC Nordsjælland(Danmark) Sara Samson Lamhauge, HB Julia Naomi Mortensen, HB Jónvá Hentze, HB Jacoba Langgaard, ÍF/Víkingur/B68 Áleyparar: Sarita Maria Mittfoss, B36 Heidi Sevdal, HB Rebekka Benbakoura, HB