týsdagur 6. august 2019síða 12

2 8-10/08 SUMMAR FESTIVALURIN 2019 ALTJÓÐA FESTIVALUR Í KLAKSVÍK Komandi dagarnar verður Summ­ar Festivalurin hildin fyri sekstandu ferð, og enn einaferð kann fest­ ivalurin í Klaksvík bjóða túsundtals gestum vælkomnum til tríggjar dagar við stórum altjóða bólkum og tí besta føroyska. Fyrsti Summar Festivalurin varð hildin í 2004. Festivalhugtakið var spildurnýtt í Føroyum, og Klaks­ vík kundi ikki reypa sær av stór­ um tónleikatiltøkum. Tí var tað ein vágin tanki, tá ið Summar Festi­ valurin fyrstu ferð kom á føroysku summarskránna. Men undirtøkan var góð frá byrjan, og Summar Festi­valurin er við árunum vorðin størsta tónleikatiltak í landinum. Summar Festivalurin er eisini størst­ur á tann hátt, at hann hevur landsins størsta pall við bestu útgerð­ini. Sera nógv orka verður løgd í stóra pall á Vágsbøi, tí hann skal geva føroyingum konsertir, sum teir annars bert kunnu uppliva í út­londum. Og festivalurin hevur drigið stór altjóða navn til Føroya. Nøvn, sum vit fyri 10-15 árum síð­ ani ikki kundu hugsað um at fáa til landið at spæla. Tá ið Rasmus Seebach í ár fer at spæla á Vágsbø, verður tað eitt stórt show við nógvari pallútgerð, tónleikarum, kórsangarum og annað. Ein orsøk til, at tað ber til at hava konsert við Rasmus See­ bach í Føroyum er tann tøkniligi før­leikin hjá Summar Festivalinum og samstarvspørtum. Fleiri útlendskir gestir Í ár standa fleiri útlendskir bólkar á skránni enn undanfarin ár, og talan er um fjølbroyttar bólkar. Rasmus Seebach er tann stóri poppsangarin og hittmakarin, sum bæði børn, ung og vaksin dáma. Hansara fangandi sangir raka fólk í øllum aldri, og konsertirnar við Rasmus Seebach eru framúr – ikki minst tí, at hann sjálvur dugir so serstakliga væl at upptraðka og hava samband við áhoyrararnar. Nico & Vinz eru úr Noregi og hava roynt at staðið á tóna­tind­ unum við sanginum »Am I Wrong«. Eisini teir eru kendir fyri góðar pall­ framførslur, og teir fara at fev­na áhoyrarafjøldina við eksot­isk­um popphittum. Chris Norman var í sjeyti árunum sangari í bólkinum Smokie, og síðan hann fór burtur úr, hevur hann havt yrkisleið sum solistur. Tá hann fer á pallin, kann hann tríva í stóru Smokie-hittini, sum hann sjálvur sang upprunaliga, og sangir, hann hevur útgivið sjálvur. Hetta verður ein hugnalig løta, sum ikki minst tey tilkomnu fara at njóta. Síðani filmurin Bohemian Rap­ sody kom út, hevur rockbólkurin Queen fingið nýggja stórtíð, og í ár verður tónleikurin hjá Queen fagn­ aður á Vágsbø. Tað ber ikki til at fáa Queen til Føroya í løtuni, og tí hevur Summar Festivalurin funnið ein framúr heiðursbólk í Onglandi. Killer Queen er kanska tað besta Queen showið, tú kanst uppliva, og tað verður ein stórfingin løta á Vágsbø, tá ið bretarnir fara at framføra tey stóru Queen hittini. Summar Festivalurin hevur eisini gestir úr Noregi og Svøríki. Svenska vísusongkvinnan Elona Planman ferðast mest sum uttan íhald við sínum sangum, og nú kemur hon til Føroya. Rockbólkurin Kongkamarat fer at framføra í Tjaldinum, og norski vísusangarin Ola Nordskar verður at hoyra á Torginum. Afturat hesum koma teir mongu føroysku bólkarnir og sangararnir. Føroyskir tónleikarar spæla ein týð­ andi leiklut á landsins størsta tón­ leikatiltaki. Fólkalív Summar Festivalurin er meira enn bert tónleikur. Festivalurin er eisini fólkalív, hugni og vinarlag. Hundraðtals campingvognar leita til býin, nógvir bátar finna sær trygga havn, og tjøldini gerast alt fleiri í tali í tjaldbygdini mitt á festivaløkinum. Stemningurin á Summar Festi­ val­urin er framúr góður. Fólk hugna sær, lurta eftir tónleiki, syngja við, práta og spáka sær annars runt á festivaløkinum. Í tríggjar dagar verður ljómandi tónleikur av tríggjum útipallum, og eisini í ítróttarhøllunum, har Silva­ land heldur til, verður ymiskt undir­ hald og tónleikur. Vit ynskja øllum eina góðan Summar Festival! VÆLKOMIN Á SUMMARFESTIVAL Heilsan frá Jógvani Skorheim, borgarstjóra í Klaksvíkar kommunu, til Summarfestivalin 2019 Tiltøk og átøk, sum savna býin, eru eitt virði, sum eg virðismeti ómetaliga høgt. Tí tað eru slíkar løtur, at vinnulív, kommuna, handilslív og borgarar veruliga arbeiða fyri sama endamáli, nevniliga at kunnu bjóða gestum nær og fjar vælkomnan til okkara bý, har vit gera okkum út soleiðis, at okkara gestir fáa eina serstaka uppliving. Tað er ein heilt serlig kensla, tá býurin so smátt verður fyrireikaður til Summarfestivalin. Kampingvognar, bátar, bilar, telt og hópin av gestum seta ein serligan dám á býarmyndina. Borgarar í Klaksvík prýða um sítt heim og kenslan av, at her fer okkurt stórt at henda merkist, líkamikið hvønn veg tú vendir tær. Summarfestivalurin fer í ár av bakkastokki fyri 16. ferð, og hevur Summafestivalurin avgjørt slóðað fyri, tá talan er um at savna fólk í Klaksvík, ja úr øllum landinum. Hóast tað onkur ár hevur verið baldrut, so hava fyriskipararnir havt dirvi til áhaldandi at menna Summarfestivalin. Slíkt áræði eiga vit sum festivalgestir at virðismeta og ikki minst fegnast um. Søgan hevur víst, at um vøran er góð, so er kundin glaður, og vit kunnu bara ásanna, at vøran er so mikið góð, at fólk í túsundatali velja at vitja festivalin, sum hjá nógvum er vorðin eitt av størstu og bestu hæddarpunktunum um summarið í Føroyum. Árið í ár er onki undantak, tí skráin til ársins festival er á tremur við spennandi tónleiki úr millum annað Onglandi, Danmark og Noregi. Saman við øllum teimum fantastisku tónleikanøvninum úr Føroyum, ja, so vitnar Summarfestivalurin enn einaferð, at fjølbroytni er ómetaliga stórt, og at Summarfestivalurin er tónleikatiltakið, har hittini og fólkini hittast. Góðu fyriskiparar og góðu vit øll, sum tilsamans skapa Summarfestivalin hvørt einasta ár: Hjartaliga til lukku við teimum 16 árunum! Hetta fantastiska tiltakið flýgur framvegis høgt, og lat okkum øll í felag síggja til, at so kann vera í nógv ár afturat. Hjartaliga vælkomin til Klaksvíkar, øll somul –  og góðan Summarfestival! Jógvan Skorheim, borgarstjóri í Klaksvíkar kommunu Summarfestivalblað 2019 Útgevari: Sosialurin – serblað í sambandi við Summar Festivalin 2019 Prent: Prentmiðstøðin – borið í hvørt hús í Føroyum Myndir: Álvur Haraldsen, Jens Kristian Vang, Anton Højgaard og fleiri