týsdagur 3. september 2019síða 17

17 Sosialurin Hugskot og viðmerkingar – send sms til 225000 Mikudagur 4. september 2019 · Nr. 101 FÓTBÓLTUR venjarin, Ronny Geson Gunnars­son, sum tók okkum við til Svøríki. Vit kláraðu báðir at spæla okkum á liðið. John var góður høgri bakkur. Sjálvur fekk eg ein keðiligan skaða í fótliðið, sum gjørdi at eg fór heima aftur sama árið, for­telur Ábraham Løkin. Finnur Justinussen spældi eitt stutt tíðarskeið í 2013 við Jönköpings Södra. Ein upp­ living, sum hann minnist væl. - Eg var í fleiri førum frá 2009 til 2011 til royndarvenjing í Svøríki. Í 2011 fekk eg sáttmála við Jönköpings Södra IF. Men eftir eitt turbulent ár við venjaraskiftið og skaðum, valdi eg at venda heimaftur. Tað var eitt stuttligt og mennandi upp­livilsi, har eg sum ungur spælari kom ígjøgnum nógvar av­bjóðingar, sigur Finnur Justinussen. Hann veit ikki hví fleiri spælarar ikki hava verið í Svøríki, tá tað nú liggur so nær. -Eg havi torført við at geva eitt boð um hví. Fótbólturin er á einum góðum stigi, har flest øll liðini í teimum ovaru deild­ unum hava eitt fulltíðar setup. Eg haldi avgjørt, at tað er eitt áhugavert land at spæla fótbólt í. Kanska fara vit at fáa eyguni upp fyri teimum svensku deildunum, og fáa fleiri føroyingar at fara handavegin, sigur Finnur Justinussen. Fimm svenskir venjarar Ronny Geson Gunnarsson er nærmast halgimenni í Fugla­ firði. Hann var venjari hjá ÍF í 1979 og 1980. ÍF vann í 1979 ein­ asta meistaraheitið í søguni hjá felagnum. -Vit sóu upp til Ronny, sum sjálvt um hann bara var mitt í tjúgunum tá. Hann var ein stórur og litríkur persónur, sum fekk okkum at venja nógv. Eitt nú vandu vit hvønn sunnu­ morgun áðrenn dyst. Eg minn­ ist tað eisini sum, at vit vunnu fleiri av dystunum móti enda­ num. Ronny átti stóran lut í meistaraheitinum, fortelur Ábra­ham Løkin. Aðrir svenskir venjarar hava ikki sett so stóran dám á føroyskan fótbólt. Kenneth Rosén var eitt skifti í 1990 venjari hjá B68. Tíggju ár seinni kom Per Olov Andersson, eisini nevndur Pelle, til B36. Hann bleiv koyrdur miðskeiðis í árinum, eftir at B36 tapti 2-4 á heima­vølli móti B71. Sandoyingar eru í dag at finna í næstbestu deildini. Teir royndi seg eitt stutt skifti í fjør við S t e f a n i Hansson við róðrið, men eftir fimm tap í sjey dyst­ um endaði samstarvið har eisini. Glenn Ståhl var eisin venjari í føroyskum fótbólti í fjør. Hann fekk avbjóðandi uppgávuna at venja felagsliðið TB/FCS/Royn. Tað kom hann væl frá og úrslitini vóru eftir umstøðunum góð. Hann er farin aftur til Svøríki, men tað var ikki heilt uttan áhuga frá føroyskum feløgum. Ken er drúgvastur Bara fýra svenskir spælarar hava verið í føroyskum fótbólti. Fyrr­nevndi venjarin hjá B36, Pelle, hevði landsmannin Håkan Lundholm við sær. Skjóti vongurin var væl lýddur uttan­fyri vøllin, men avrikini á vølli­num vóru heldur misjøvn. Hans­ara seinasti dystur var eisini 4-2 tapið móti B71. Rasmus Fred Christer Andersson spældi eitt hálvt ár á Skála í 2016, og Petter Johan­ nes Björlund tað sama fyri 07 Vestur í 2017. Drúgvastur er Ken Fager­ berg. Hann kom til 07 Vestur í 2017, og spælir enn í føroyskum fótbólti. Hann skifti í summar frá 07 Vestur til TB. -Eg dugi ikki at siga hví so fáar spælarar skifta millum londini. Svenskur fótbóltur er farin at líkjast meiri kropsliga fótbóltinum, sum vit seta saman við norskan fótbólti, meðan norskur fóbóltur er farin at líkjast svenskum fót­ bólti, við meiri tekniskum spæli. Tí kundi verið, at før­ oysk­ir spælarar verða hægri í metum í Svøríki í framtíðini, sigur Ken Fagerberg. Føroyar kunnu fáa stig Svenskarin á Tvøroyri heldur, at føroyska liðið kann fáa stig móti Svøríki. Hann heldur fyri, at svenska liðið er sterkt, men tað eru avbjóðingar í framm­rættaða partinum av spælinum. Uttan Zlatan Ibrahi­ mo­vic er ongin stjørna á lið­ num. -Svøríki hevur eitt gott lið, men teir hava ikki hasa stjørnuna longur. Eg vænti at spælistílurin passar væl til før­oyska liðið. Teir spæla 4-4-2 og styrkin er í verjuspælinum, men tak ikki feil, teir duga tað væl, sigur Ken Fagerberg og legg­ur afturat. -Eg havi sæð nakar dystir hjá føroyska landsliðnum. Svøríki hevur eitt sterkari landslið, men eg vænti at tit kunnu spæla fult upp við svenska liðið. Svøríki spælir ikki nakran av vøllinum. Um tit fáa mál upp á tykkara møguleikar, so síggi eg ein kjans fyri javneliki, sigur Ken Fagerberg. Hann leggur tó dent á, at Svøríki er favorittur og skal helst vinna dystin fyri at koma víðari úr bólkinum. -Eg ætli mær at koma til dystin, men nú má eg fáa tað at passa saman við bátinum. Eg haldi sjálvandi við Svøríki og hetta er ein týdningarmikil dystur, um vit skulu koma víðari, sigur Ken Fagerberg smíl­andi. Hann sigur at enda, at svenskir miðlar hava víst dysti­ num áhuga. Onkur teirra hava verið í Føroyum og gjørt inn­ sløg í samband við dystin. Nógvir dystir í Evropa Longu í 1994 møtast føroysk og svensk lið í Evropa. FM- vinnar­ar­nir úr GÍ spældu móti Trelleborgs FF í UEFA Cup. GÍ tapti 1-0 á heimavølli og 3-2 á útivølli. Brøðurnir Henning og Magni Janskor skor­aðu málini. GÍ spælir aftur í 2000 móti svenskari mót­ støðu. Tá er mótstøðuliðið IFK Norrköping, sum vinnur sam­an­lagt samanlagt 4-1. Súni Olsen skorar føroyska málið. Í 1996 tapti B68 heili 5-1 móti Djur­gaardens IF á Råsunda leik­vøllinum í Intertoto Cup. Aksel Højgaard skoraði málið. Í 2007 tapti KÍ 3-1 samanlagt móti Hammerby. Árið eftir tapti HB 4-1 í Elfsborg, men fekk málleysan javnleik í retur­ dysti­num. Í Europa League í 2010 tapti EB/Streymur fyrst 1-0 í Svøríki móti Kalmar FF og síðani 3-0 á Svangaskarði. Sama árið spældi NSÍ móti Gelfe IF. NSÍ tapti 2-0 á heimavølli og 2-1 í Gävle. Í 2011 spældi HB tveir spenn­ andi dystir móti Malmö FF í Champions League. Fyrri dyst­ ur­in var í Svøríki, har Teitur M. Gestsson vardi málið hjá HB fyri fyrstu ferð. Hann spæl­di ein branddyst, men HB tapti 2-0. Tað bleiv av álvara spenn­ andi í returdystinum í Gunda­ dali. Fróði Benjaminsen legði HB á odda 1-0, men ikki fyrr enn í yvirtíðini skoraði Malmö FF málið, ið staðfesti víðari lut­ tøkuna. Seinast eitt føroyskt lið spældi móti svenskari mót­ støðu var í 2017, tá KÍ og AIK Stok­hólm møttust í Europa League. Her megnaði KÍ at spæla málleysan javnleik í Gunda­dali, men tapti 5-0 í Stok­ hólmi. Hava ein kjans Tað er ongin ivi um, at Svøríki er favorittur at vinna dystin hós­kvøldið. Men tað eru eisini fleiri – eins og Ken Fagerberg – ið halda at vit hava ein kjans. Bæði at fáa stig og at spæla upp í móti Svøríki. Teir spæla ikki eins skjót og norska landsliðið, og tí eru eru møgu­leikar fyri at føroyska liðið klárar at standa ímóti í eina tíð. Vit hava Jóan Símun Ed­mundsson við okkum aftur, meðan Brandur Hendriksson er í toppform aftur. Lars Olsen, landsliðsvenjari, stóð fyrst ferð við róðrið til eina heimadyst, tá Svøríki vitj­ aði á Tórsvølli í oktober 2012. Tá vann Svøríki 2-1, eftir at Rógvi Baldvinsson hevði lagt Føroyar á odda 1-0. Árið eftir vann Svøríki 2-0 á Friends Arena í Stokk­hólmi í Svøríki. Afturgangandi fyri báðar dystir­nar er, at Zlatan Ibrahi­ mo­vic vann dystirnar fyri Svøríki. Hann skoraði saman­ lagt trý av málunum, og legði upp til tað fjórða. -Tá var kenslan, at vit kundu spæla upp í móti teimum. Nú er ongin Zlatan Ibrahimovic, so tað verður spennandi at síggja hvat teir koma við hesaferð, sig­ur Lars Olsen. trondur@sosialurin.fo Føroyar: Gunnar Nielsen, FH Hafnarfjørður (Ísland) Kristian Joensen, KÍ Klaksvík Teitur Matras Gestsson, HB Tórshavn Atli Gregersen, Víkingur Andrias Eriksen, B36 Tórshavn Viljormur Davidsen, Velja BK (Danmark) Gilli Rólantsson Sørensen, SK Brann (Norra) Hørður Askham, HB Tórshavn Magnus Egilsson, HB Tórshavn Heini Vatnsdal, Fremad Amager (Danmark) Rógvi Baldvinsson, Bryne BK (Norra) Rene Shaki Joensen, HB Tórshavn Hallur Hansson, AC Horsens (Danmark) Brandur Hendriksson Olsen, FH Hafnarfjørður (Ísland) Árni Frederiksberg, B36 Tórshavn Sølvi Vatnhamar, Víkingur Jóannes Bjartalíð, KÍ Klaksvík Kaj Leo í Bartalsstovu, Valur (Ísland) Meinhard Egilsson Olsen, Kristiansund BK (Norra) Jóan Símun Edmundsson, DSC Arminia Bielefeld (Týskland) Klæmint Andrasson Olsen, NSÍ Runavík Patrik Johannesen, KÍ Klaksvík Landsliðsradio á FM1: FM1 ger nógv burturúr landsdystinum móti Svøríki hósdagin. Longu frá klokkan 10 fer at verða landsliðsdámur á FM1. Serliga landsliðsfótbóltspanel verður frá klokkan 15 til 17. Síðani verður upptakt beinleiðis av Tórsvølli frá klokkan 18. Dysturin byrjar klokkan 19.45 og tá verður beinleiðis frásøgn. Aftaná verður 3. Hálvleikur við samanumtøkum og samrøður úr Mixed-Zone. Føroyskir spælarar í Svøríki: Ábraham Løkin (Sleipnir IF, 1981) John Janskor (Sleipnir IF, 1981) Finnur Justinussen (Jönköpings Södra, 2013)