mánadagur 16. september 2019síða 18

Mánadagur 16. september 2019 · Nr. 106 18 Sosialurin Hugskot og viðmerkingar – send sms til 225000 Nú eru tað bara B36 og KÍ, sum uttan hjálp frá øðrum hava møguleika at vinna FM heitið Jóannes Hansen Leingi vóru tað fimm lið í FM stríðnum. Síðstu vikurnar hava tað verið trý lið – B36, NSÍ og KÍ – og nú er B36 stórfavorittur at verða meistari. Einasta liðið, sum sjálvt og uttan hjálp frá øðrum hevur møguleika at taka B36, er KÍ. Treytin hjá klaksvíkingum er hørð. Um B36 heldur fram og avrikar á sama hátt, sum árstalfelagið hevur gjørt nógvu tær seinastu ferðirnar, so skal KÍ vinna allar sínar dystir, um talan skal verða um FM finalu í síðsta umfari, tá ið B36 og KÍ hittast í Gundadali. Fyrsta stóra royndin hjá KÍ verður longu mikukvøldið klokkan 19, tá ið útsetti dysturin verður við Løkin í Runavík. Tá skulu teir í NSÍ reisa seg eftir ferðmiklu og hendingarríku uppgerðina við Løkin í gjárkvøldið, meðan klaksvíkingar í gjár ikki høvdu so nógv trýst á sær, tá ið teir vunnu 3-0 á heimavølli ímóti TB. Skráin hjá toppliðunum sær soleiðis út tað, sum er eftir av hesum árinum: B36: ÍF (h), HB (h), EB/ Streymur (ú), Víkingur (ú) og KÍ (h). NSÍ: KÍ (h), TB (ú), Víkingur (h), HB (ú), KÍ (ú) og ÍF (h). KÍ: NSÍ (ú), AB (ú), ÍF (h), Víkingur (ú), NSÍ (h) og B36 (ú). Bara undanvindur í B36 Í fjør riggaði alt hjá HB, sum í øllum førum hevði marginalirnar við sær og vann FM í stórum stíli. Í ár – og serliga nú í heyst – eru gullsnittið og allir marginalirnir fluttir í sunnara enda í Gundadali. Fyrr í ár var skaðalistin alinlangur í B36. Nú eru nógv teir flestu tøkir, kappingin er stór um plássini, og tað ber til hjá Jákupi á Borg at broyta uppstilling og laga til alt eftir, hvat mótstøðuliðið er. Í gjárkvøldið var tað uppgávan hjá teimum, sum eru kropsliga væl fyri, og sum orka serliga væl at renna, at greiða setningin ímóti NSÍ. Hugin Samuelsen, Benjamin Heinesen og Michal Przybylski áttu lyklaleiklutir, og tað er luksus at eiga so góðar menn at seta inn sum Bjarna Petersen, Hannes Agnarsson og Stefan Radosavljevic. -Eftir at hava vunnið 2-0 í Klaksvík og 3-0 í Runavík kunnu vit ikki renna undan, at vit nú teljast millum favorittarna at vinna FM, staðfestir B36 venjarin Jákup á Borg. Í gjákvøldið var mótstøðuliðið skert, tí Klæmint A. Olsen ikki var førur fyri at vera millum teir fyrstu ellivu. NSÍ við og uttan Klæmint A. Olsen er ikki sama liðið. Størsta avbjóðingin fram ímóti FM heitinum hjá B36 bíðar í grannauppgerðini ímóti HB, sum verður á mikkjalsmessu. Í síðstu viku varð greitt, at Hørður Askham verður ikki við aftur í ár, og í gjár varð miðvallarstýrimaðurin hjá HB, Tróndur Jensen, borin av vøllinum í Gundadali. Hósdagin verður hann kannaður í Keypmannahavn. Hann er skaddur í knænum, og tað er ivasamt, hvussu stórur hansara leiklutur verður tað, sum er eftir av heystinum. B36 kann einki gera við, hvussu NSÍ og HB eru mannað, men tað ávirkar mótstøðuliðini, hvussu tey eru mannað ímóti B36. Avgreiðslusigur í Klaksvík KÍ – TB 3-0 Frá fyrsta bríksli sást, at talan fór at verða um einvegis ferðslu í Klaksvík. Magnus Stamnestrø var fyri fjórðu ferð á KÍ liðnum, og hann skoraði fyri fyrstu ferð eftir misskiljing í TB verjuni. Heimaliðið svam í møguleikum, og Jóannes Bjartalíð misnýtti tann størsta, tá ið Milos Budakovic, sum var nógv eyðsýndasti TB spælarin, b j a r g a ð i b r o t s s p a r k i . Eftir horna økti Jákup B. Andreasen til 2-0, og í seinna hálvleiki staðfesti Jóannes Bjartalíð 3-0 sigurin við rimmar frísparki. -Vit høvdu heilt nógvar møguleikar og kundu havt vunnið størri sigur, men vit eru nøgdir og hava nú fokus á avbjóðingini í Runavík mikukvøldið, sigur Jóannes Bjartalíð. -TB liðformaðurin og miðverjin Poul Ingason noyddist av vøllinum longu fimm minuttir eftir steðgin: -Vit runnu fyri tað mesta aftaná, og vit kunnu einki siga um, at væl upplagda KÍ vann, sigur Poul Ingason. Pingel var í hopla HB – Skála 3-0 Tíðliga í ár vann Skála 2-0 í Gundadali ímóti HB. Í gjár vann HB 3-0. Tróndur Jensen plagar at stýra HB spælinum. Í gjár varð hann borin av vøllinum, áðrenn tíggju minuttir vóru farnir. Í hansara stað varð settur Sebastian Pingel, sum hevur verið nógv skaðadarvaður. Ari Mohr Olsen legði HB framum eftir stórt verjukiks, og tvey tey seinnu málini skoraði Sebastian Pingel. Tað fyrra eftir innlegg úr høgru frá Bartali Wardum og tað seinna, eftir at hann á allari Skála hálvuni rann frá verjuni. -Tað vóru 50 metrar eftir í beinunum, og teir nýtti eg til at renna langt og skora triðja málið. Tað var meiri ferð í okkum enn teimum, og hóast teir høvdu møguleikar, so spældu vit okkum til fleiri málmøguleikar, sigur Sebastian Pingel. Skála venjarin, Eyðun Klakstein, staðfestir, at tað var munur á liðunum: -Treytirnar eru ymiskar hjá Skála og HB, sum hevur møguleikar at keypa spælarar til plássini, sum teir halda skulu styrkjast. Vit royndu, men aftur hesa ferð vóru vit ikki nóg neyvir í álopspartinum, og aftur hesa ferð góvu vit møguleikar burtur í verjupartinum, og tað kostaði. Sorin var fegin Víkingur – AB 1-1 Í Sarpugerði endaði tað 1-1, og tað vóru argjamenn fegnir um, meðan heimamenninir iðraðu seg um, at tað ikki eydnaðist at vinna fulla úrtøku. -Um tað vildi heilt væl til, so HB MISTI AFTUR LYKLASPÆLARA FÓTBÓLTUR