týsdagur 27. august 2019síða 14

Mikudagur 28. august 2019 · Nr. 98 14 Sosialurin Hugskot og viðmerkingar – send sms til 225000 TÍÐINDI Floksformenninir dyrgdu á Glasi Í gjár royndu formenninir í politisku flokkunum at egna eftir atkvøðuni hjá øllum teimum ungu, sum ganga Glasi. Valfundurin var tó ongantíð serliga lívligur – nógv av teimum ungu vóru á sosialu miðlunum ella prátaðu aðrastaðni í hølunum á Glasi Frants Jensen frants@sosialurin.fo Trý evni vóru á skránni til orðaskiftið. Evnini vóru hesi: Hevur ungdómurin sjálvur ábyrgd av val av útbúgving­ arleið, ella skal samfelagið inn at stýra? Skal valrætturin lækkast til 16 ár? Og hvussu skulu vit fremja tað grøna skiftið? Allir teir níggju floksformenninir mann­aðu pallborðið. Hvør flokkur fekk fyrst ein minutt at greiða frá teirra hugsjón, áðrenn tey trý evnini vórðu viðgjørd hvørt eftir annað. Floksformenninir komu við stórt sæð somu útsøgnum og grundgev­ing­ um um hesi evni, sum teir longu hava gjørt fleiri ferðir í valstríðnum. Valrætt sum 16 ára gomul Tað evni, ið skapti eitt sindur av kjaki í, var, um valrætturin skuldi lækka niður í 16 ár. Her vóru meiningarnar ymiskar hjá flokkunum; nakrir søgdu ja, og aðrir søgdu nei. Nakrir næmingar spurdu. Millum annað spurdi ein, um ikki 16 ára val­ rætt­ur fór at verða misnýttur, tí fleiri 16 ára gomul ikki vórðu politiskt til­ vitað, og tí vóru ov lætt at lata seg ávirkað av øðrum. Ein annar næmingur spurdi, um tey 16 ára gomlu eisini skuldu hava loyvi at koyra bil, at taka lán, at hava møguleika at stilla upp og at keypa í Rúsini. Politikarar duga eisini at undirhalda, og teir nýttu hetta høvi at koma við stuttligum viðmerkingum. Millum annað varð hugleitt um, at tað hevði verið stuttligt at havt ein 16 ára gamlan løgmann, sum ikki hevði koyrikort, og sum ikki kundi skriva undir lán fyri landskassan. Býttu út rósur og valtilfar Umleið 1500 næmingar ganga á Glasi, umframt at fleiri hundrað starvsfólk eisini vóru til valfundin. Talan er tí um nógvar atkvøður, sum politikararnir fiska eftir. Hetta sjálvt um ikki øll av teimum, ið ganga á Glasi hava valrætt, tí at tey eru ikki 18 ár enn. Fólk sótu í trappuni og allastaðni runt um kring. Ljóðviðurskiftini vóru tó ikki so góð allastaðni. Fundurin varð eisini stroymaður. Floksformenninir í teimum níggju flokkunum, ið stilla upp, royna at sannføra tey ungu á Glasi, at tey skulu velja teirra flokk Mynd: Álvur Haraldsen