týsdagur 3. september 2019síða 36

NR. 101 • 4. SEPTEMBER 2019 12 Mergja konsert­røð í Ment­anar­húsinum Eivør – Dupultkonsert: Ingeborg Oktober og T.O.S - Jacob Anderskov F ríggjadagin kl. 20.00 verður høvið at upp­liva eina heilt serliga standikonsert í Ment­anarhúsinum. Tað er Eivør sum hevur lagt leiðina heim til Føroya at framføra solokonsert. Seinastu árini hevur Eivør í stóran mun framført við bólki, men komandi hálvár fer hon í mestan mun at arbeiða við at leggja seinastu hond á nýggja fløgu, ið kemur út næsta ár, og harumframt hevur hon valt at gera nakrar solokonsertir, bæði heima í Føroyum og úti í heimi. Fyrsta solokonsertin av trimum í Føroyum var í juli á Maggies í Nólsoy. Kinna Poulsen ummælti hesa konsertina m.a. soleiðis: “Tað eru ómetaliga fá menniskju, sum klára at umsita og miðla so stórar kenslur á so stórbæran og sannførandi hátt, sum Eivør megnar. Tað ger hon við eini rødd, sum ikki bara er eitt náttúrugivið sansaligt fenomen eins og ein fossur onkran dýggjvátan dag….. Tað var fantastiskt at uppliva. Bæði rør­ andi og gleðiligt; hjartað stóð fleiri ferð til at bresta av øllum kenslunum, sum tónleikaligi autor­iteturin vakti í okkum. Leygarkvøldið kl. 20.00 verður dupultkonsert í Mentanarhúsinum í Fuglafirði við Bárði á Lakjuni við sínum bólki T.O.S og norsku Ingeborg Oktober. Konsertin er samskipa gjøgnum norð­ ur­lendska livetónleikaátakið puls Bólkurin T.O.S. varð stovnaður á vári í 2008 og hevur síðani luttikið sera nógvum tiltøkum, konsertum, festivalum osfr. Ljóðmyndin er ein festligur meldur av tón­ leika­ligum íblástri úr øllum ættum. T.O.S. spælir mestsum bara egið tilfar, og nær­um allir tekstir eru á føroyskum máli. 6 fastir limir eru: Bárður á Lakjuni, Eiler Han­sen, Jógvan S. Sevdal, Jákup Heinesen, John Eliassen og Jan Nónklett. T.O.S. byggir á ta grund­leggjandi fatanina, at í tónlistarliga úttrykk­inum skal alt vera loyvt – og tískil tykist ljóð­myndin mangan stuttlig, yvirraskandi og ‘skeiv’. Tekstirnir viðgera ymisk evni, bæði tílíkt, sum hevur við trúarlív at gera og annað, sum kann fáa tankarnar í sving hjá flest øllum. Ingeborg Oktober er norsk songkvinna og sangskrivari. Á gittari ella við einari mini­mal­ist­ iskari samanseting spælir hon pop, fólka og rock tónleik. Løgini verða tíðum lýst sum fangandi og vøkur, við tekstum sum avbjóða áhoyraran. Hon hevði sína fyrstu konsert í 2010, og hev­ ur hon síðani útgivið tvær plátur. Hon vann eina Norwegian Grammy í 2019, og hevur framført á festivalum sum Bylarm, Trondheim Calling, Træna­festivalin og Artic Sounds. Í sambandi við næstu útgávu sína hev­ ur Ingeborg túrað kring heimin og navn­frami journal­isturin Egon Holstad lýsti áhoyr­ara­fjøld­ ina sum sitandi á kantinum á setrinum, púra kvirr, tá Ingeborg tosar og spælir, bara avbrotið við ovurfegnum lógvabrestum ímillum løgini. Sunnudagin kl. 17.00 er møguleiki fyri at hoya verkið, sum varð tilnevnt tónlistavirðisløn Norð­urlandaráðsins í 2018. Hendan konsertin er eisini skipa gjøgnum norðurlendska tónleika live-átakið puls, sum Mentanarhúsið hevur verið part­ur av í síðani tað byrjaði í 2017. Resonance er skrivað av danska tóna­skald­ in­um og tónleikaranum Jacob Anderskov. Jacob er lýstur at vera “one of the most extraordinary artists of contemporary music” (Jazz Podium, Ger­many, May 2010). Millum nógvu virðislønir hansara er m.a. ein Danish Music Award Jazz frá 2013, har hann vann sum besta jazz tónaskald tað árið. Íblásturin til verkið kom frá einum sitatið hjá Miles Davis “Tú lurtar…. síðan spælir tú”. Fyri at veruliga spæla saman við øðrum á ein hátt, sum gevur meining, mást tú duga at lurta eftir tí, sum er rundan um teg, samstundis sum at tú mást vera tann, tú ert. Arbeiðshátturin hjá bólkinum hjá Jacob Anderskov við trimum strúk­ ar­um og Peter Bruun á trummum og slagverki er ætl­aður soleiðis, at hann skapar ta heilt røttu samanrenningina, samstundis sum at samleikin hjá hvørjum einstøkum tónleikara er varðveittur. Við hesum verkinum er støðugt leitandi tóna­skaldið farið djúpari inn í ein heim av pulsi og kenslum. Verkini skapa eina ljóðmynd, har egin­leikarnir hjá strúkarunum gerast ein totalt inte­greraður partur av tónleikinum, heldur enn at teir spæla ein serstakan leiklut, sum ofta kem­ur fyri innan jazzin. Hesin tónleikurin varð fyrr róptur “third stream” í eini roynd at lýsa samanrenningina ímill­um evropeiskan kompositiónstónleik og jazz – ein náttúrlig samanrenning, sum fleiri tó hildu vera ómøguliga. Tíbetur er frástøðan ímill­ um jazz og klassiskan tónleik støðugt minkað, og teir tveir tónleikaheimirnir hava funnið ein vakr­an hátt at liva saman. Resonance er eitt fantastiskt dømi um júst hetta. Ímeðan hann skrivaði verkið, doyði mæti jazz tón­leikarin Ornette Coleman, sum hevur verið ein stórur íblástur hjá Jacob Anderskov. Tískil er fyrsta verkið ein tulking av “What reason could I give” hjá Coleman. Atgongumerki til konsertirnar kunnu keypast umvegis www.mh.fo INGEBORG OKTOBER OG T. O.S. 7. SEP. 2019 KL.20.00 Í MENTANARHÚSINUM KARVATOFTIR 5 – FUGLAFJØRÐUR JACOB ANDERSKOV 8. SEP. 2019 KL.17.00 Í MENTANARHÚSINUM KARVATOFTIR 5 – FUGLAFJØRÐUR EIVØR 6. SEP. 2019 KL.20.00 Í MENTANARHÚSINUM KARVATOFTIR 5 – FUGLAFJØRÐUR