mánadagur 26. august 2019síða 26

Mánadagur 26. august 2019 · Nr. 97 26 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 Felags fyri toppliðini er, at tey í gjár vunnu teprar sigrar og høvdu hepnið við sær fram ímóti dystarenda Jóannes Hansen B36 er topplið, og NSÍ er næst­fremst. Í gjár vunnu bæði tey fremstu granna­ upp­gerðir 2-1, og í báðum før­um var tað á útivølli. Felags fyri B36 og NSÍ var tað eisini, at tað í síðstu løtu var um reppið, at sigurin glapp favorittunum av hond­ um, tá ið mótstøðuliðini spældu seg til stórar mál­ møgu­leikar, men tað koppaði favo­ritt­unum til fyrimunar. Soleiðis plagar tað at vera hjá teimum, sum eru á aldu­ kamb­inum, og soleiðis var tað í gjár hjá B36 og NSÍ, sum bæði hava undanvind. KÍ vann tepran sigur á Eiði, og klaksvíkingar droyma fram­vegis um, at tað skal eydn­ast at vinna fyrsta FM heit­ið í 20 ár. Í fjør var HB sera sann­ før­andi meistaralið. Soleiðis hevur tað ikki verið í ár. HB er seks stig frá toppinum, og tað er ov tíðliga at avskriva HB í meistara­stríðnum. Ikki minst tá ið Adrian Justinussen í gjár vísti, at hann nú er á støð­inum, sum í fjør bar so nógv mál og so nógvar sigr­ar við sær. Sunnudagin skal HB til Klaksvíkar. Um tað eydnast at vinna fulla úrtøku, so verð­ur HB frammanfyri KÍ. HB eigur eisini innanhýsis uppgerðir ímóti B36 og NSÍ, og bæði NSÍ og B36 skulu spæla ímóti KÍ – NSÍ tvær ferðir. Harvið er tað lagt upp til fleiri finalur í kappingini um FM. Brian aftur á blettinum AB - B36 1-2 B36 vann 2-1 á Argjum. Sigurs­málið skoraði Brian Jakobsen lítla løtu eftir steðg­in. Brian flutti í vetur av Skála og til B36. Fyrstu tíðina gekk tað sum eftir ánni. Tá ið kapp­ingin var fýra umfør gomul hevði hann skorað trý mál, og hann skoraði í báðum dystunum í kappingini um løgmanssteypið, sum B36 var við í. Síðani hevur tað verið longri millum málini og møgu­leik­arnar á besta lið­ num. Brian skoraði annað málið, tá ið B36 17. mai vann 2-1 á Skála, men síðani hevur hann ikki skorað. Ikki fyrr enn í gjár á Argjum. Árni Frederiksberg legði innfyri úr høgru, bólturin tók í tvørtræið, og so var Brian Jakobsen á rætta stað­ num og í røttu løtuni. – Eg fegnist saman við hon­um um avrikið og um, at tað eydnaðist honum at skora fyrsta málið síðani mitt í mai. Hann hevur verið smá­skadd­ur, og tað eru fleiri við í kappingini um fremsta plássið. Í gjár fekk hann møgu­leikan, og hann tók av, tí hann vísti góðan hug­burð og arbeiddi nógv, og so skor­ aði hann sigursmálið, sigur B36 venjarin Jákup á Borg. Heimaliðið hevði síðstu løtuna møguleikar at skora eitt mál aftrat? – Vit áttu at havt økt um leiðsluna til 3-1, tí vit høvdu møgu­leikar til tað. At tað ikki eydnaðist bar við sær, at tað ikki var tann friður yvir spæl­inum, sum átti at verið, og tað kundi havt kostað. AB vísti fínan hugburð, og AB var sera vandamikið í mót­álop­um. Tá ið Bárður Olsen við frísparki úr 45 metr­um legði teir framum, vóru vit ikki sannførandi í verju­partinum, men Hans Jørgensen í málinum bjarg­ aði meistarliga, tá ið tað stóð á, sigur Jákup á Borg. Michal Przybylski javnaði til 1-1 seks minuttir eftir, at Bárður Olsen legði AB fram­ um. Tað var eftir langt inn­ kast og eitt sindur av aftur og fram. – Hetta var soleiðis, sum tað so ofta hevur verið hjá okk­um fyrr í ár. Vit hava ikki marginal­irnar við okkum, stað­festir AB miðvallarin Bárður Olsen. – Eg tími ikki at tosa um dómararnar, men eg haldi, at vit í tveimum førum vóru snýttir fyri brotsspark, sigur Bárður Olsen. Mikkjal lættur um hjartað EB/Streymur - KÍ 0-1 Síðstu løtuna var tað eina­ ferð um reppið, at EB/ Streym­ur javnaði. Veteran­ ar­nir Arnbjørn Hansen og Hans Pauli Samuelsen vórðu skiftir inn í seinna hálv­leiki, og Hans Pauli var í góð­ari støðu, tá ið hann mitt fyri royndi seg av brots­teigar­ mark­inum, men bólturin fór væl omanfyri málið. – Teir vóru væl betri enn vit í fyrra hálvleiki, tá ið teir høvdu møguleikar at skora fleiri mál enn tað eina, sum teir fingu. Eftir steðgin vóru vit væl betri við, og um vit vóru hepnir, so kundu vit hava vunnið eitt stig, stað­ festir EB/Streyma lið­for­mað­ urin Rógvi Egilstoft Nielsen. KÍ venjarin Mikkjal Thomassen fegnast um, at tað í Hólmanum eydnaðist at vinna øll stigini: – Tað hevur verið tor­ ført hjá okkum seinastu ferðir­nar. Vit hava verið meint raktir av skaðum og leik­bann­um, og tað vóru vit eisini á Eiði. At vit hava sakn­að fleiri spælarar, sum eru millum teir fyrstu ellivu, um teir eru tøkir, hevur kost­að, tí vit hava mist bæði ímóti Skála og B36. Tí hevði tað al­stóran týdning, at vit vunnu á Eiði. Vit høvdu tak á tí mest sum alla tíðina, sigur KÍ venjarin. Einasta málið skoraði Páll A. Klettskarð seks min­uttir undan steðginum. Hetta var fyrsta málið hjá Pálli, síðani hann undan summar­steðg­ inum flutti aftur úr Italia og til KÍ. Síðani 22. juni hevur Páll spælt seks lands­kapp­ ingar­dystir, og í gjár skoraði hann fyrsta málið í ár. Klæmint er stóri munurin Skála - NSÍ 1-2 Tá ið dómarin bríkslaði fyri síðstu ferð á Skála, vísti mál­talvan 1-2. Talan var um lívliga og undirhaldandi granna­uppgerð, og tað vóru møgu­leikar í báðum endum. Í spæli og býti av mál­ møgu­leikum var tað rættiliga javnt. Skála hevði fleiri royndir ímóti málinum, enn NSÍ hevði, men tað var NSÍ, sum fór avstað við øllum stig­unum: Stóri munurin á liðunum var, at NSÍ eigur Klæmint A. Olsen. Í gjár skoraði hann tvey mál, og nú er málmetið hjá honum í landskappingini 185. Higartil í ár hevur hann skorað 23 mál í lands­kapp­ ingini. Einaferð áður hevur hann skorað 23 mál í lands­ kappingini. Tað var í 2016. Nú er tað bara ein spurningur um tíð, áðrenn hann fer at taka sítt egna met fyri mál skor­að í landskappingini. Næsta metið er at taka met­ ið, sum Uni Arge og Súni Fríði Johannesen eiga. Teir hava báðir skorað 24 mál. Uni Arge í 1997 og Súni Fríði Johannesen í 1995. Sunnudagin fær NSÍ vitjan av EB/Streymi. Tað kann væl vera, at Klæmint tá fer at leggja seg undir liðina á teim­um báðu omanfyri nevndu, og tað kann væl vera, at hann fer at lyfta seg longri upp enn so. Tá ið NSÍ 19. mai spældi ímóti EB/Streymi á útivølli, vann NSÍ 8-1, og Klæmint A. Olsen skoraði fimm mál. Í gjár vórðu bæði mál­ini skorað í eyðkenda stíl­inum, og í báðum førum var tað eftir inn­legg úr vinstru. Í fyrra før­inum var Klæmint høvdið omanfyri mót­ støðu­mannin, tá ið hann við høvd­inum smekkaði bóltin í nettakið, eftir at Búi Egilsson hevði snittað víðari eftir langt innkast, og í seinna førinum var hann í málteiginum, tá ið Petur Knudsen eftir skjótálop legði inn­fyri úr vinstru. Heðin Klakstein minkaði um munin, eftir at innskifti Djóni Petersen legði innfyri úr vinstru. So var heilt spennandi, og Skála vann risastóran møgu­ leika í síðstu sekundunum, tá ið Jákup Johansen var leys­ ur og við høvdinum setti bóltin omanfyri uttarlaga stadda NSÍ málverjan Tórð Thomsen, men bólturin fór við síðuna av málinum. – Eg eri nøgdur við hug­ burðin og avrikið, sum minti um tað í Klaksvík, tá ið vit vendu 0-2 til 2-2. Í longum løtum spældu vit heilt væl, og vit høvdu møguleikar at skora fleiri mál, men tað eydn­aðist ikki at skora meiri enn eitt mál. Tí taptu vit, sigur Skála venjarin Eyðun Klakstein. – Talan var um fínan fót­bólts­dyst millum tveir ymiskar mátar at spæla uppá. Vit høvdu nógv smá­ spæl og vístu hugflog, og teir eru kendir fyri aðrar dygdir – teir eru kropsliga sterkir, trygg­ir, og teir spæla bein­ leiðis og við nógvum inn­ legg­um. NSÍ spælarin Petur Knudsen var sjálvandi fegin um sigurin: – Vit hava spælt fleiri tætt­ar dystir, og vit hava fleiri ferðir skorað avgerandi málið í síðstu løtu og eisini bjargað okkum í verju­spæl­ inum, tá ið nógv hevur staðið FÓTBÓLTUR B36 OG NSÍ HAVA MARGINALIRNAR VIÐ SÆR