mánadagur 2. september 2019síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 2. september 2019 · Nr. 100 Hugskot og viðmerkingar – send sms til 225000 KLUMMAN Tróndur sigur sína hugsan... So hava vit enn eitt føroyskt ítóttarfólk, sum hevur vunnið sær rættin at luttaka í OL. Sverri Sandberg Nielsen, sum vann HM- silvur í gjár, hevur eisini vunnið sær rættin til at rógva til OL, sum verður í Tokyo á sumri 2020. Í samrøðu við Kringvarpið í morgun segði hann millum annað, at umstøðurnar til at venja á slíkum stigi ikki eru í Føroyum. Vit kenna øll søguna um Pál V. Joensen, sum vandi í einum lítlum hyli í Vági. Nú er tað eisini ymsikt hvussu nógv tað kostar at gera umstøður. Eitt nú kostar ein svimjihøll væl meiri enn at byggja og viðlíkahalda enn okkurt annað. Tað er eisini greitt, at vit í Føroyum ikki hava møguleikar at verða á áltjóða stigi í fleiri ítrottargreinum. Men tað ber til at skapa eitt elitu-ítróttarumhvørvi. Í klummuni seinast hevði eg hug at finnast at, at ítróttur einki pláss hevur fingið í valstríðnum. Tað er nú ikki so óvæntað, men tað er gleðiligt at umboð fyri allar flokkar vildi hækka játtanina til ÍSF. Ein stór framgongd í Føroyum er, at tað er ikki longur illa sæð, at onkur ætlar at gera sær eina yrkisleið í ítrótti. Skúlarnir eru farnir at spæla við og fleiri tilboð eru nú til næmingar, so teir kunnu venja nógv og tillaga dagin til ítrótt. Vónandi heldur hetta rákið fram í føroyska samfelagnum. Men tak ikki feil. Sverri Sandberg Nielsen venur og livur fyri kapprógvingina. Ella hevði hann aldrin komið so langt. Næstan hvør lutur í gerandisdegnum er lagdur til rættis og tað einasti vegurin, um hann skal kappast við elituna í heiminum. Hava vit eitt ynski um at bjóða fólki at kappast við heimselituna, so mugu vit halda fram við at menna eitt elituumhvørvi í Føroyum – eisini á landsplan! trondur@sosialurin.fo Sverri til OL FÓTBÓLTUR Wales vann stór- sigur á Føroyum Føroyska kvinnulandsliðið spældi hóskvøldið fyrsta dystin í nýggju EM-undankappingini móti Wales. Dysturin var bara fáar minuttir gamal, tá Wales var á odda 2-0 Tróndur Arge Wales var betra liðið á Tórsvølli hósdagin, tá fyrsti dystur í undan­ kappingini til EM 2021 var á skránni. Úrslitið er heilt øðrvísi, enn úrslitini vóru, tá ið føroysku kvinn­ur­nar síðst spældu ímóti Wales. Tað var í 2006, tá ið Wales vann 2-1 á heimavølli. Í 1996 spældu Føroyar og Wales. Tá vann Wales 1-0 í Føroyum, men í 1995 vunnu Føroyar 1-0 á útivølli í Wales. Men seks mál var alíkavæl ikki munurin á liðunum, og um meir hepni var við okkara kvinnum, so fingu tær eisini okkurt mál. Tað byrjaði sera væl hjá Wales, sum longu eftir fimm minuttir var á odda 2-0. Men føroyska liði reisti seg eftir trilvandi byrjanina, og kom betri við í dystin sum fyrri hálv­leikur leið. Størsta føroyska málmøguleikan fekk Heidi Sevdal, tá hon fangaði bóltin eftir útspark frá walisiska málverjanum. Heidi smekkaði til, men málverjin bjargaði væl, og so spurdist tíverri ikki meir burtur úr. Lítla løtu seinni fekk Wales sítt annað brotsspark í dystinum. Tað fyrra fór uppum málið, meðan tað seinna var sett trygt í netið. Eftir hetta øktu walisisku kvinnurnar tríggjar ferðir, og vunnu til endans 6-0. Komandi uppgávan hjá før­ oysku kvinnunum er týsdagin, tá tær skulu spæla á útivølli ímóti Hvíta­russlandi. trondur@sosialurin.fo Kvinnulandsliðið EM undankappingardystur Á Tórsvølli hósdagin 29. august 2019 kl. 17.00 Føroyar – Wales 0-6 (0-2) 0-1: Natasha Harding 4. 0-2: Emma Jones 6. 0-3: Natasha Harding br 58. 0-4: sjálvmál 67. 0-5: Natasha Harding 79. 0-6: Roberts 93. Dómari: Ivana Pejkovic úr Croatia Føroyar: Anna S. Hansen - Julia Naomi Mortensen (Rebekka Benbakouru, 82.), Lív F. Arge (Olga Kristina Hansen, 73.), Durita Hummeland, Katrina Akursmørk - Evi á Lakjuni (Sara Samson Lamhauge, 86.), Eyðvør Klakstein, Jacoba Langgaard, Ansy Sevdal Jakobsen, Ásla Johannesen - Heidi Sevdal. Á beinkinum: Monika Biskopstø, Marita á Fríðriksmørk, Annika Ragna Christiansen, Sanna Svarvadal, Jónvá Hentze, Sarita Maria Mittfoss