hósdagur 5. september 2019síða 39

11 Fríggjadagur 6. september 2019 · Nr. 102 Sosialurin men ein treyt fyri tí er, at eg dugi føroyskt. Tað haldi eg ikki vera rími­ligt, tí tað ber væl til at klára seg í samfelagnum uttan at duga málið, sigur hann. FANN KONU Í KINA Tá Qin kom til Føroya fyri átta ár­um síðani, var hann stakur. Nú hevur hann konu og børn. Hann hitti konu sína, Xiao Lan, tá hann var heima í Kina og vitjaði. Tey giftust í Havn í 2013. Qin og Xiao Lan hava nú tvey børn, sum eru 5 og 2 ár. Xiao Lan er heima og ansar børnunum, tí tey hava ikki fingið pláss í barnagarði. Tá næsta barnið var á veg, flutti Xiao Lan aftur til Kina við børnunum. - Vit høvdu brúk fyri at fáa hjálp frá foreldrunum til børnini, men tey sleppa í mesta lagi at vera í Føroyum í tríggjar mánaðir. Tað bleiv ov strævið hjá mær at und­ir­ vísa og granska og eisini taka mær av familjuni, so vit gjørdu av, at Xiao Lan skuldi fara til Kina at vera eina tíð, so hon kundi fáa hjálp frá fam­iljuni. Konan og børnini eru nú komin aftur til Føroya, og tey hava vónir um, at tey nú skjótt fara at fáa dag­ stovna­pláss, so Xiao Lan, sum er master í teldufrøði, eisini sleppur til arbeiðis. BØRNINI SLEPPA AT SPÆLA Børnini tosa enn bert kinesiskt og eitt sindur av enskum. - Tey fara helst at læra føroyskt, tá tey koma í barnagarð, sigur Qin. Hann er fegin um, at børnini vaksa upp í Føroyum. - Her sleppa tey at spæla og vera børn. Í Kina byrja børnini longu at læra støddfrøði í barnagarðinum. Í teimum yngstu skúlaflokkunum fáa tey flestu 10 ella 20 eykatímar um vikuna afturat vanligu skúla­ gongdini. Tey sita uppi til langt út á náttina og gera heimaarbeiði. - Tað er ikki gott fyri børnini, men foreldrini noyðast at gera sum hini og senda børnini til eyka­ undirvísing eftir skúlatíð, tí annars verða tey verri fyri, sigur hann. Bert tey bestu sleppa á uni­vers­ itet og fáa møguleikan at fáa eina hægri útbúgving, - Tað krevjast sera góð úrslit frá miðnámsskúlanum fyri at koma inn á eitt gott universitet. Eg havi sjálv­ur arbeitt hart fyri at sleppa á universitetið, men tá eg var barn, byrj­aðu vit ikki so tíðliga at kapp­ ast, sigur hann. Fleiri kanningar eru gjørd­ar, sum vísa, at kinesiskir miðnáms­ næm­ingar eru betri á næstan øllum økj­um enn javnaldrar í Evropa. Ikki bert innan náttúruvísindi og støddfrøði, men eisini innan skap­ andi lærugreinir, nýmenning og sam­starv, skara kinesarar framúr. Qin stúrir ikki fyri, at hansara børn verða verri fyri av at vaksa upp í Føroyum. - Tað er ikki neyðugt at byrja so tíðliga, sum tey gera í Kina. Tað eri eg sjálvur eitt gott dømi um, tí eg havi klárað meg væl, hóast eg ikki byrjaði at kappast og arbeiða hart fyrrenn í miðnámsskúlanum, sigur hann. Qin Xin og konan Xiao Lan eiga tvey børn. Lisa er 5 ár og Andrew 2 ár. Lisa og Andrew tosa enn bert kinesiskt og eitt sindur enskt.