mánadagur 16. september 2019síða 23

23 Mánadagur 6. januar 2014 · Nr. 2 Sosialurin Mánadagur 16. september 2019 · Nr. 106 Hugskot og viðmerkingar – send sms til 225000 KLUMMAN Tróndur sigur sína hugsan... Søgan endurtekur seg. Vit hava avbjóðingar við veðrinum, tá tað kemur til fótbólt í Føroyum. Um vikuskiftið bleiv allur fótbóltur avlýstur leygardagin. Tá so leygardagurin kom, so kann ongin ivi verða um, at tað var ein røtt avgerð. Tað var ódn og als ikki spælandi. Nú kenna vit ikki alt eftirspælið, men eg haldi at higartil eru øll samd um tær broytingar, ið eru. Tað er gott, at Fótbóltssambandið í samráð við feløgini kann fáa slíkt avgreitt. Men hvørja ferð vit hava slíkar avbjóðingar setur tað gongd í eitt kjak, sum javnan er frammi. Hvussu skulu vit gera, so at avgerandi dystir ikki verða spældir í so ringum veðri. Ein loysn, sum hevur verið frammi fleiri ferðir, er at vit venda kapingini so at vinnarin verður funnin í juni. Síðani byrjar kappingini aftur í juli. Hetta hevði tó havt tað avleiðing, at tað verður ein langur steðgur um veturin. Eg ivist um tað hevði gjørt gott fyri spenningin. Tað er eisini í vetrarhálvuni, at flestu flytingarnar eru. Tí hevði landskappingin eisini verið deild upp í tvær hálvur. Ein annar møguleiki er at strika summarferiuna og stytta longdina á kappingini. Tað gera tey millum annað í Íslandi. Her eru tveir vansar. Tann fyrri er, at tað órógvar feløgini, sum skulu umboða Føroyar í Evropa og tryggja at vit hava fýra pláss Evropa. Hin avleiðingin er á tí meiri menniskjaliga økinum. Tað er um summarið, at familjan vanliga hevur frí og tí gevur møguleika fyri eini feriu saman við familjuni, sum í gerandisdegnum má velja nógv frá, fyri at spælararnir kunnu spæla. Eg veit ikki hvat skilabesta loysnin er. Tað er so ikki at gera sum í eitt nú Sarpugerði, har vøllurin stendur og gapar í einum vindholi og skýlið er ongin hjálp. Tá eg hugsi um ungdómslandslið og tekniska og taktiska venjing, so haldi eg framvegis, at vit skulu raðfesta eina fótbóltshøll, sum eisini skal rúma ein toppdyst í Betri deildini – um vit koma í eina slíka støðu. Tað var hvørtfall rætt at flyta dystirnir hesaferð, men hvussu leingi kunnu vit liva við at veðrið spælir ein so stóran leiklut í føroyskum fótbólti? sjurdur@sosialurin.fo Heri Simonsen/Tróndur Arge FH hevði Brand H. Olsen við frá dystarbyrjan. Þórður Þ. Þórðarson í FH-verjuni var so óheppin tá 57 minuttir vóru farnir av dystinum, at hann kom at nerta bóltin við hondini í egnum brotsteigi, og dómarin dømdi brotsspark, ið gjørdist sigursmálið hjá Víkingi Reykjavík. Óttar Magnús Karlsson skoraði sigursmálið hjá Víkingi Reykjavík, ið vinnur íslendsku steypakappingina fyri fyrstu ferð síðani 1971. Brandur H. Olsen hevði eina góða skotroynd á málið hjá Víkingi tá eitt lítið korter var eftir av vanligu leiktíðini, men Þórður Ingason í Víkinga-málinum bjargaði í stórum stíli. Løtu seinni hevði Brandur eina góða sending inn í brotsteigin til Morten Beck, ið ikki tók av, men stútaði bóltin uppum málið hjá Víkingi. Í fyrra hálvleiki fekk Brandur gult kort fyri at fella ein leikara hjá Víkingi. Brandur vann donsku steypakappingina við FCK í 2015, men eydnan var tíverri ikki við honum hesaferð. Gunnar Nielsen var ikki partur av hópinum hjá FH til steypafinaluna. FH liggur annars á triðja plássi í pepsideildini við 31 stigum, og tað triðja plássið má haldast um FH skal sleppa út í Evropa komandi kappingarár. Trý umfør eru eftir at leika í pepsideildini. Jóan Símun og Bielefeld halda fram Jóan Símun Edmundsson og Arminia Bielefeld halda fram við at vinna í 2. Bundesliguni. Leygardagin vann Arminia Bielefeld 2-0 á útivølli móti Hannover 96. Føroyski landsliðsspælarin spældi allan dystin á høgra vongi, og fær rós fyri sítt avrik. Tað var Fabian Klos, sum legði Arminia Bielefeld á odda eftir ein hálvan tíma. Tá ein tími var spældur økti Andreas Voglsammer til 2-0 við brotssparki. Hetta er ikki fyrstu ferð, at Føroyar spæla í Hannover. Bæði í 2002 og í 2012 hevur føroyska landsliðið spælt undankappingardystir móti Týsklandi. Fyrra dystin taptu vit 2-1, og seinni dystin 3-0. So ein fyribils uppteljing sigur, at Jóan Símun Edmundsson er fyrsti føroyingurin, sum hevur vunnið í Hannover. Arminia Bielefeld liggur í løtuni triðja plássi í 2. Bundesliguni. Stórfeløgini VfB Stuttgart og Hamburg SV. trondur@sosialurin.fo BRANDUR OG FH TAPTU ÍSLENDSKU STEYPAFINALUNA Rætt at flyta dystir Fyri fyrstu ferð síðani 1971 hevur Víkingur Reykjavík vunnið íslendsku steypakappingina. Víkingur Reykjavík vann íslendsku steypakappingina við 1-0 sigri á FH á Laugardalsvøllinum í Reykjavík