mánadagur 26. august 2019síða 25

25 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 26. august 2019 · Nr. 97 Hugskot og viðmerkingar – send sms til 225000 Í øllum fimm dystunum eydnaðist tað tí, sum var lægri á støðutalvuni, at vinna á favorittinum FÓTBÓLTUR 1. Deild Jóannes Hansen Hetta mundi vera løgnasta umfarið higartil í ár. Í øllum fimm dystunum eydnaðist tað tí liðnum, sum var lægri á støðu­talvuni, at vinna ímóti liðnum, sum var hægri á talv­uni, og sum harvið varð rokn­að at vera favorittur. Tað plagar at verða sagt, at næst­besta liðið hjá teimum, sum eisini eru um­ boðað í bestu deildini, ofta viknar, tá ið tað er farið um mánaðarskiftið august/sep­ tember. Tað verður sagt at koma av, at tá flyta nógvir av landinum í lestrarørindum. Nakrir av teimum bestu á næst­besta liðnum flyta upp, og nakrir fara av landinum. Tveir heimasigrar í Gundadali Løgnasta ella mest óvæntaða úrslitið leygardagin var, tá ið HB vann 1-0 á heimavølli ímóti 07 Vestur. Í fyrstu at­ løgu varð roknað við, at tapið fór at bera við sær, at 07 Vestur nú var verri fyri í strembanini at vinna upp­ flyting. So vísti tað seg, at tapið broytti einki, hvat møguleikanum at flyta upp viðvíkur, tí øll hini í topp­ inum eisini taptu. HB sigursmálið skoraði Rói av Fløtum, tá ið ein knapp­ur tími var farin. Hóast HB vann ímóti favorittunum, so er HB framvegis næst­ aftast og harvið er setn­ing­ urin framvegis at stríðast fyri at sleppa undan niður­ flytingar­hóttanini. Longu áðrenn HB hevði vitjan av 07 Vestur, høvdu næstbestu liðini hjá B36 og EB/Streymi dystast í Gunda­ dali. Har var eingin spenn­ ingur, tí B36 vann 6-0. EB/ Streymur er aftast og mest sum fokið úr næstbestu deild­ini. Trivaligi sigurin ber við sær, at B36 nú er fýra stig framm­an­fyri grannarnar í HB, sum eru næstaftast. 16 ára gamli Mattias Weihe Joensen skrivaði í síðstu viku undir sáttmála við B36. Leygardagn skoraði hann fyri fyrstu ferð á næst­ besta liðnum. Hann var tví­ faldur málskjútti. Hjá sandoyingum hevur tað verið upp og niður. Leyg­ar­dagin reisti B71 seg á heima­vølli eftir trivaligt 4-0 tap í Klaksvík. NSÍ, sum hevur kappast við Víking um oddasessin, var á Sandi og noyddist aftur um Skopunar­fjørð við 3-1 tapi. 41 ára gamli Clayton Soares legði beinan­vegin heimaliðið fram­um. Hann hevur skorað 13 mál og er toppskjútti í deild­ini. Skála skoraði í síðstu løtu Tað var dramatikkur og spenn­ingur á Skála, har teir næst­bestu hjá Skála høvdu vitjan av teimum næstbestu hjá Víkingi, sum er topplið. Skálamenn eru ellivu ferðir fyrr í ár farnir av vøll­ inum við einum stigi. Tá ið fjórði dómarin leygardagin vísti skiltið, sum segði, at tað vóru fýra minuttir lagdir aftrat, var støðan 1-1, og tólvti javn­leikurin sá út til at vera fýra minuttir burtur. Men hesa ferð koppaði tað til fyrimunar fyri Skála, tá ið 92 minuttir vóru farnir. Eftir innlegg úr vinstru og út frá smekkaði Leivur Zachariassen til. Víkinga­ verjan blokeraði, bólturin fór upp í luftina, og á fimm metrum var Andreas Egeberg Jacobsen fyrri á bólt­inum enn málverjin, og so sendi hann við høvdinum bóltin í málið. Skála vann 2-1 og syrgdi harvið fyri, at fjarstøðan til niðurflytingarpláss fram­ vegis er trý stig. Skála er á áttanda plássi við 20 stigum, og HB er á níggjunda plássi við 17 stigum. Favorittarnir í Víkingi løgdu seg framum, tá ið smáir tjúgu minuttir vóru farnir. Ingi Jonhardsson legði flatt innfyri úr vinstru, og Martin Klein Joensen, sum í summarsteðginum skifti úr NSÍ og aftur til Víking, skoraði. Skála hevði greiða yvir­vág í spæli og Leivur Zachariassen sendi við frísparki bóltin í tvørtræi, men tað var ikki fyrr enn mið­skeiðis í seinna hálvleiki, at tað eydnaðist at javna.   Akkurát innskifti Poul Kallsberg javnaði, eftir álop í høgru og innlegg frá Andreasi Egeberg Jacobsen. Eftir at Skála hevði javn­ að, var spælbýtið meiri javnt. Bæði Skála mál­ verjin, Martin Danielsen, og Víkinga málverjin, Bárður á Reynatrøð, høvdu fínar bjarg­ing­ar, áðrenn tað loks­ ins eydnaðist heima­lið­num at skora sigursmálið. Hóast tapið er Víkingur fram­vegis topplið við 40 stigum. B68 skiftir venjara Leygarkvøldið fór B68 úr Klaks­vík við 3-0 sigri ímóti teim­um næstbestu hjá KÍ. Hetta var á sjálvum 115 ára stovn­ingardegnum hjá KÍ. Leikbann og skaðar á besta liðnum vóru orsøk til, at fleiri superveteranar vóru á heimaliðnum. 49 ára gamli Jákup Mikkelsen vardi málið. Tá ið tað rest­aðu tíggju min­uttir og gestirnir vóru framman­fyri 3-0, bjargaði fyrr­verandi landsliðs­mál­ verjin, tá ið Bárður Ó. Jensen royndi seg við brotssparki. Millum útispælararnar hjá KÍ var 41 ára gamli Heðin á Lakjuni, sum bava var á vøll­inum í fyrra hálvleiki. Aðrir veteranar á KÍ liðnum vóru Kristoffur Jakobsen, Hjalgrím Elttør og Atli Danielsen, sum spældi síðsta hálva tíman. Hjá B68 var tað merkis­ vert, at veteranurin Jóhan Dávur Højgaard vardi málið. Hann plagdi at vera miðverji, men hetta var fyrsta ferðin í ár, at hann var á besta B68 lið­num. Miðalaldurin á útispæl­ar­ unum hjá B68 var væl lægri, enn hann var hjá heima­lið­ num, og gestirnir orkaðu betri at spæla. Stigatalvan kundi bent á, at heimaliðið var favo­rittur, men tað var B68, sum var omaná, og sum spældi seg til nógvar mál­ møgu­leikar. 16 ára gamli Áki Johanne­ sen setti hol á eftir innlegg úr høgru og við stútara við handara stólpa, tá ið hálvur tími var farin, og dygst undan steðginum økti Sveinur Justinussen um B68 leiðsl­una til 2-0, tá ið hann eitt sindur úr vinstru og 20 metra fjarstøðu og við frísparki smekkaði bólt­in dygst undir nærru saman­koming. Í fjør skoraði Sveinur Justinussen 11 mál í lands­kapp­ingini. Málið hjá honum í Klaksvík leygar­ dagin var tað fyrsta í ár. Búi í Hjøllum varð skiftur inn á B68 liðið miðskeiðis í seinna hálvleiki. Hann hevði verið á vøllinum í fimm min­ uttir, tá ið hann staðfesti 3-0 sigurin. Eftir ov stutta aftur­ legging smekkaði hann av brots­teigarmarkinum eitt sindur í høgru bóltin upp und­ir nettakið. Fulla úrtøkan í Klaksvík ber við sær, at B68 nú er á fimta plássi við 25 stigum. Tað eru trý stig aftur til B71 á sætta plássi og tíggju stig fram til KÍ, sum er á fjórða plássi. Toftamenn vóru ikki meiri enn komnir út aftur á Toftir, tá ið nevndin í Tofta Ítróttarfelag boðaði frá, at B68 og venjarin, Svenn Ó. Olsen, í Gøtu nú fara hvør til sítt. Nevndin segði í tíðinda­ skrivi leygarkvøldið, at tað nú verður arbeitt við at finna nýggjan venjara. Tá ið Svenn Ó. Olsen og B68 síðsta heyst skrivaðu undir sáttmála varð sagt, at hann fevndi um tvey ár. joannes@sosialurin.fo 1. Deild menn STØÐAN NR. LIÐ DYSTIR VUNNI JAVNT TAPT + MÁL - MÁL +/- STIG 1. Víkingur 20 11 7 2 40 20 (+20) 40 2. NSÍ 20 12 3 5 41 27 (+14) 39 3. 07 Vestur 20 11 5 4 43 26 (+17) 38 4. KÍ 19 11 2 6 49 30 (+19) 35 5. B68 20 6 7 7 32 35 (-3) 25 6. B71 19 6 4 9 34 48 (-14) 22 7. B36 20 5 6 9 33 38 (-5) 21 8. Skála 20 3 11 6 23 30 (-7) 20 9. HB 20 4 5 11 25 35 (-10) 17 10. EB/Streymur 20 2 6 12 30 61 (-31) 12 Tað bóltaði rút kring alt landið KÍ - B68 0-3 (0-2) 0-1: Áki Johannesen 30. 0-2: Sveinur Justinussen 45. 0-3: Búi í Hjøllum 71. Skála - Víkingur 2-1 (0-1) 0-1: Martin Klein 19. 1-1: Poul Kallsberg 66. 2-1: Andreas Egeberg Jacobsen 92. HB - 07 Vestur 1-0 (0-0) 1-0: Rói av Fløtum 59. B36 - EB/Streymur 6-0 (3-0) 1-0: Sandri Færø 8. 2-0: Niels Johnsson 23. 3-0: Mattias Weihe Joensen 29. 4-0: Heini í Skorini 74. 5-0: Mattias Weihe Joensen 82. 6-0: Jónas Warner 92. B71 - NSÍ 3-1 (1-1) 1-0: Clayton Soares 3. 1-1: Mórits Heini Mortensen br 26. 2-1: Tijani Mohammed 54. 3-1: Aron Clementsen 84. Máltindurin Clayton Soares, B71 . . . . . . . . . . . . . . . . . . . . . . . . 13 Andri Benjaminsen, NSÍ . . . . . . . . . . . . . . . . . . . . . . 11 Aksel B. Danielsen, KÍ . . . . . . . . . . . . . . . . . . . . . . . 9 Niels Mouritsen, 07 Vestur . . . . . . . . . . . . . . . . . . . . 8 Óli Højgaard Olsen, NSÍ . . . . . . . . . . . . . . . . . . . . . . 8 Solomon Kwao, 07 Vestur . . . . . . . . . . . . . . . . . . . . . 8 21. umfar Fríggjadagin 30. august EB/Streymur - Skála Víkingur - NSÍ 07 Vestur - B68 HB - B71 B36 - KÍ