týsdagur 3. september 2019síða 6

Mikudagur 4. september 2019 · Nr. 101 6 Sosialurin Hugskot og viðmerkingar – send sms til 225000 TÍÐINDI Vilmund Jacobsen Borgarstjórin í Skála­ víkar kommunu, Lin­john Christiansen, harm­ast um støðuna, nú mangt bendir á, at Hotel Skála­ vík letur aftur fyri al­ menn­ing­inum hin 9. des­ em­ber í ár. - Hetta verður eitt ógvu­liga stórt bakkast fyri ferðavinnuna í Sand­ oynni – eitt bakkast, sum kemur bara nøkur fá ár, áðrenn koyrandi verður í oynna. Hann vísir á, at tað fer at bera illa til hjá ferða­ skrivstovum at senda ferða­fólk í Sandoynna, tá Hotel Skálavík ikki er meira. - Vit vita, hvussu tað er við samferðsluæðrini, sum er siglingin um Skopun­ar­fjørð, og vit vita, hvussu stórur trongsul­in kann vera á far­leiðini. Linjohn Christiansen vísir á, at tá Hotel Skálavík ikki verður meira, soleiðis sum vit kenna henda frálíka møgu­leika í dag, verður avmarka, hvar ferða­ fólk, sum ætla sær í Sand­oyn­na, kunnu eta og gista. - Tá kunnu vit rokna við, at fólk í staðin koma ein dagtúr, men øll vita, at ein dag­túr­ur í Sandoynni eisini kann hava sínar av­ bjóð­ing­ar – ikki minst, tí far­leið­in er so trýst við nógv­um ferðafólka-og bila­flutn­ingi. Borgarstjórin sigur, at bygdin hevur verið sera fegin um tað virksemi, sum hevur verið á Hotel Skála­vík, og hetta hevur so sanni­liga sæst aftur, bæði í Skálavík og í Sand­ oynni sum heild. - Fyri okkum verður sand­oyartunnilin eitt lop inn í framtíðina, og tí er tað ógvuliga harmiligt, at verandi virksemi í Skála­ vík nú fer at halda uppat. Ymiskar løtur Linjohn Christiansen minnist løtuna, tá Eiler Jacobsen, sáli, í sínari tíð ringdi til hansara og for­ taldi, at hann hevði eina ætlan um at gera okkurt í Skálavík. - Líka so glaður, eg var hesa løtu – líka so keddur eri eg í dag at hoyra, at virk­semið hjá Smyril Line í Skálavík heldur upp­at. Borgarstjórin fegnast tó um teir møguleikar, sum hóast alt liggja í Hotel Skálavík, og hann ivast onga løtu í, at Grunn­urin Immanuel ætlar, at eitt hvørt virk­ semi framhaldandi skal vera í bygninginum. - Eg trúgvi ikki, at virk­semi í Skálavík end­ ar her. Tað kann vera, at talan verður um okkurt annað konsept enn tað, vit kenna í dag, men eg havi mína trúgv á, at her framhaldandi fer at vera eitt hvørt virksemi, sum kemur at tæna Skála­vík og Sandoynni allari, sigur Linjohn Christian­sen. Vilmund Jacobsen Hotel Skálavík, sum hevur verið ein stór susses í Sandoynni, síðan Smyril Line yvir­ tók raksturin hin 23. mars í 2015, letur nú aftur fyri al­menn­ingi­ num frá mána­deg­ num, 9. desember í ár at rokna. Tey, sum eru í føst­ um starvi á hotelli­ num, hava fingið bjóð­að arbeiði á Hotel Hafnia, umborð á Norrønu – ella á Hotel Brand­an, sum Smyril Line letur byggja og sum verður liðugt hin 1. mai næsta ár. Pætur Trónd Thom­ sen, hotelstjóri hjá Smyril Line, váttar, at av­gerðin er tikin um at lata hotellið aftur fyri al­menninginum. - Men, vit hava ein leigu­sáttmála við Grunn­in Immanuel, sum eigur hotellið. Sátt­málin er galdandi fram til hin 31. mars næsta ár, og fram til ta tíð hava vit lyklarnar til hotellið, sum í hes­ um tíðarskeiði kann leigast til ymisk enda­ mál, sigur hann. Hotel Skálavík hevur, síðan Smyril Line yvirtók raksturin á vári í 2015 , bjóðað bæði gisting og mat­ stovu, og her hava verið framúrskarandi um­støður og karmar at hýsa familjum, pørum og einstaklingum. Hesi árini hevur hotellið eisini verið karm­ur um bæði starvs­fólk­a­dagar, skeiðs­dagar, veitslur, leg­ur og ymiskt annað, og tað eru serliga før­ oy­ingar, sum hava keypt sær tænastur á Hotel Skálavík. Tað var upprunaliga Grun­nurin Immanuel, ið setti seg í samband við Smyril Line um møgu­leikan at fáa Smyril Line at reka hotellið. Men, nú er so líkt til, at hetta virksemi, sum hevur sett sín serstaka dám á í Skálavík og Sandoynni sum heild nú gongur móti enda­ num. Hotelstjórin vísir á, at tey hava verið ógvu­liga fegin um at hava verið ein aktivur við­leikari í Sandoynni hesi árini, tí bæði bygd­ in Skálavík og Sand­ oyggin í síni heild eru fantastisk, sum hann tekur til. Pætur Trónd Thomsen hevur tó í løtuni ikki hug at út­ greina, hvør or­søkin er til, at Smyril Line hevur gjørt av at gevast við hotelvirkseminum í Sandoynni. Hotel Skálavík er lutfalsliga nýtt. Hotellið hevur 25 køm­ ur, umframt fundar­ høli, matstovu, veitslu­ høli og allar hentleikar til ráðstevnur. Her eru eisini tvey stór høli, sum kunnu leggjast sam­an og sum tá kun­ nu rúma upp til 500 fólkum. Vilmund Jacobsen Hjørdis Háberg Petersen, sum er forkvinna í Grunn­inum Immanuel, sigur í stuttari við­merk­ ing, at tað er Smyril Line, sum hevur sagt leigu­ sátt­málan á Hotel Skála­ vík upp. Spurd, um hon veit, hvør orsøkin er til upp­ søgn­ina, sigur hon, at tað mugu vit spyrja Smyril Line um, tí tað eru tey, sum hava sagt upp. - Vit hava ein leigu­ sátt­mála, sum nú er upp­ sagdur, staðfestir hon. Hjørdis Háberg Peter­ sen sigur, at hon í løtuni ikki dugir at siga, hvat verður í Skálavík, tá Smyril Line letur hotellið frá sær til várs. Hon vísir á, at í Skála­ vík eru ymiskir møgu­ leikar, sum Grunnurin Immanuel fer at venda aftur til, tá tað kemur har til, at leigusáttmálin gong­ur út. Vit eru glað fyri tíðina Virksemið, sum Smyril Line hevur havt á Hotel Skálavík, gongur nú móti endanum Pætur Trónd Thomsen, hotelstjóri SMYRIL LINE HEVUR SAGT UPP Forkvinnan í Grunninum Immanuel váttar, at Smyril Line hevur sagt leigusáttmálan í Skálavík upp Hjørdis Háberg Petersen Eitt stórt bakkast fyri Sandoynna - Eg minnist løtuna, tá Eiler Jacobsen, sáli, ringdi til mín og fortaldi, at hann hevði eina ætlan um at gera okkurt í Skálavík. Líka so glaður, eg var hesa løtu – líka so keddur eri eg í dag, sigur Linjohn Christiansen, borgarstjóri í Skálavíkar kommunu