hósdagur 22. august 2019síða 36

FRÍGGJADAGUR 23. AUGUST 2019 SOSIALURIN 96 36 TRÓNDUR ARGE – KLAKSVÍK Tað er dramatiskt í nakrar fáar minuttir í Klaksvík mikukvøldið. Eftir 89 rótutar minuttir av fót­ bólti kemur røringur í, tá Árni Fred­eriksberg við beinleiðis frí­ sparki leggur B36 á odda. Tað ganga bara heilt fáir min­ uttir, so fer B36 í skjótálop, eftir at KÍ hevur havt hornaspark. Árni Frederiksberg rennur at kalla allan vøllin við bóltinum, og leggur upp á tvørs til innskifta Stefan Radosavljevic, sum tveitur seg fram og prikar bóltin í málið. – Øll sóu, at vit ikki vóru komnir til Klaksvíkar at undirhalda. Vit sóu leygarkvøldið, at KÍ hevði ilt við at mynda álopsspæl ímóti Skála. Vit bíðaðu eftir klaks­vík­ing­ um, sum høvdu bóltin nógv, men sum ikki vildu ella megnaðu at spæla seg til serligar møguleikar, sig­ur Árni Frederiksberg. Gleðin er stór á áskoðarafjøldini hjá B36, sum er komin norð við bussi. Spælararnir hálsfevnast og heilsa upp á áskoðararnar, með­an murran er verri millum norð­oyingar. Spælararnir hjá KÍ eru skjótir av vøllinum og áskoð­ ar­arnir tað sama av leik­vøll­inum. Vónbrotið er stórt í KÍ-leguni, men liðskiparin vil ikki leggja kongin í FM-stríðnum. – Vit kenna, at tað koppar ímóti okkum, men hetta er als ikki avgjørt. Vit hava níggju lands­ kapp­ingardystir eftir, og vit ætla okk­um at vinna aftur og at vera við í FM stríðnum, sigur Jákup B. Andreasen. Regn og vindur Tað er lítið at skriva heim um fyrstu 89 minuttirnar. Heimaliðið hevur broytt eitt sindur í upp­ stillingini, eftir 2-2 javnleikin móti Skála. Steinbjørn Olsen byrjar á bonk­inum, meðan Ísak Simonsen kemur inn í miðverjan og Ólavur Nicla­sen byrjar aftur á vinstra bakki. Hartil er Patrik Johannesen flutt­ur fram í álopið, meðan Jó­ annes Bjartalíð er fluttur í á vinstra vongin. Jákup á Borg velur at byrja við Stefani Radosavljevic á bonkinum. Útangsstøðið hjá gestunum er varið. Michal Przybylski og Lukasz Cieslewicz eru fremstir og leggja skilagott trýst á uppspælið hjá KÍ, meðan Eli F. Nielsen og Magnus H. Jacobsen stríðast á miðjuni. Veðrið er einki serligt til fótbólt. Størsti mótspælarin til føroyskan fótbólt er vindur. Tíverri er nógvur vindur, tá dómarin bríkslar dystin í gongd. Tað hjálpur heldur ikki, at tað er regn. Tað ger eisini at tað er lættari at verja, tí áleypandi liðið hevur truplar umstøður at umsita bóltin. Tí endar dysturin eisini við fleiri taklingum og tvídystum á miðjuni. Liðini hava hvørsítt inn­ legg, har tað ikki manglar nógv í, men tað er tað einasta. 82 innkøst Tað er sermerkt við dystinum, at tað er óvanliga nógv innkøst. Vind­ur liggur upp á tvørs av vøll­ inum og trýstur bóltin móti áskoð­ araplássunum við Djúpu­mýru. Serliga í fyrra hálvleiki tykist tað sum, at bólturin ikki er í leingi á gangin. Uppteljingin sigur, at tað komu heili 82 innkøst í øllum dystinum. Tað er næstan eitt um minuttin. Telja við so eis­ini tey 20 málspørkini og 29 fríspørkini, so er skjótt at koma til eina nið­ur­støðu. Spælið er ongantíð flót­andi og undirhaldið er har eftir. Deyð­bóltar og tilvildarligar hend­ingar. Árni avgjørdi Á Summar Festivalinum avgjørdi Jóannes Bjartalíð dystin móti Víkingi. Hann er ein spælari, sum kann avgera stórar dystir, men hesa ferð fer Árni Frederiksberg avstað við yvirskriftini. Hann hevur júst longt sátt­mál­- an við B36 og tað kunnu tey fegn­ast um, tí hann er avgerandi. Hann skorar fyrra málið og legg­ ur upp til tað seinna. - Tað riggaði betri við frí­spark­ inum hjá mær, enn tað gjørdi, tá ið vit spældu hálvfinalu ímóti KÍ. Tá bjargaði Kristian Joensen, og í kvøld var tað eg, sum vann ímóti honum. Rennitúrurin var langur í sambandi við seinna málið, men tað kendist søtt, tá ið Stefan trill­ aði bóltin í málið, sigur Árni Fred­ eriksberg, sum er dagsins spælari. KÍ liðformaðurin var saman við liðfeløgunum ógvuliga vónbrotin. – Vit royndu at spæla, men undir vánaligum veðurumstøðum og við B36 í sera verjukendari útgávu var tað torført. Vit halda, at vit høvdu uppi­borið bet­ur, hóast vit ikki spældu serliga væl. Frísparkið, sum var avgerandi, var óheppið, tí vindurin spældi okkara manni eitt puss, tá ið bólturin kom niður úr luftini, sigur Jákup B. Andre­a­sen. KÍ rennur aftaná Við sigrinum hevur B36 lagt seg á odda í landskappingini við 44 stig­um fyri 19 dystir. NSÍ hevur tvey færri fyri 18 dystir og KÍ verð­ur standandi á 39 stigum fyri somuleiðis 18 dystir. NSÍ og KÍ hava ein útsettan dyst innanhýsis eftir. Sermerkt við B36 er, at liðið hevur bara skorað 33 mál, men hevur flest stig. Kappingar­neyt­ ar­nar hava skotið millum 40 og 49. Tað merkir, at B36 fær nógv fyri hvørt málið. TRONDUR@SOSIALURIN.FO Fótbóltur Dysturin hesa vikuna... ÁRNI: KOMU FYRI AT VINNA - Øll sóu, at vit ikki vóru komnir til Klaksvíkar at undirhalda. Vit komu fyri at vinna og eg haldi, at vit vóru meiri klárir enn teir. Vit vildu tað meir. Vit sóu leygarkvøldið, at KÍ hevði ilt við at mynda álopsspæl ímóti Skála. Vit bíðaðu eftir klaksvíkingum, sum høvdu bóltin nógv, men sum ikki vildu ella megnaðu at spæla seg til serligar møguleikar. B36 er nýtt oddalið í landskappingini, eftir at hava vunnið 2-0 í Klaksvík móti KÍ. Tað var málleyst í 89.minuttir, men so traðkaði Árni Frederiksberg til og sendi fríspark beinleiðis í málið. - Eg føldi í sjálvum sparkinum, at hatta var tað, sigur Árni Frederiksberg GYLTA SKOTIÐ HJÁ ÁRNA AVGØRDI