hósdagur 9. desember 2004síða 19

Nr. 236 - 9. desember 2004 19 Arsenal gjørdi bart Arsenal lat ongan iva verða um, at liðið ætlaði sær víðari í Champions League kappingini, tá ið liðið í týskvøldið spældi seinasta dystin í bólka- spælinum móti norska Rosenborg. Kravið til Arsenal var ein sigur, um teir skuldu verða vísir í at koma víðari. Enska meistara- liðið gjørdi eisini bart, og teir vunnu dystin 5-1, eftir at hava verið á odda 4-1 í hálvleikssteðginum. Enska oddaliðið Chelsea noyddist týskvøldið at lúta 2-1 fyri Champions League vinnarunum úr Porto, sum jú er gamla felagið hjá Chelsea venj- aranum Jose Mourinho. Harvið fekk Porto í evstu løtu tryggjað sær víðari luttøku í kappingini. Komandi vikuskifti hitt- ast hesi bæði, sum liggja á ávíkavist fremsta og næst- fremsta plássinum í Premier League í innan- hýsis dysti í ensku kapp- ingini. tn Føroyski landsliðs- framherjin Andrew av Fløtum liggur í løtuni í samráðingum við Fremad Amager um at leingja sáttmálan sínamillum. SÁTTMÁLASAMRÁÐI NGAR Terji Nielsen terji@sosialurin.fo Fyri góðari viku síðani gekk sáttmálin hjá Andrew av Fløtum við Fremad Am- ager út, og enn er ikki greitt, um framherjin held- ur fram í danska felagnum. Vil fegin halda fram Andrew av Fløtum sigur, at hann í løtuni samráðist við danska felagið, og hann sigur seg vóna, at teir kunnu koma ástamt um ein nýggjan sáttmála. Tó sigur Andrew, at enn restar nakað, áðrenn komið er á mál við samráðingunum. Spurdur, um hann hevur fingið tilboð frá nøkrum øðrum donskum felag ella nøkrum føroyskum felag, sigur Andrew, at einki til- boð er komið frá nøkrum donskum felag. - Onkur feløg hava tó spurt seg eitt sindur fyri, men einki kon- kret tilboð er komið. Úr Føroyum havi eg tó fingið okkurt tilboð, sigur Andrew. Landsliðsframherjin sig- ur, at sjálvur kundi hann gott hugsað sær at hildi fram í Fremad Amager. - Eg havi lært ótrúliga nógv hetta árið, ið eg havi verið í felagnum. Somuleiðis haldi eg eisini, at serliga hesa seinastu tíð- ina, eftir at vit hava fingið Benny Johansen sum venj- ara, havi eg lært serliga nógv. Hann hevur lært okk- m nógv, sum vit ikki fingu frá fyrrverandi venjaranum, greiðir Andrew av Fløtum frá. Fjórðingsfinalan lokkar Eitt av hæddarpunktunum hjá Fremad Amager kom- andi vár verður óivað fjórð- ingsfinalan í steypakapp- ingini, har teir skulu í Park- ina at dystast við donsku greipuvinnararnar úr FC Keypmannahavn og Toda Jónsson. – Tað er sjálvsagt nakað, ið eisini virkar lokkandi upp á at halda fram í Fremad Amager, tí tað verður uttan iva eitt stórt upplivilsi, sigur Andrew av Fløtum. Stjórin í Fremad Amager, John Sørensen, váttar fyri Sosialinum, at samráðingar eru í gongd, og eftir hans- ara tykki eru tær komnar so mikið langt, at ein nýggjur sáttmáli væntandi verður undirskrivaður í næstum. – Nýggi venjarin og vit í leiðsluni vilja fegnir, at Andrew heldur fram hjá okkum, og eg ivist ikki í, at vit skjótt koma til eina semju, sigur John Søren- sen. Andrew og Fremad Amager samráðast Andrew á Fløtum og Fremad Amager samráðast í løtuni um ein nýggjan sáttmála sínaámillum Savnsmynd