týsdagur 17. september 2019síða 22

Mikudagur 18. september 2019 · Nr. 107 22 Sosialurin Hugskot og viðmerkingar – send sms til 225000 Sjúrður Hildarson Hoydal Sosialurin er komin til Kolla­ fjarðar týsdagin at sneyta um hvussu hondbóltsliðini eru fyri til komandi kappingarár. Í dag eru tvær vitjanir á skránni. Seinni um kvøldið venur KÍF, men áhugin er fyrst og fremst á børnunum í Eydnudeildini, ið venja klokkan fimm í høllini í Kollafirði. Eydnudeildin hevur í hálvt annað ár skipað fyri hondbóltsvenjing til øll tey børn í Føroyum, sum ikki hóska inn í venjingina hjá siðbundnu hondbóltsfeløgunum. Ikki meira enn komin í høllina, fær tíðindafólkið hjá Sosialinum fyrsta klemmi og fyrsta ”high- five”ið. Og tá ið venjingin er liðug hava vit fingið nógv fleiri og eina kenslu av eydnu at fara heim við. Gleðin hjá børninum er tað besta. -Vit hava verið í gongd í hálvt annað ár nú, og vit vóna framvegis at fleiri børn um alt landið fara at venja við, sigur Morten Huust Peter­sen, sum er stigtakari til Eydnu­ deildina. Menningin hjá børn­ unum gongur eisini bara fram á, brádliga seta børnini hoppiskot í málið, og tað er stuttligt at síggja, og stuttligt hjá børnunum at duga. Tað er eingin loyna, at føroyska Eydnudeildin byggir á donsku “Lykkeliga”, ið hevur fingið sera góða undirtøku niðri. Har menna tey seg eisini, og tey býta eisini venjingarnar upp eftir førimuni, so at tað verður betri møguleiki at spæla ímóti hvørjum øðrum – summi sum hóska seg at spæla á størri vølli og summi sum hóska seg best til smærri vøllir. - Tað er ein avbjóðing at royna tað hjá okkum, tí vit eru ikki nóg nógv børn enn, so vit skiftast onkuntíð ímillum at spæla á størri og smærri vøllum, sigur Morten Huust Peter­sen, ið er sera glaður um venj­ingarnar. - Tað besta við Eydnudeildini, er øll tey klemmini, tá ið tú kemur í høllini týskvøld. Í dag var tað serliga stuttligt, tí at tað er so langt síðani seinast, og tað lýsti úr øllum at tey gleddu seg at byrja aftur, smílist Morten og greiðir frá, at tað er gott at vita at nú venur Eydnudeildin heilt til næsta ár. Kappingarárið hjá Eydnu­ deild­ini endar altíð við eini ferð til Danmark til risatóra “Lykke­cup” tiltakið, har børn úr øllum Danmark hittast at spæla hondbólt og hugna sær. - Lykkecup er eitt fantastiskt upplivilsi, og tíverri fekk eg ikki farið við í ár. Men Marianna var við teimum, og tað var líka so fantastiskt at hoyra børnini greiða frá túrinum, tá ið tey komu heim. - Tað serliga við tiltakinum í Dan­mark er at børnini spæla í altjóða høllum, við túsundtals áskoðarum, og tey kenna seg viðfarnan sum stjørnur, sigur Morten smílandi. Úttikin til danska landsliðið Karla er 15 ár, og hevur vant við Eydnudeildini síðani byrjanina fyri hálvum øðrum ári síðani. Millum annað hevur hon aftur í ár verið við sínum liðfeløgum í Danmark, til stóru Lykkecup stevnuna. - Tað var ordiliga stuttligt. Har vóru ein rúgva av børnum, sum spældu og eisini ein rúgva av børnum, sum heppaðu uppá okkum og hvønn annan, greiðir Karla smílandi frá. - Tað er stuttligt at vera í Eydnu­deildini tí at tú lærir onn­ur børn at kenna, tú fært nýggjar vinir og so sleppur tú eisini at royna at brúka eitt talent. Karla hevur ongantíð fylgt við hondbólti áðrenn hon byrj­ aði í Eydnudeildini, men nú heldur hon at hondbóltur er eitt sera stuttligt spæl. Børnini í Eydnudeildini spældu eisini við heims­meistar­ um úr Danmark, tá ið tey vóru til stevnuna í summar. Nógvir danskir landsliðsleikarar vitja donsku Eydnudeildina, og danski landsliðsvenjarin, boð­ aði eisini frá, at øll børnini vóru úttikin til danska landsliðið, og fóru at fáa hvør sína landsliðstroyggju og eitt prógv. Karla og hini børnini kenna ikki ordiliga Jóhan á Plógv frá danska landsliðnum, men fyrsti føroyingurin á danska lands­liðnum, hevur eisini vitja og stuðla Eydnudeildina í Føroyum, og tað er fyrst og fremst tað, sum børnini fegn­ ast um. - Men tað var stuttligt at sleppa á landsliðið, ger Karla greitt at enda áðrenn venjarin, Mort­en, tekur til at vónandi vera tey eisini tøk til føroyska lands­liðið. Meira smíl, meira klemm og fleiri “high-fives” Eins og danska Lykkeliga, hevur føroyska Eydnudeildin eisini fingið hjálpandi hendur frá tiltiknum hondbóltsstjørnum. Ein teirra er Marianna Holm Jacob­sen, sum var ímillum bestu føroysku leikarar, áðrenn álvar­samir skaðar setti steðg fyri hondbóltinum. Í eitt ár hevur hon verið venjari í Eydnudeildini tá ið hon ikki er uttanlands, og børnini tykjast at dáma sera væl ven­ jaran, og tað er afturlønt. Hetta er fyrsta venjing síðani summar­steðgin, og bæði børn og foreldur gleðast um kakuna, sum Marianna hevur bakað til høvið. Spurd um hetta er øðrvísi enn hvat hon hevur verið von við í hondbólti, svarar hon greitt: - Hetta er púrasta øðrvísi enn vanlig hondbóltsvenjing. Hetta er meira smíl, meira klemm og meira “high-fives”, greið­ir Marianna frá. Hon er eisini spurd um at venja í onkrum hond­bólts­ felagi, men hugurin er ikki til hond­bólt á hægsta støði enn. Har er saknurin at spæla enn ov stórur, til at Marinna skal venja aðrar. Men Eydnudeildina vildi hon gjarna. Her er hugnin full­ komliga í hásæti, og tað snýr seg um annað enn hondbólt. Her er heldur einki trýst á ein­ um fyrrverandi stórleikara at vera venjari. - Tú noyðist ikki at skilja so nógvan hondbólt fyri at vera venjari í Eydnudeildini. Tað snýr seg meira um at spæla og hava tað stuttligt við bóltinum, men okkurt grundleggjandi kann eg læra tey, við at flyta seg rætt, kasta av rætta beini og so framvegis, greiðir Marianna frá. Tá ið Sosialurin vitjar Eydnu­deildina henda dagin, er tað fyrsta venjingin eftir summar­steðgin, og Marianna fegnast um at tveir nýggir venjarar eru við henda dagin og vísir á, at har er brúk fyri so nógvum sum møguligt at hjálpa til. - Men eg vóni eisini at Eydnu­deildin verður størri, tí eg veit at har eru børn kring landið, sum ikki vita um hetta enn, og Eydnudeildin roynir eisini at skapa áhuga á instagram og sosialum miðlum annars, greiðir Marianna frá at enda. Tíðindafólkið hjá Sosialinum vil eisini nýta høvið at viðmæla øllum, ið hava tørv á klemmum, high-fives og smílum, at venda sær til Morten ella Marionnu og møta upp í Kollafirði týs­dag­ ar klokkan 17. sjurdur@sosialurin.fo STØRSTU STJØRNURNAR SPÆLA FYRI EYDNU Meðan hondbóltsliðini í landinum hugsa um hvussu tað skal eydnast at vinna sær stig, venja nøkur børn í Kollafirði fyri at vinna sær eydnu